BLOGGER TEMPLATES AND TWITTER BACKGROUNDS »

الأربعاء، 4 فبراير 2009

انا باكرهك

أنا باكرهك تخيلى انا باكرهك

وباكره كل شىء حلو فى حياتى بيندهك

قلبى اللى لسة باقى عليك ِ و بيعشقك انا باكرهه

قلبى اللى شاف الكدب فى عينيك ِ

واجهته قالى مصدقك انا باكرهه

قتلتى فيا حاجات كتير كنت بحبها

كان عمرى ارخص شىء عاش يخلص لها

ضيعتى عمرى وما كنت عمرى اصدق إنى هاكرهك

أنا باكرهك تخيلى أنا باكرهك

إحساس رهيب لو حستيه ممكن يحرقك

ولو جاتلى فرصة علشان احرقك انا هاحرقك

كل ذكرة هتعيش لبكرة هتشوفيها

مذمومة زيك ولو قدرت هادوس عليها

كل كلمة كل نظرة كل لحظة صونتهالك

هتعيشها عذاب وندم حتى فى خيالك

كل دمعة سكنت عنيا

كل رعشة زارت ايديا

كل حاجة زادت عليا

خَلتنى اقدر اعرفك

صَدقت حبك صَدقت قلبك

صَدقت كل حاجة كانت تعرفك

وادينى راجع حزين مهموم راجع باكرهك

وبأعشق كل حاجة رافضة تسمعك

انا باكرهك تخيلى انا باكرهك

وباكره كل شىء حلو فى حياتى بيندهك

65 التعليقات:

♥ R ♥ يقول...

صدقني مفيش حد يستاهل إنك تكره قلبك عشانه
طول ما انت بتفكر فيها وفي ألمك عمرك ما هتقدر تنسى
جرب كدة متفكرش في أي شئ ليه علاقة بيها أي كان حلو أو وحش

هتلاقيك عديت المحنة دي وقدرت تشوف الدنيا بشكل تاني

أول زيارة ليا لمدونتك على فكرة هي جميلة قوي ياريت تقبلني من أصدقائها

غير معرف يقول...

RADWA

المكان كله فرحان بقدومك

بس اهم شرط علشان تكونى صديقة

انك تحبى قططى

البت المشمشية حلوة بس شقية يقول...

ههههههههههه
ايه كمية الكره دى
بس تعرفى الكللمات حلوة جدا
اقولك على حاجة بس متزعليش انا بخاف من القطط

ساره يقول...

ولو جاتلى فرصة علشان احرقك انا هاحرقك ... ياخرابي

كره كثير بس فيه صدق فى التعبير .... شكلك لسه مكتشف انك بتكرها عشان كذا وانت بتقول لها انك بتكرها كنت مستمتع :)

الكلمات رائعه بجد وانت عارف ان اللي يحبوا القطط مايعرفوا يجاملوا ....

مش حتدين القطه الصغيره بأه ولا ايه :)
تحياتي

غير معرف يقول...

البت المشمشيةحلوة بس شقية

ضحكتك صحت قططى

كده برودة

نورتينى

احمد

غير معرف يقول...

سارة

فى البداية اوعدك انى اهديكى قطة جميلة عن قريب جدا

وبعدين صدقينى الحرق شوية لاى بنى ادم يقدر يخون

ايا كانت نوع الخيانة

ولكن اصعب خيانة ما نحن بصددها الان

Hanan Elshafey يقول...

يااااااااااااااااه
كل ده
الكره مع انه احساس الا انه صعب حتي علي اللي بيحس بيه
كلماتك جميله لكنها صعبه
مؤلمه
اتمني ميطولش الاحساس ده معاك

تحياتي

zainab يقول...

يااااااااااااااه كل دا كره

بس صدقنى ما فيش حد يستاهل

كلماتك مليانه حزن و قدرت توصل الأحساس

اللى يخليك تنزل دمعه يبقى ما يستاهلش انك تفكر فيه ( أنا سمعت الجمله دى قبل كده و مقتنعه بيها )

تحياتى

إيناس حليم يقول...

