هى ليه الدنيا صعبة كده
ليه الفراق مكتوب عليا
ودموعى سارحة فى كل طريق
بتضيع كل حاجة من ايديا
ونبض قلبى حاسه بطىء
سالت نفسى
لاقيت فى نفسى حب برىء
وخوف كبير مالهوش تفسير
من ايه يا نفسى
وحبى ليك ِ بكل الدنيا
حب عايش من غير تفكير
شخصية صعبة طيب وماله
انا قلبى قادر ع التغير
قادر يحبك وياخدك بعيد
يرسم حياتك
يمحى اهاتك
وكل شىء بالتحديد
قادر يغير خط سيرك
وفى كل يوم حلم جديد
بس انت ِ شاورى
هتلاقى قلبى سفينة ممكن
طيارة جايز
قطر ماشى على سكة حديد
انا شجرة عايشة من سنين
جذورها ماتت م الدمع الحزين
دابت الارض من حزنى
طردت جذورى
طلعت جذورى
على صرخة موت مالهاش مثيل
فاكرة حبيبتى واحد وعشرين ابريل
ده يوم ميلاد حبنا
انا فاكره كله بالتفصيل
كان يوم الاتنين
يوم الحنين
يوم شم النسيم
كان يوم الورود
كان يوم جميل
يا اجمل وردة مالهاش بديل
ليه الفراق مكتوب عليا
ودموعى سارحة فى كل طريق
بتضيع كل حاجة من ايديا
ونبض قلبى حاسه بطىء
سالت نفسى
لاقيت فى نفسى حب برىء
وخوف كبير مالهوش تفسير
من ايه يا نفسى
وحبى ليك ِ بكل الدنيا
حب عايش من غير تفكير
شخصية صعبة طيب وماله
انا قلبى قادر ع التغير
قادر يحبك وياخدك بعيد
يرسم حياتك
يمحى اهاتك
وكل شىء بالتحديد
قادر يغير خط سيرك
وفى كل يوم حلم جديد
بس انت ِ شاورى
هتلاقى قلبى سفينة ممكن
طيارة جايز
قطر ماشى على سكة حديد
انا شجرة عايشة من سنين
جذورها ماتت م الدمع الحزين
دابت الارض من حزنى
طردت جذورى
طلعت جذورى
على صرخة موت مالهاش مثيل
فاكرة حبيبتى واحد وعشرين ابريل
ده يوم ميلاد حبنا
انا فاكره كله بالتفصيل
كان يوم الاتنين
يوم الحنين
يوم شم النسيم
كان يوم الورود
كان يوم جميل
يا اجمل وردة مالهاش بديل
+copy88.jpg)
+of+0100.jpg)
53 التعليقات:
السلام عليكم ورحمة الله وبركاته
خير يعنى نغيب شويه نرجع نقلق على حضرتك .. بجد كنت ناويه أعتذر عن الغياب وأقول وكلى اعتزاز أنى سأنقل رابط مدونتك لقائمتى حتى لا يفوتنى جديدك الراقى والجميل .
ممكن نكون عادلين ونقول نعطى لكل شىء حقه يعنى ندون ولو مره كل اسبوعين المهم نكون موجودين وما نقصر فى باقى واجباتنا ..
ربنا يوفقك لكل خير .
تحياتى وتقديرى .
