BLOGGER TEMPLATES AND TWITTER BACKGROUNDS »

الخميس، 9 سبتمبر، 2010

هتصدقينى



كتير باصدق اى كلام ممكن اسمعه
انسان وعادى ممكن يخدع
وممكن اى حد يخدعه
ممكن يعشق يفرح يجرح
ممكن اقل كلمة توجعه
انسان وعايش جواه فكرة واحدة
ان الاحزان مهما عملت فيه
لازم فى يوم هتودعه
زيى زى كل البشر
قلب وعقل و روح
جوة شىء فى الواقع مالهوش آثر
ده وصفى قبل ما اشوفك
تمثال م الجليد
من اول دقة فى قلبى ليك ِ انكسر
داب الجليد عارفة الجديد
انى النهاردة مش محتاج غير حاجة واحدة
تنسى حزنك كل حزنك
حزنك غيامة ع البصر
هتصدقينى لو قلتلك
كل حاجة فيا اتغيرت
فرحة كبيرة عايشها بحبك
حياتى الضلمة بشموعك نورت
احلامى الدبلانة رجعت زَهرت
هتصدقينى لو قلتلك
انا كل حاجة فيا بيك ِ إتاثرت

25 التعليقات:

عاشقه الرومانسيه يقول...

لو اللى بين السطور حقيقه
ربنا يجعلها بدايه خير وسعاده عليك



افهم من تعليقك عند فاتيما انك هتحضر لقاء اسكندريه؟


ياريييييييييييت والله يااحمد هتنورنا
(:



كل سنه وانت طيب

طوبه فضه وطوبه دهب يقول...

كل سنه وانت بالف خير وصحه وسعاده ويارب ديما فى احسن حال واتم صحه وراحه بال

فكرة من الزمن ده يقول...

كل سنة وانت طيب يازعيم الشر حلوة هتصدقيني ورقيقة
تحياتي

yasmina يقول...

هااااااااى ازى حضرتك
يارب تكون بخير

بجد كلام حضرتك والمدونة وحشتنى جدا
وكل سنة وحضرتك طيب
وعيد سعيد

وبجد البوست جمييييييل اوى وكلماته اجمل بكتيييير

تحياتى

ديالا يقول...

والله العظيم وحشتوني اوي

كلامك الجميل ده وحشني

بس ياتري انت فاكرني

انا غيرت مدونتي

بس عملت مدونه بنفس الاسم

كلامك حلو اوي

ربنا يسعد ايامك يارب

بس امانه تسلملي علي القطط

سمية قهوة يقول...

حلوة أوي كالعادة
تقبل تحياتي

مي يقول...

لاول مرة اعلق فى المدونة
جميل الحب اللى يقدر يغير الانسان للاحسن
اتمنى ان تبقى سعيدا مع من تحب

طبعا بخصوص الكلام اكثر من رائع
دمت يامبدع
وهشوفك اكيد فى اللقاء

اعقل مجنونه يقول...

كل سنه وحضرتك طيب

Sweet Violet يقول...

اممممممم
أكيد هتصدق يعنى هو انت هتكدب عليها ليه يعنى هه هه
فين الشوكولاته و العيدية يااحمد ؟؟
مافيش كل سنة و انت طيب الا لما تجيبهم انا بقول اهو
نيهاهاهاهاهاهاهاهاهاهاهاها

gogo!sf يقول...

كل سنه وانت طيب يا احمد
وعيد سعيد عليك وعلينا جميعاً

gogo!sf يقول...

لالالالالالالالالا ده انت عديت بقى
وكمان تمكين التعليقات ماشى يا معلم

وردشان smilyrose يقول...

كلمات جميله جميلة قوى يا غالى

قد ايه عبرت عن جمال الحب

وقدرته انه يغير كل شئ فى الانسان

ويغير مسار حياته ويحيى كل شئ جواه

ربنا يكرمك يارب بالحب اللى بتتمناه

أتنين حبيبين يقول...