مدام بتكره كل الكره ده يبقى لسه بتحبها أوي
و انا بقراها حسيت انها ممكن تكون اغنية لعلى الحجار :)) مش عارفة ليه
كلماتك جميلة لكن كلها حزن
ربنا يصبرك

غير معرف يقول...

حنان الشافعى

يمكن يكون الكره بالنسبة ليكى مجرد إحساس صعب

يمكن لانك عمرك ما عيشتى فيه قبل كده

لكن حقيقته اللى انا شايفها

انه وحش كل وظيفته

حرقة الدم

غير معرف يقول...

نور الحياة

تفتكرى لو فعلا مفيش حد يستاهل

تفتكرى كان يبقا فى احساس اسمه

الحـــــــــــــــــــــــزن

غير معرف يقول...

صديقتى إيناس

اولا انا مش باسمع على الحجار

مع كل احترامى لشخصه

لو اعتبرت ان وجهة نظرك صحيحة يبقا المفروض

بعد ما احرقها احرق نفسى لانها لسة بتحبها

مع انى اتمنا ان اكون غير ذلك

عاشقه الرومانسيه يقول...

اللى يحب عمره ما يكره
اللى قبلنا قالوا كده
وانا من رايهم
انا اتجرحت لكن مش قادره اكرهه
راجع نفسك يمكن تكون بس غضبان مش اكتر
لكن مش هتوصل للكره

غير معرف يقول...

عاشقة الرومانسية

ماقدرش اراجعك فى كلامك لانه صح

وفى نفس الوقت مقدرش اراجع نفسى لانى مش لاقيها

Asmaa Fathi يقول...

مش عارفه يا احمد
بس اللى بيحب عمره ميكره بالدرجة دى
الناس اللى عرفت الحب لا تعرف قلوبها الكره فقد ازال الحب بوجوده كل ذره كره ممكن تكون لاى حد حتى لو حد بيعتبر نفسه عدوك
الحب بيزيل الشوائب اللى ممكن تتعلق بالقلب بسبب خيانه او غدر او اى سوء ممكن يقابلنا ممكن نبعد نحاول ننسى نبداء حياتنا من جديد ونعيد حسابتنا
نبى حياتنا صح باختيار سليم وقوه اكبر وخبره اكتر فقد استوعبنا الدرس وعرفنا اخطأنا والتى سنعمل على عدم تكرارها

انا بكرهك
يا نهارابيض كلمة صعبه اوى
متخيلتش انى ممكن اسمعها او اقولها لحد
واعتقد ان اناعمرى ما هقولها لان قلبى يعجز عن الكره لاى حد حتى من تسببوا فى اذيتى بشكل او بأخر
ويارب اموت قبل محد يقولى الكلمة دى مستحملش انى اسمعها
عموما ربنا يوفقك
تحياتى

أحــوال الهـوي يقول...

من يحب لا يكره
فكيف تكره لحظات جميله مليئه بالسعاده كيف تكرة حلم ممتع لمجرد انتهائه
عزيزى حتي الخيانه بجرحها و ذلها فمجرد اكتشافها نصر و رحمة من الله

يجب ان ننظر لايجابيات التجربه و سلبيتها بعيون محايده لنستفيد بالتجربه

تحياتي

غير معرف يقول...

عزيزتى جنة

بعد الشر عليكى من الموت مع انه حق علينا

بس ربنا يطولنا فى عمرك

انا ماقدرش اعارضك فى اى كلمة كتبتيها

بس العقل لامة يتحكم فى القلب ممكن يخلينا نقول

كلام خارج عن ارداتنا وممكن يستعين بشوية خيال

وده كله جايز

لكن الاكيد انها فعلا انسانة خاينة

نورتينى يا جنة وكنت اتمنا انك تزورينى فى موضوع

افضل من كده

احمد

غير معرف يقول...

