BLOGGER TEMPLATES AND TWITTER BACKGROUNDS »

الخميس، 24 سبتمبر، 2009

شاءت الاقدار

ربنا يشفى والدة جارة القمر اللهم امين
البوست ده اهداء منى لكل بنى ادم وبنى ادمية عيد ميلادهم الشهر ده

شاءت الاقدار أن تلقى بقلبك فى طريقى
شاءت الاقدار ومن له حق الاعتراض
شاءت الاقدار أن يلتقى قلبك الرقيق
بقلبً مُحطم فى المدينة المكنوبة
قلب يحيا تحت الانقاض
شعرت بقلبك يعانقنى ويدفعنى للصعود
فكذبت إحساسى
أيوجد أحد يفعل الخير بدون أغراض
أحقا تريدين قلبى ملك ً لمملكتك
أحقا يغنيكى قلبى عن كل الاغراض
أحبك يا نفسى التى أحيا بها
يا روح تذكرنى دوما فى سجودها
يا قلب أوشك على الانقراض
أحبك كــ حب الطير للسماء
أحبك كـــ حب الكروان للغناء
ملاك ً أنتى
وعينيكى كــ وحشا كاسر يجيد الانقضاض
ما أجمل الهزيمة من عينيكى
وما أجمل القلب بهذا الانقباض
أشعر بنشوة
أشعر بالهواء يملا صدرى
آه يا قلب
إشتقت كثيرا لهذه الاعراض
آه يا قلب
حالتى تسوء يومً بعد يوم
رفقا بى حبيبتى
أحقا ما أنا فيه
فالقلب المحطم لا يقبل الافتراض

الأحد، 20 سبتمبر، 2009

زى النهاردة

ربنا يشفى والدة جارة القمر
اللهم امين
كل سنة وانتم طيبين وبخير دايما يارب

كل بنى أدم دخل هنا لازم وحتما ولابد

يسيب العيدية بالذوق احسن

عاطل مش عاطل

مش مسئوليتى

*

*


زى النهاردة كان اول يوم للمدونة دى ،، مدونة الهامى


الهام دى تبقى من أحب الناس اللى قابلتهم فى حياتى واللى تاثيرها لسة موجود جوايا

رغم انى مش هاشوفها تانى ،، الشهر ده من اجمل شهور السنة فى حياتى

ده الشهر اللى ربنا انعم عليا وجيت فيه الدنيا

والحمد لله انى اتولد مسلم ودى اجمل نعمة


وكمان والدتى ربنا يخليها يارب فى نفس الشهر ، واعز اصحابى

والحاجة الجميلة ان من عالم التدوين ناس قريبة منى فى نفس الشهر بردة وهما

ميمى اللى طبعا مش هينفع معاها اى كلام

وسارة شريكتى فى حب القطط

فى الشهر ده عملت المدونة انما اول بوست فعلى كان فى ديسمبر وده لاسباب يطول شرحها

فى السنة دى اتكلمت مع ناس بسيطة جدا واكيد كنت انا المستفيد لانى حبتهم بجد

اجمل حب لامة تحب حد فى الله ، الله على ده حب عمرك ما تنساه

الحمد لله كنت باتعامل مع اى حد كانى اعرفه شخصيا


و الناس دى كانت اضافة ليا بشكل كبير اوى


لكن اجمل حاجة بجد خرجت بيها هى ان المصحف بقى فى ايدى كل يوم ويارب دايما يارب


وطبعا صاحب الفضل فى كده بعد ربنا ، ربنا يكرمه دايما لانى بادعيله دايما

ومهما قلت مش هاقدر اوفيه حقه عليا



اخر بوست ليا كان من حوالى شهر ووقفت بعدها بس مش بسبب رمضان

لانى تقريبا باكتب كل يوم وساعات باحلم بكلام واقوم اكتبه انا باقول ساعات

هى حالة الله اعلم هتوصلنى لحد فين بس هى موجودة وانا اعترف انى مجنون

يعنى ممكن بكرة تلاقوا المدونة دى ........ وممكن كمان خمس دقايق تلاقوا بوست جديد

توقعوا منى اى شىء ،، الناس اللى متبعانى من بدايتى عارفة ان دى اول مرة اتكلم فيها

ويمكن يكون الكلام ده غريب عليها بس اهى مرة من نفسى

جانى كذا تاج وكنت مش باجاوب عليه والسبب مازال مجهول

حضرت لقاء واحد كان لديوان مصطفى حسان ، وشوفت فيه ميمى

وعادل وفاتيما ( روح قلب ماما ) ولاقيت نفسى بانعزل عن باقى الناس اللى موجودة

مش عارف ليه يمكن لانى طبيعتى باحب العزلة جدا او لانى حسيتكم كلكم فى التلاتة دول

كلامى ممكن يزعل ناس منى بس انا باقول اللى فى قلبى مش اكتر
من فترة وانا مش بــــ أرد على التعليقات وده لانى تعبت جامد واتمنعت من المدونة