ربنا معاك يا احمد
مش هعرف اقولك اكتر
انا كده شبه اطمنت عليك
ولمجرد انك فتحت المدونه عشان تقدم اتذار لاى شخص فى قلبك او حتى مبرر لقفلك للمدونه ده لوحده طبعا شىء كويس ويدل انك ممكن تكون بقيت كويس شويه
على العموم حمدالله على سلامتك يا احمدج
وياريت تبعد عن تفكيرك قفل المدونه
عشان ماتحرمناش من كتابتك الجميله
وبعدين يا عم انت انا مش كنت لقيه حد اغلس عليه تصدق دى
حمد الله على السلامه يا احمد
ويارب تكون بخير دايما
جوجو
السلام عليكم
يعنى تغيب تغيب وترجع تقولنا الوداع
طيب ده كلام..؟
يا رب تقدر توفر وقت ولو صغير اد كده فى الاسبوع نطمن فيه عليك يا اخى
حاول توفر وقت وفكر تانى
يا رب ما تغيب لانك بقيت سبب لإبحارى داخل شواطىء بلوجر
ودى واحترامى وتمنياتى بالتواصل :)
سيبك انت البلوج نور جدا جدا
يارب ما تبعد عنه تانى يا احمد يا ابن طنط ام احمد
ابقى سلملى على اسكندريه كلها عشان وحشتنى اوى جدا خالص
سلام
انا جيت وسعولى حبه
انا زعلانه منك خالص خالص انت فين بقه
اى ده بقه ومين هيحتل معايا المدونات ينفع كده
ياعنى طب متقفلش خالص يااحمد مش عايز تكتب خد وقتك بس خليك
مستنياك تغير الكلام ده
السلام عليكم
ازيك يا احمد يا بتاع القطط
يارب تكون بخير وكل سنه وانت طيب
علي فكره يا احمد الفتره الي انت فيها ديه كلنا مرينا بيها
ولسه من فتره قريبه كنا انا وايوشه بنمر بيها
وايوشه كمان عملتها أكتر من مره
المهم إنك تعرف تتحكم في حياتك وما تبقاش المدونه او اي شيء مسيطر عليك
لازم تكون إنت الي مسيطر عليه
انا كنت هقولك من فتره بلاش تنزل كل يوم او يومين حاجه عشان الحاجه تاخد حقها بس قولت ما قولكش لا تتضايق
أنت فعلا ممكن تسيب المدونه عادي
وتنزل موضوع كل اسبوع او اسبوعين
منه تبقي المدونه مفتوحه
ومنه تتطمن علي حبايبك وهما يطمنوا عليك
ومعلش عشان ماقدرتش اسئل عليك
بس إنت أكيد هتعذرني عشان لا معايا رقمك ولا ايميلك ولا اي حاجه
انا كنت هسيبلك كومنت في الهامي التانيه
وكنت هنزل تنويه في البوست الي جاي عندي
علي العموم شوفت إيه الي اصلح ليك
والي يريحك ويظبط حياتك وإعمله
وبتمنالك التوفيق من ربنا
ربنا يكرمك يا احمد
تحياتي
السلام عليكم
انا الصراحه من الناس اللي كانت زعلانه انك قفلت المدونه جدا بس عموما ربنا يوفقك وانت ممكن تفتحها مره واحده كل اسبوع بس عشان مش تحرم الناس من مواضيعك
ودعواتكم عشان امتحاناتي
السلام عليكم
حمدلله على سلامتك
واتمنى ان تكون بخير وان يخرجك الله
مما تمر به ويعينك على حالك
ويكرمك باحسن الاحوال
ويحفظك لكل احبائك
ويديم وجودك بينهم
يارب
سلام عليكم
فعلا فرحت بافتتاح المدونة مرة تانية
وربنا ييسرلك الخير