احوال الهوى

الحمد لله طبعا على كل حاجة

بس تفتكر لو افتكرت ذكرة حلوة وعيشت فيها

لثوانى وفوقت اتصدمت بالواقع تخيل احساسك

بنفسك هيكون شكله ايه

غير معرف يقول...

انت تسال والكمبيوتر يجيب

بكل تاكيد دعوتك مقبولة

Asmaa Fathi يقول...

اسماء واحلام فى وجدانى

ربنا يخليك
معك حق فقد نقول مالا نشعر لنرضى رغبة كامنه باعماقنا ولنهرب من شعورنا بالعجز عن مجرد بغض من أساوا الينا دون مبرر او ذنب نستحق عليه ذلك

اما فى كونها خاينه فقد ترى هى انها لم تخونك لان المبادىء والقيم والمعتقدات تختلف من شخص لآخر
وحتى العادات والتقاليد تختلف فى اقطار البلد الواحد
انا لا ادافع عنها تحت اى ظرف من الظروف
لانى امتلك تلك المبادىء والقيم والاخلاقيات التى ترفض اى تصرف قد يسىء لى او للغير

عموما شكرا على ردك
تحياتى

انت تسال والكمبيوتر يجيب يقول...

شكرا لردك
نحن اول برنامج اذاعى عن النت والمدونات وفى الدعوه تفاصيل عن مدونتنا وموقعنا وموعد أذاعة البرنامج
والأشتراك يكون بالتعليق على الموضوعات التى نطرحها بالمدونه والموضوعات والتعليقات تذاع فى حلقات البرنامج
ثانيا نقدم حلقات هن مدونات اصحاب التعليقات بين وقت وآخر نعرف الناس بالمدونه
ننتظر مشاركتك
دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

غير معرف يقول...

جنة

طبعا انا معاكى فى كل ده

وباشكرك جدا جدا

واتمنا لك التوفيق

غير معرف يقول...

انت تسال والكمبيوتر يجيب

اشكرك جدا

واتمنا التوفيق لكم

غير معرف يقول...

أولا أن أسفة على التأخير االخارج عن إرادتي
وثانيا هي رائعة تلك الكلمات هي عبارة عن رنةتستحق من يوغنيها وفي نفس الوقت تحمل كثير من الكره .أسألك لماذا هذا الكم من الكره لماذا
مع إنوا إنت في عز شبابك والحياة تنتظرك بكل ما هو جميل .أترك جانباالحزن وأمضي في اليوم الجميل فالإرادة تصنع المستحيل
على كل رائعة ما تسطره أناملك الرقيقة والحساسة
كلماتك كلها عبارة عن معزرفة جميلة
تدخل القلب بسهولة وتتربع فيه
الله يسعدك ويحفظك وتنول ما تتمناه
كل تحيات الإخلاص مني مبعوثة لك
كن بألف خير أحمد
نصيرة

غير معرف يقول...

كما ذكرت في تعليق في مدونتي
في الأول كانت صعوبة معي في هذا الكتوب الجديد
والكن الأن لا قد تأقلمت به قليلا وشكرا لك على ترك
عنوانك لي في مدونتي وهذا يسهل أكثر المرور لمدونتك
كن بخير أخي أحمد
وإدراجك الجديد هو يستاهل من يغنيه لأنو جميل ومليئى
بالحزن
رغم الوجع وما تقصده فيهالكنا رائعة

غير معرف يقول...

سيدتى الفاضلة

ن

ص

ي

ر

ة

نصيرة اشكرك جدا

تعليقك لم يكن لكلماتى الا مقطوعة موسيقية

وبذلك ينقصنا فقط صاحب او صاحبة الاداء

تحياتى القلبية لك

دريم كبير يقول...

nice blog

غير معرف يقول...

دريم كبير

اهلا وسهلا بحضرتك

ولو انى زعلان منك فينك من 17 يناير

معقول تكون امتحاناتك لسة شغالة

لا اظن

سانتظر منك دعوة للجديد لك

باذن الله تعالى

أريــــــــــــــــــــج يقول...