فكنت باستغل الوقت اللى بــــ أرد فيها واتابعكم

وكمان علشان اقدر اتكلم مع الناس وللأسف التعب لسة مستمر معايا
كل مدونة فيها الاسم ده اسماء واحلام فى وجدانى انا باحبها جدا

لانى الاسم ده زى ابنى وطبعا مش معقول هاسيب ابنى فى مكان انا مش حابه
البوست ده بالنسبة لى هيكون نقطة تحول لايه لسة ما قررت

بس قبل ما اقول خلاص عايز اتكلم عن اجمل اربع مواضيع من وجهة نظرى انا مش اكتر



1_ من مدونة وردة أمل جديد
لانه من الصعب على حد انه يترجم احساس مبهم لكن وردة هنا قدرت ازاى مش عارف


2_ من مدونة ميمى ابنى حبيبى
حسيت فيه بالامومة المبكرة اللى فى قلب ميمى



3_من مدونة الروح الحارسة لكل الاوطان همس الروح الدكتورة سول خدعوك فقالوا تااااااج
ياريت اللى هيروح يشوفه يكتب وصيته لانه طويل جدا بس اللى مش هيروح هيخسر اكيد





4_من مدونة ليس فقيرا من يحب وبوست ليس فقيرا من يحب
مش هاتكلم عنه لانه شىء واقع فى حياتنا بنحسه بس مش عارفين نعمل به
اما بقى عن المدونة اللى باعتبرها الاجندة بتاعتى اللى كاتب فيها مقطتفات من احساسى
هى مدونة يويو انا باكتب عند يويو براحتى جدا وده لسبب ان يويو نفسها متفهمة الامر


ومتفهمة انى باحب اعيش مع اى احساس واكتب عليه
المدونة اللى حسيت انها مدونة مفتوحة للحوار الدائم وعندها القدرة على المتابعة


هى مدونة فراشة لاننا احنا الاتنين دايما بنفتح مواضيع جميلة جدا هناك بجد فى التعليقات

ناس كتير بتقول رايها وتمشى تخليك تحس انه واجب مقدس

مع ان اصل المدونة مبنى على الحوار بينا طب احنا ليه مش بنستغله واكيد هنستفاد

المدونة مش تضيع وقت اد ما هى اضافة لحياتنا
وطبعا انا وفراشة لسة على اد حالنا واللى وصل وصل زى مدونة الفراشة الصغيرة

ولا يا ترا الفراشة الصغننة ليها راى تانى انا مش باحسدك يا رودى

ربنا يزيد ويبارك والله فرحتلك اوى اوى وربنا اللى اعلم

نفسى اتكلم عن الناس كلها لان كل واحد له معايا موقف جميل

نفسى اتكلم عن دونالد وحركاته اللى باحبها عن المحتلة الازلية

وياسمين بلدياتها اصغر مدونة فى العالم الجميل ده


عن الايام تؤام ورفيق حرفى واحزانى اتكلم عن شريكتى فى التعليقات

عن مربع الشر عن الحجاب اللى بيخلينى دايما اول تعليق


عن الشرسة اللى مش بتحب القطط وقلبها طيب

عن مــــــــــيــــــــمى احتلاااااااااااااااااااااااااااااااااااااااااال

عن الانجليزى وشريكه عن التاريخ وعصفورته عن بوسبس

عن مصعب صلاح صاحب الشخصية الواقعية الجريئة مع انه تقريبا خجول جدا بس قلمه قناص

عن زعيمة عصابة الكلمات عن كل حد اسكندرانى لانى باعشق بلدى اوى

عن الطفلة اللى مش طفلة

وطبعا مش عايز اتكلم نهائيا عن ماما الفراغ

وعن فشكولى لان اى كلمة عنهم اقل من اقل حق عليا
رغيت كتير اعذرونى من سنة وانا ساكت وما صدقت

بس عايز اقولكم تانى انى بحبكم كلكم فى الله
وطبعا مش هاحجز للناس المتاخرة
لان البوست ده اهداء ليهم