بس زى ما بقول انا دايما
المدونة جزء ليعبر الواحد بيه عن شخصيته بس ملهاش علاقة ابدا بارض الواقع
الحياة الطبيعية شىء وحياة النت والمدونة شىء تانى خالص
وربنا يوفقك للخير دايما
يعنى تقول امل وتفاؤل وحلم وبعدين تبعد طيب مين هيساعدنى فى الحلم دا
مين اصلا اللى عرفنى ازاى احلم ودلوقتى عاوز يمشى
لالالالالالالالالالالالالالالالالا
اما القصيده فلاتعليق كما هى العاده
يعنى انت بتكلم دول يعنى والباقى مش مهم ماشى ياسيدى برضو كلنا اخواتك ومايهنش علينا فراقك ربنا يارب يكرمك وتخرج من الحاله دى لما استاذ ورئيس قسم المشاعر والاحاسيس الصادقه يمشى يبقى مين يفضل ومين يكتب هنستناك ومش موفقين ابدا على عدم وجودك
تعليق بلا تعليق
وهاحتفظ بيه لنفسي
السلام عليكم
إزيك يا احمد
//
//
أسفه ما كنتش بدخل لانى بمر بظروف صحيه صعبه وربنا وحده اللى عالم بحالى
أنا كنت بموت يا احمد
بس الحمد لله
اللهم لك الحمد والشكر
بجد زعلت لما عرفت انك كنت قافل المدونه
وما كانش بيدى شىء افعله
سوى الدعاء لك يصبر قلبك على الحاله اللى انت فيها
أحمد ربنا معاك ويسعدك ويصلح لك حالك
ويطمنى عليك يا غالى
بس صدقنى المدونه مالهاش ذنب فى اى حاجه
ولا الناس اللى بتحترم احمد كمان مالهمش ذنب يبقا ليه يحصل كل دا
///
//
//
تعرف انا كمان تعبت بس مش اقدر اقفل المدونه عشان خاطر ماما الفراغ والناس اللى بحبهم
والمفروض ليهم حق علينا يا احمد
أنت اكبر من كده ولاذم تراجع نفسك
ربنا يبعد عنك اى حزن ويقدم ليك الخير ويوفقك
وياريت تدعيلى من قلبك الطيب
انى اكون كويسه لانى تعبى شديد اووى يا احمد
دعواتك ليا
وخلى بالك من نفسك
لا اله الا الله
حقولك الاول حمدالله على السلامه
ومش حلاقى كلام اقوله عن موضوع غيابك القادم
طبعا كل الكلام اللى ممكن يتقال فى الموضوع ده اكيد كله اتقال
انا بس بتمنالك ان كل ظروفك تتحسن وتبقى بخير واى شىء يكون مضايقك يتعدل ويكون للافضل
كنت اتمنى انك ماتحرمناش من كتاباتك الجميلة ومناقشاتك اللى بجد كنت بستفاد منها جدا
لكن طبعا انت ادرى بالافضل ليك
تحياتى لك يا احمد
واتمنى بجد تعديل فكرتك عن الغياب الدائم
ايه ده بقى
هتروح فين انا مش عارفه
طب انت مدايق المدونه ذنبها ايه
سيبها ومنين ما تحس انك عايز تكتب حاجه اكتبها
ان شاء الله تكون فترة وتعدى
وحمد الله على سلامتك
ليه كده
لا مينفعش
مش حتقدر تبعد
لازم تعمل توازن بين حياتك وبين الحاجات اللي بتحب تعملها
ازيك يا احمد ايه بس كل التطورات الغريبة دي
بلاش حكاية هابعد وهاقفل المدونة دي
مهما كانت ظروفك صعبة
كلنا والله بنمر بظروف ممكن تبقى اصعب من بعض
وفكرت حتى اني اقفل فكرة لكن والله