السلام عليكم
******************


قلبى اللى لسة باقى عليك ِ و بيعشقك انا باكرهه


قلبى اللى شاف الكدب فى عينيك ِ


واجهته قالى مصدقك انا باكرهه

*********

صعب جدا ان نكره شخصا بعد حب كبير

احساااس رهيب

كلماتك تعبر عن مدى حزنك لأقصى حد وخيبة الامل



أتمنى أن تنظر للحياة بجمال وأمل-- ليست نهاية العالم


أرجو ان تتقبل زيارتي



ودمت بكل الود

yoyo يقول...

االانسان اللى بيحب اوى ممكن يكره اوى لو كان لسبب زى الخيانة والغدر
احساس ومؤلم جدا علىالانسان انه يوفى للقلب مش يستحق
صعب انك تعيش على وهم كبير اسمه الحب وفجأة مش تلاقى غير سراب و غدر
وقتها بتكره بمقدار الحب

واحيانا كتير اوى بيكون مش كره حقيقى مجرد محاولة لارضاء كرامة وكبرياء القلب المجروح الا انه يئن مع كل دقة من دقاته لانه مازال يحب

أسلوبك فى الكتابة جميل جدا و الاجمل الموسيقا الموجودة بين الكلمات

تحياتى
يويو

غير معرف يقول...

عزيزتى الايام

الصعب ليس فى كلماتى وانما فى الشعور

الذى يمتلكنى

اجمل الاقدار فعلا هو وجود تعليقك هنا

وسانتظر منك المزيد

من ينابيعك

غير معرف يقول...

يويو العزيزة

الحمد لله على كل شىء

فعلا على مقدار الحب ممكن يكون البعد بس انا مش فى

حالة بعد ده كره اكيد الخيانة كانت اكبر بكتير من

اى حاجة تانية

على العموم اشكرك جدا على مرورك الكريم

حياتى نغم يقول...

أخى أحمد / السلام عليكم ليه الكره ده كله إن كان هناك انسان سىء فالأفضل نسيانه ومداومة الحياه فلا داعى أن نعيش الحياه نكره ، الحياه تستحق منا الكثير وتنتظر منا الأكثر . وفقك الله لكل خير .

حياتى نغم يقول...

سؤال ما حكاية حبك للقطط ، إنها كائنات جميله .

غير معرف يقول...

حياتى نغم

اشكرك على مرورك الطيب

فى الحياة ارتبط الفرح بالحزن

ارتبط الخير بالشر

ارتبطت الخيانة بالوفاء

ولكنها فى النهاية جميلة بكل المقاييس

**********************************
اما عن حبى للقطط فده من زمان جدا وعلى فكرة

البيت عندى مليان قطط

ساره يقول...

انا جيت فين الهديه :)

ساره يقول...

الله يا احمد القطه اتجنن
عيونها تاخذ العقل مشاء الله تبارك الخالق

شكرا على الهديه من كل قلبي
وبجد هديتك اسعدتنى كثير :)

الله يوفقك يا احمد ويبارك فيك ويخليك حق اهلك وحق القطط كمان :)

غير معرف يقول...

سارة

على فكرة دى مش هدية

ده عقد اقامة منى ليكى ولا انتى مش واخد بالك

دى قط ثابت

وعلى العموم اشكرك جدا

ساره يقول...

احمد ان قلت لك من زمان انا مقيمه هنا .. من شفت كلب القطه الننوسه اللي عندك ..
والحين الاقامه بعقد رسمي :)

على فكره انا عندي قطه ذكر عمره 6 سنوات جبته لما كان عمره 3 اسابيع

وعامله بيتي ترنزيت حق القطاوه اللي ماعندهم اهل او اصحابهم مستغنين عنهم ... ادور لهم ناس تتبناهم
وفى شروط عشان التبني انهم لازم يحبو القطط يعني الموضوع مش مجرد منظره ... ولازم يودوها لدكتور عشان الفحص الدوري .. واهم شئ الرحمه بالحيوان

يعني اختك معروفه فى الحي والشغل بالمزضوع هذا :)

شكرا كثير يا احمد :)

غير معرف يقول...

