BLOGGER TEMPLATES AND TWITTER BACKGROUNDS »

الاثنين، 17 أكتوبر، 2011

عشان أكتبك



عشان أكتبتك
محتاج لعُمرى ألف عُمر
ألف قلب
ألف شمس فى عز النهار
ألف أرض و ألف كوكب
ألف نجم بطول المدار
ألف خطوة فى كل ثانية
تسبق الموج فى البحار
أغرق
ألملم حروفك
من صدف المحار
أكتب حكاية إسمها إنتـِ
سكر ودايب فى جوف المرار
أكتب حكاية إسمها إنتـِ
بألف حلم .. و ألف ضحكة
و ألف لحظة شوق و إنتظار
أكتب حكاية إسمها إنتـِ
بألف دقة قلب و لحظة أمل
على ضوء النهار
ولسة عايز أنقش حروفك
فوق كل دار
و كل دقة قلب
تعمل من قلبك بزار
عيونك فنار
فى عتمة الليل الحزين
ينادى الحنين
يا آخر حلم بعد الدمار



9 التعليقات:

المهاجر يقول...

الهامى
إذا كنت ستفعل ذلك للكتابه
فماذا ستفعل مع المشاعر
شكرا البوست جميل بجد

gogo!sf يقول...

يا صباح الكلام الجميل

حمد الله على السلامه يا ابو حميد
الا هو انت كنت باعتلى الرساله عشان تستفزنى على العموم ماشى ولا يهمك اللى بيحاول يستفز حد بيبقى هو متغاظ اصلا ان الاهلى اتغلب مثلا وخرج من الكاس
من اول ماتش مثلا يعنى انا مش بقصد حاجه خالص وان شاء الله مش هتشوفو ولا بطوله تانى ان شاء الله يعنى

صباحك فل وياسمين

gogo!sf يقول...

فى عتمة الليل الحزين
ينادى الحنين
يا آخر حلم بعد الدمار


جميله اوى عجبتنى

البوست جميل جدا يسلم احساسك يا احمد

عاشقه الرومانسيه يقول...

الله عليك ياأحمد
وحشتنى كتاباتك والله
تسلم ايدك

المهاجر يقول...

أكتب دون أن تتعذب
أكتب ولا تتردد
فكل تدويناتك رائعة
ولا تحتاج غير الشكر

yasmina يقول...

هاااااااااى
ازيك حضرتك ؟
يارب تكون بخير

بوست بجد رااائع اوى
كلماته جميلة وتشبيهاته اجمل واحساسه طبعا اجمل واجمل

وحسيت انه جديد على حضرتك غير اى بوست تانى قبل كدة
مش عارفه ليه

تحياتى دايما

yasmina يقول...

هاااااااى ازى حضرتك ؟
يارب تكون بخير

كلمات معبرة اوى
وتشبيهات رااااائعة

كل عام وحضرتك بخير
وعيد سعيد

تحياتى

شبكة الاصالة العربية يقول...

بارك الله فيك وفى قلمك الراقى

Räumung wien يقول...


مدونة مميزة
كل تقديرى واحترامى لكم ... :)