اللي منعني ناس ليها حق عليا
ماما الفراغ وميمي وانت وتندر وكل الناس اللي بحبها وهي عارفة نفسها
لكن انا قلت اول ناس انا اتعرفت عليها هنا
ماينفعش
ممكن تبعد الي ان تهدأ امورك وتستقر
لكن تقفل المدونة لا طبعا
انا ارفض
واكيد كل الناس هتقولك تفس الراي
ربنا اعلم انا دخلت ازاي لما سمعت الحكاية دي
ويارب اقدر ارجع تاني قريب
بس جيت عشان اقولك
انت قريب من ربنا وربنا مش هايسيبك لماتلجأ له في اي حاجة
اسمع كتير سورة البقرة
وان شاء الله كل حاجة تتحل
تحياتيييي
مممممم
ربنا معاك
سلام عليكم اولا
ثانيا بقا
انت مش ممكن تبعد...ودا بس شوية زهق من الدنيا ومن اللى بيجرى فيها
بس لو بعدت ..هتلاقى مين تكلمه وتفضفضله غيرنا
هتلاقى مين يقول رايه فى كتاباتك
هتلاقى مين يسمعك ويناقشك
غلطتك انك عشت لقضيه واحده وهى قضيتك انت بس
جرب تعيش من خلال الاخرين
جرب تعيش لمن حولك..اقرأ الجرايد وعلق على مافيها
ماينفعش ننفصل عن مجريات الامور
لازم تشغل بالك باشياء اخرى
مجرد اشياء تحتل مكان فى المخ
وان كنت مع فكره فى قرءاة وسماع القرءان...فهو افضل صديق
ونعم بالله
لما كنت بدخل والاقى مكتوب للمدعوين
زعلت اوووى
بس الحمد لله انك بخير ورجعت فتحتها تانى
يااااااااااارب امورك تبقى تمام وبخير وترجع لنا تانى زى الاول واحسن
وطمنا دايما عليك
الحقيقه انادايما باجي عندك هنا صحيح مش كل مره بعلق والسبب ان ساعات كتير بيكون الشعر اجمل من اني اعلق وثانيا مش بحب اعلق عند مدون مش بيرد علي كلامي
يعني مش بيرد علي التعليقات
لكن النهارده عايزه اقول لك
ان انا غبت عن التدوين تلات شهور الاول كنت عيانه وبعد التعب او اثنائه تعرضت لرخامه جامده جدا من مدونين مجهولين تقع تحت السب والقزف بكلام جارح جدا وانا كتبت ده في بوست العوده
كنت ناويه ماارجعش واللي رجعني المدونين الرائعين اللي عرفتهم شخصيا اللي كانوا بيسألوا عليا دايما
وبعدين بوست كتبته كيارا وبوست كتبه شاب فقري
قلت لا مش ههرب
يعني المقصود مهما كان سبب الغياب
الغياب في حد ذاته مش حلو
يعني مانتفرغش للمدونه اوي والا نهجرها اوي
في النهايه هي حته مننا عملناها بمزاجنا ولنفسنا
ومنها عرفنا ناس في منتهي الجمال
خد اجازه راجع حساباتك وارجع بطريقه جديده وخير الامور الوسط
انت شاعر موهوب جدا وياريت ماتحرمناش من شعرك
ربنا يوفقك للي فيه الصالح
تدعوكم الحملة الشعبية لجمع المليون توقيع لوقف بناء جدار العار لحضور ورشة عمل تحت عنوان " مدونون ضد جدار العار" وذلك يوم الأربعاء الموافق 13/ 1/ 2009 فى تمام الساعة الخامسة ؛ فى الإسكندرية مقر كتلة نواب الإخوان المسلمين؛ بمنطقة سموحة - شارع السوبر القديم - أعلى صيدلية البر.