سارة العزيزة شكلك اون لاين

الحال من بعضه

الطيور على اشكالها تقع

لان انا عندى فى البيت 11 قطة

والحمد لله فى الزيادة

أريــــــــــــــــــــج يقول...

لي الشرف الكبير ان اتواجد بين كلماتك الراقيه

وبوحك الذي يهز الروح

ويرتعش له النبض

واتنى ان اقرا لك المزيد

وسوف اكون متواجده ومتابعه على الدوام ان شاء الله


دمت بحفظ الرحمن

غير معرف يقول...

عزيزتى الايام

اشكرك جدا

واتمنا لك المزيد من النجاح

zainab يقول...

أسماء و أحلام فى وجدانى

أنا شايفه من وجهة نظرى ان فعلا فيه ناس ماتستاهل نحزن عليهم و لا ندمع عليهم دمعه واحده لأن لو يستاهلوا ماكانوش يتسببوا فى نزول الدموع من عنينا
تحياتى

غير معرف يقول...

عزيزتى

zainab

المشكلة مش فيهم

المشكلة اننا بنصدقهم

ونفتكر انهم كل حاجة وبنعيش على كده

ربنا يسامح

مقدرش اقول اكتر من كده

nohamy يقول...

مدونتك جميلة ..مش عارف اقول اكتر من كدة

غير معرف يقول...

tohamy

اشكرك جدا

لو جتنى تانى لازم تعرف انى توهت عندك

وبصراحة

مش هاقدر اقول اكتر من كده

أنفاس الرحيل يقول...

الاخ المحترم اسماء واحلام فى وجداني
كرهك لها .. كحبك لها
كلاهما مشاعر تسكن القلب ,كلاهما احاسيس قويه , وموجعه
ما اجمل ان نحب .. وان وجدنا انه لا يستحق .. نكتفي بالادبار عنه بكل معنى الكلمه فقد يكون الكره كثير فى حقه

لك منى كل التقدير والاحترام

دمت بخير

zainab يقول...

أخى أحمد

انت جبت الخلاصه جميل قوى انك تقول ربنا يسامحهم

تحياتى

غير معرف يقول...

انفاس الرحيل

مرحبا بزيارتك الاولى

وهو فعلا القلب زى الدنيا فيها كل حاجة

بس كرهى انا باعتبره كره لفظى مع الكلمات فقط

انما الكره ذاته لم يسكن قلب مؤمن

غير معرف يقول...

zainab

ربنا يسامحهم

واعدك ان الموضوع القادم سيخلو من الحزن بتاتا

zainab يقول...

أخى أحمد

ان شاء الله الموضوع القادم يكون جميل و مليان فرح

تحياتى

سوسو الاموره يقول...

تسدء لو الت انوا مفيش انسان بيكره خصوصا الي بيحبهم في يوم هيرجع يحنلهم ويتمنالهم الخير بس كلامتك معبره جدا عن جرح جديد بس بكره لما تفكر اوي هتلائي الفراق كان احسن حل وهتتمنلهها الخير تقبل مرورو

وردة يقول...

كلماتك جميلة جدا
وفكرتني بحاجات كتيرة جدا جدا
بس ممكن بجد نكره من كتر ما حبينا وضحينا
ياريت نقدر
ساعات بنضحك علي نفسنا
ونوهم روحنا اننا كرهنا بس مع اول موقف مش بنقدر نكمل
كنت رائع ومبدع
سلام

ساره يقول...

الله على قططك
ياحظك ... انا بس لو بوسبوس (اسم قطتي) يرضا اني اجيب قطه ثانيه كان مليت البيت .... بس الاخ مش راضي ... تعود على الوحده ... تحياتي لك يا احمد

غير معرف يقول...

