BLOGGER TEMPLATES AND TWITTER BACKGROUNDS »

الأربعاء، 2 مارس، 2011

حلم


فى الحلم كنت بأرسمك
أحدد ملامحك
فوق حيطان القلب مرة
وكل مرة
يخاف الفجر يكملك
فوق ضلوعى العاشقة مرة
من فرحتها ... ما تتحملك
بين عيدان الزرع الاخضر
كنت أشوفك .... كنت أصغر
من إنى لحظة أتخيلك
وكان القلم يدوق الآلم
فوق الورق
جوة الحلم ... بين الخيال
تِعب الخيال
من أنه مرة يحددك
وياكدك
يا حلم إترسم جوة القلب
عَجز القلم .. إنه يقلدك

7 التعليقات:

saragebaly يقول...

يا حلم إترسم جوة القلب
عَجز القلم .. إنه يقلدك

وطالما لم يعجز القلب على تقليد(هــا)
فهنيئــا لعجز القلم

*******

اشتقت حــروفكم جدا

لكني لم اشتاق القطط
:) :)

أقدم عاصمه فى الحب يقول...

السلام عليكم
حمدالله على السلامه يا عمونا
ايه الغيبه دى كلها
واحشنى كلامك يا عم والله
كنت بتردد عندك كتير وانت مش عارف فين بقه ..
نورت مدونتك يا ابو حميد
ودى وإحترامى :)

وردشان smilyrose يقول...

فى الحلم كنت برسمك
احدد ملامحك
فوق حيطان القلب مرة
وكل مرة
يخاف الفجر يكملك
فوق ضلوعى العاشقه مرة
من فرحتها ما تتحملك
بين عيدان الزرع الاخضر


وبرده هفضل فى الحلم ارسمك وارسمك

جايز فيوم يتحقق الحلم

جايز ياحلم عمرى بين ايدى المسك


ومهما كان الحلم بعيد كفايه

انى بتخيلك

سجود يقول...

السلام عليكم
ياهلالالالالالا
وحشني التدوين والاحتلال
جميل البوست
معتش القلم هيدوق الم بقي الحمد لله

yasmina يقول...

اهلا ازى حضرتك
يارب تكون فاكرنى

بجد انا ببقى سعيدة جدا لما بدخل المدونة ا تانى وبقرا كلامها
بجد بحس باحساس جمييييل جدا

وحقيقى كلام حضرتك يجنن انا بشتاق انى اقراه بجد

تحياتى دايما لحضرتك

Räumung wien يقول...


مدونة مميزة
كل تقديرى واحترامى لكم ... :)

العاب يقول...

nice blog