انا جايا اسلم عليك
ولو بتعزنى صحيح والناس اللى بتحبك دى كلها ترجع عن قراراتك دى يا احمد
انت اخوانا ومش هنسمح ليك
منتظرة رجوعك تانى قريب
وحشتنى اوى يا احمد
يلا بقا أرجع تانى
فين وعدك ليا عشان مش نقفل المدونات
وفين وعد الناس اللى بتحبك ذنبهم ايه بس
ياريت طمنى عليك مش عارفه اوصلك ازاى
انا قلقانه عشانك والله يا احمد
:(
اولا الحمد لله انك بالف خير
لما لقيت مدونتك مقفولة قلبي وقف وقلت معقوولة مانشوفكش تاني وبقيت بسال عليك كل الي يعرفوك كنت قلقانة بجد
ولما رجعت كنت انا ماخدة نفس قرارك فمعرفتش اتكلم ولا اقولك ليه كدا
بس صدقني صعب تبعد انا مقدرتش خالللللللص وحتى ياسيدي لو عاوز تبعد بتقفل المدونة ليه بس
سبها مفتوحة واهو كل فترة هندخل نسلم عليك ونقولك كلمتين حلوين تلين قلبك ويمكن تحنلنا وترجع تاني
بمااني مش عارفة ظروفك هقولك ربنا معاك وفكر كويس
ربنا يوفقك ويسعدك يارب
وبعدين بقى يا احمد
لسه بردو
بتهيئلى كده كفايه
على ما اعتقد ان ده وقت كافى يا احمد
خلاص عشان ما اتعصبش بقى
فينك بجد انا كل يوم بشوفك ومش بلاقيك
جوجو
اتمنى ما تطول الغيبه
لان احنا تعودنا عليك
كلمات جميله :)
عندى أمل ترجع للناس اللى بتحبك دى تانى
كلنا منتظرينك وبنحبك
انت فى قلوبنا يا احمد
صبااااح الخير
ليه كده
ارجع الاقيك مشيت انت تالت مدونه ازورها الاقي صاحبها مش موجود وقافلها
وبتشتمني كمان في اول القصيده
هي ليه الدنيا صعبه كده
::))
خد وقتك وارجع تاني
باي
أللللللللللللللل
إيه الكلام ده بس؟
مش عارفة أقول ايه غير ربنا يبعد عنك أي شر ويوفقك للخير
ويارب الاقى فرصة اعرف اكلمك قريب
ن،،،د،،،،،،،،،ا،،،،،،،ل
ط.........و...........ل
ع%%%%%%%%%م%%%%%ر%%%%%ك
ارجع لعقلك واثبت ياض فيه اية بس
اية الناس النايتى دى شباب اخر اسكندرية قصدى اخر زمن
احمد طمنا عليك يابني ليه كده
طيب نعمل اعلان علشان تطمنا
يارب تكون بخير وترجع عن قريب
ارجع بقى
بصراحة مش فاهم ايه اللى حصل لانى كنت غيب من فترة كبيرة
بس على العموم راجع نفسك وحاول تكون معتدل
انا شخصيا المدونة اخدت منى كتير
بس انا بانظم وقتى بحيث اقدر يكون كل حاجه لها وقتها
مستنى رجوعك قريب
انت رحت وقلت عدولى ولا ايه
يارب تكون بخير
اخبارك ايه
يارب تكون بالف خير
ليك وحشة والله
:(
انت مجنون بجد يا احمد
فى حد يسيب بيته كده
ربنا يرجعك بالسلامه يارب يا احمد
السلام عليكم
ابتعدت كثير عن مدونتك واعتذر فقط
لظروف الامتحانات
دعنى اخبرك ان لطالما خطيت بقلمك هنا فلتعلم ان لكل معلق حق عليك
ابتعد كما شئت لكن يجب ان تعود فقد وضعت بصمه فى المدونات فلا تمحيها بهذه السرعه
ستنتهى امتحاناتى الاسبوع القادم وسأعود الى كتابه بوست فى نفس اليوم
التى ستنتهى فيه لذا ارجو ان تعود انت ايضا
فقد حان الوقت
تحياتى
وحشتنى
يارب تكون بخير
عندى امل برده
منتظره رجوع قوووى
يارب
مليوووووووووووووووووون مبرووووووووووووووووووووك
يا احن اخ
الف مبروك يا احمد
انا فرحانه
قلت افرح معاك
لولولولولوى
منتظراك ترجع يا احمد مالناش غيرك انت الصدر الحنين لينا كلنا
يارب ترجع لينا بالسلامه
كلمات مضيئه قمه فى الروعه
http://forums.onlyategypt.com/ رصد غرائب الشارع المصري
احمد
طمنا عليك
ازيك ياعمو
انا جيت ازور حضرتك
بس حضرتك مش بتزورنى
يارب تكون بخير
:(
كيفك
انا مبسوووووووووطه جدا بتعليق حضرتك عندى يارب ترجع مدونتك بالف سلامه
مستنينك
إرسال تعليق