سوسو الامورة

نورتينى والله وانا معاكى ان الفراق هو اجمل حاجة

ولكن مش معاكى انى اتمنالها اى حاجة لان مش عايز

اعرف اى شىء عنها وطبعا ربنا يبعد عنها كل حاجة وحشة

غير معرف يقول...

وردة

رغم ان زيارتك اسعدتنى الا انها احزنتنى لانى فكرتك بحاجات اكيد ضايقتك يارب تسامحينى

ويارب مالقيش موضوعك اللى جاى حزين

اشكرك

غير معرف يقول...

سارة

اللهم لا حسد بس بوسبوس دهذكى لانه عارف ان لو قط تانى دخل البيت الحنية هتقبل القسمة على اتنين

وبعدين بلغى الاخ ان الوحدة متعبة اوى

خليه يبوس لقدام معقول مش معقول كده

غير معرف يقول...

يارب تستفادى من مدونتى دى هاتفيدك جدا

http://noureldens.maktoobblog.com

اسماء واحلام فى وجدانى يقول...

عزيزى الغير معروف

اشكرك جدا وجارى قراءة مدونتك

احمد

غير معرف يقول...

الله الله على جمال الصورة وعليها تلك الكلمة الأجمل
والله لما دخلت المدونة ووجدتها إمتلأت عيناي بالدموع
وأحسست بإحساس غريب وفي نفس الوقت جميل
شكرا وكثيرا الشكر
وأنا هذه الأيام كتبت نص يليق به وسأنشره في هذه الأيام
ألف شكر ودمت أيضا في الذاكرة

غير معرف يقول...

ربما هذا الاحساس لم يكن غريبا بل هو كان موجودا

ولكن هموم الزمان تراكمت عليه فنسى القلب طعمه

الجميل

والحمد لله انه جعلنى السبب فى تحرير هذا الاحساس

ويا رب يكونلى نصيب فيه

اشكرك جدا نصيرة

هذا التعليق رقم واحد

gogo!sf يقول...

بجد والله مش ليها حل
قتلتي فيا حاجات كتير كنت بحبها
فعلا خلتني اكرة كل حاجة ممكن تعشقك
خاتني اندم .......

غير معرف يقول...

GOGO!SF

اشكرك جدا

واتمنا لك التوفيق دائما باذن الله

s.m يقول...

مممم يعنى النت مرخم عليا واول ما يجى وادخل اشوف الناس الاقيك مطلع حرقت الدم دى اولا هقولك كلمة سمعتها من ولدتى مرة زمان قالتى اللى ميحطكش كحلة فى عينك متحطهوش جزمة فى رجلك ياريت الرسالة توصل لان الخيانة على صعوبتها والمه وخصوصا لو جات من حد انته قدرته وملكته روحك الا انها فى ساعة بتكون رحمة من ربنا انها ظهرت قبل اى اجراء يعنى انته كدا احسن بكتير ومتفكرش نفضى ياعم وهتلاقى سيت ستها بس كلامك على الرغم من متعترض انك لسة موجه ليها ودا بيقولك انك لسة بتفكر الا انه حلو جدااااا على الرغم من كمية الغل يا مفترى فيه وكانها من اسرائيل يعنى الاحسن انك تدعلها اللى هى ملقتهوش فيك تلاقيه فى غيرك وربنا يوعدك با حسن منها وتانى انا نعجب اوى بى الكلامات على الرغم من قسوتها

غير معرف يقول...

s.m

يارب يارب يخلى والدتك ويديها الصحة ويخليهلك

اللهم امين

الحمد لله طبعا على كل شىء لانه اكيد خير ممكن تقولى ازاى جالك احساس انى لسة بحبها

حرام عليك بعد كل ده لسة بحبها

وبعدين يا ريتها كانت اسرائيلية على الاقل هاحبها
وانا عارف اصلها مش اعيش معاها واكتشف فى الاخر انها شالوم
وبرودة فى الاول وفى الاخر الحمد لله

اشكرك جدا

واتمنا الا تكون هذه زيارتك الاخيرة