BLOGGER TEMPLATES AND TWITTER BACKGROUNDS »

الخميس، 29 نوفمبر 2012

بَحِبك




بــــحـــبـــك

عطشانة روحى و بتحلم

 بالكلمة دى منك

بتحبك روحى و أهى دايما
تتكلم عنك
 لو ينطق قلبى ويتكلم
يحكيلك عنى
 بيحبك قلبى و مش قادرة
الدنيا تِسعنى
لو يسمع قلبك دقاته
على طول هتحنى
وتقربى قلبك من قلبى
و بضيه المكنون يسحرنى
 يا أاقرب من روحى لنفسى
يا أاقرب م العين للننى
بــــحـــبـــك
من ليل إمبارح و أنا صاحى
 متونس بيكى
 فرحان مشعارف و جراحى
غرقت فى عينيكى
 أنا شوفتك نايمة على إيديا
 خوفت أصحيكى
و لاقتنى بألعب فى ضفايرك
و أضمك أضمك أدفيكى
أنا شوفتك بنتى و حبيبتى
 أنا عشت كتير مستنيكى
 بحبك و الحب يا ثكر
الحب شوية .. شوية عليكي
بــــحـــبـــك 


الثلاثاء، 3 يناير 2012

لى فقط



هواية عندى من زمان
أحب أمشى تحت المطر
أحس التلج نازل عليا
يدوب م الحُب اللى مالى كيانى

الاثنين، 17 أكتوبر 2011

عشان أكتبك



عشان أكتبتك
محتاج لعُمرى ألف عُمر
ألف قلب
ألف شمس فى عز النهار
ألف أرض و ألف كوكب
ألف نجم بطول المدار
ألف خطوة فى كل ثانية
تسبق الموج فى البحار
أغرق
ألملم حروفك
من صدف المحار
أكتب حكاية إسمها إنتـِ
سكر ودايب فى جوف المرار
أكتب حكاية إسمها إنتـِ
بألف حلم .. و ألف ضحكة
و ألف لحظة شوق و إنتظار
أكتب حكاية إسمها إنتـِ
بألف دقة قلب و لحظة أمل
على ضوء النهار
ولسة عايز أنقش حروفك
فوق كل دار
و كل دقة قلب
تعمل من قلبك بزار
عيونك فنار
فى عتمة الليل الحزين
ينادى الحنين
يا آخر حلم بعد الدمار



الأحد، 1 مايو 2011

خاتمتك




مستقيل انا بخاطرى من دفاترى
والقلم من وقف الكلمات
مستقيل أنا بخاطرى
أيا يا يدى كم دونتى
من الأكاذيب
و صعنتِ للوهم وهمً
فى أرض المجاذيب
و صنعتِ من مخلتيكِ كوكبً
و أستعارتِ من خيالك
شمسً لا تغيب
خيالك اليوم مريض
حبيبتى جاءت .. بحرفين جاءت
فتمزقت لها كل المكاتيب
وتفجرت ينابيع الحنين
تحت اقدامى .. على نمط ً عجيب
بيضاء هى .. كالحليب المصفى
تحاصرنى ... و حبيبتى تقترب
أيا يا يدى كم سئمتك
أذكر مدينة الاحزان
حين نلتقى .. والان تبكيه
والامس القريب .. إحساس غريب
اليوم .... خاتمتك
اليوم سأرحل مع ذات الحرفين
اليوم سأرحل .. لا أعلم إلى أين
اليوم ... خاتمتك
كما كنتُ خاتمتك .. منذ عامين

السبت، 26 مارس 2011

إحساس غريب



معرفش عنك .. غير أنى منك
بداية حياتى .. ويا المطر
و فات عليا كام مطر
أحلام بتسقط زى المطر
مع دمعتى
و خطوتى زى الطيف
مالهاش أثر
إحساس غريب
بيشدنى .. جوة قلبك
خلانى أحبك
إحساس غريب .. خلاه إنكسر
معرفش عنك .. غير أنى منك
إحساس غريب
بيشدنى .... بيهدنى
فى بُعدى عنك
إحساس بالخطر

الأربعاء، 2 مارس 2011

حلم


فى الحلم كنت بأرسمك
أحدد ملامحك
فوق حيطان القلب مرة
وكل مرة
يخاف الفجر يكملك
فوق ضلوعى العاشقة مرة
من فرحتها ... ما تتحملك
بين عيدان الزرع الاخضر
كنت أشوفك .... كنت أصغر
من إنى لحظة أتخيلك
وكان القلم يدوق الآلم
فوق الورق
جوة الحلم ... بين الخيال
تِعب الخيال
من أنه مرة يحددك
وياكدك
يا حلم إترسم جوة القلب
عَجز القلم .. إنه يقلدك

الأربعاء، 26 يناير 2011

حينما أناديكى


حينما أناديكِ
يمُر صوتى بجانبى
كــ نيزك يشعل نيرانى
ولا يرانى
و أرانى .. أسابقه
والأمل يعدو خلفى
يعانقه
فــ يسرع ... و أسرع
وكلانا الشوق يحرقه
ما عاد للفؤاد بيتً بداخلى
صار طيفك يلاحقه
ما عادت للسماء شمسً
تناجيها بعد الشروق
ما عاد للبحرِ موجًُ
يواعد الشط فــ يغرقه
تحطمت قيودى فى يدى
وصارت يدى
تطارد المستحيل لتسحقه
حينما أناديكِ
أرى نبع الغدر قد جف
والخيانة تعلن توبتها
أراها بـثوب الوفاء تلتف
ترحل هموم عمرى
وكانت أيام عمرى
يومً أكحل .... حولى يلتف
كان الامس وقبل الامس
وصار الثـُقل بكِ أخف
حينما أناديكِ
تقف إشارات ضبط الوقت
لتعلن ميلاد يوم جديد
وعهد جديد
لتعلن ميلاد طفل وليد
على يديكِ
أولد كل يوم
أُطعم كل يوم
من نفس الوريد
أنا طفلك الاول والاخير
أنا .. لا أعرف من أنا
لا أعرف ماذا أريد
وحينما أناديكِ
أرانى
وحينما ألاقانى أجدك بداخلى
أعدك سنلتقى
سينبت الحلم بين يدك ويدى
أعدك سنلتقى
ويلتقى فينا الشوق
حين نلتقى