جميله رقيقه رائعه
حساتها كتير


اكيد هتصدقك طبعآ

الله عليك

كل سنه وانت طيب وعيد سعيد عليك وعلى كل من تحب
ربنا يكرمك يارب


مودتى
توتا

ليس فقيرا من يحب يقول...

الله الله عليك يارومانسى

حلوة اوى اوى بجد وقفلتها حلوة اووووى

تسلم ايديك يا شاعرنا الاسكندرانى

كل سنه وانت طيب يارب وبالف سعاده

الحب الجميل يقول...

كل سنه وحضرتك طيب
عيد سعيد

الازهرى يقول...

أنا عارف انى غايب بقالى كتير بس برضه عارف انك هتعذرنى

كل سنة وانت وكل أحبابك فى خير وسلام

داليـ ـ ـ ـ ـ ـ ــــا يقول...

جميله اوى
بس الاجمل منها
/
/
/
/
/
/
/
/
/
/
/
هو رجوعك بالسلامه للتدوين
منور يامان عالمك
يارب ما يبقا فى غياب تانى

أتنين حبيبين يقول...

اخبارك ايه

يارب تكون بخير
طمنى عليك

وياريت بلاش تغيب كتير كده

عيدك سعيد بإذن الله تعالى

ساسو يقول...

تميز وابداع وتألق هما عنوان المدونه
بجد كتاباتك جميله جدا
دمت متألق
وكل سنه وانت بخير
وعيد سعيد

همسات وبحــ الحياه ــر يقول...

حمد لله على السلامة
ايه الغيبه دى :)
كل سنة وحضرتك طيب
حلو اوى البوست ماشاء الله :)
دمت بكل خير

جايدا العزيزي يقول...

الله الله يا شاعر

ايه الاتقان ده

حلوة اووووووووووى

تسلم ايديك

المجاهد الصغير يقول...

السلام عليكم
كل سنه وانتم بخير

شمس النهار يقول...

ااااااازيك

كل سنه وانت طيب وبخير وسعاده


وفكها يااحمد ربنا يفكها عليك وعلينا

:))

كلامك دايما جميل ورقيق

تحياتي

حياتى نغم يقول...

السلام عليكم ورحمة الله وبركاته

كل عام وحضرتك بكل خير .

وجودى بصفحتك الطيبة أسعدنى .

اسماء واحلام فى وجدانى يقول...

دودو
كل سنة وانتى طيبة ربنا يسهل واقدر اكون فى اللقاء لانه اكيد هيبقى يوم جميل

دهب
كل سنة وانتى طيبة وبخير دايما يارب

ام الاشرار
كل سنة وانتى طيبة وشريرة على طول كده

ياسمين
كل سنة وانتى طيبة وبلاش الغياب المتكرر ده عشان العقوبة مش تزيد

ديالا
حمدلله على سلامتك ويارب متغبيش تانى كده وطبعا انا فاكرك هو فى حد بينسى اخواته برضه حمدلله على سلامتك

سمية
منورانى دايما

مى
الحب بيعمل اكتر من كده بكتير طبعا
نورتينى فى اول زيارة

اعقل مجنونة
وانتى بخير وطيبة دايما

ضد
اكيد طبعا هتصدق هى تقدر متصدقش
وبعدين مفيش شوكلاتة هنا

جوجو
وانتى بالف خير يا جوجو وطيبة
كله من خيرك يا ريس

وردشان كل سنة وانتى طيبة وبخير ويارب دايما فى احسن حال

اتنين حبيبن
كل سنة وانتم طيبين وبخير

رانيا
كل سنة وانتى طيبة يا رانيا

الحب الجميل
كل سنة ودايما منورة التدوين كل يارب

الازهرى
غيابك على التدوين بس انما غير التدوين فانت موجود

داليا
الاجمل بجد انى رجعت وسط ناس باعتز بيها

ساسو
كل سنة وانتى طيبة

دموع القمر
انا مش غايب ولا حاجة انا موجود اهو الحمدلله
كل سنة وانتى طيبة

جايدا العزيزى
كل سنة وانتى طيبة وبخير دايما يارب

المجاهد الصغير
كل سنة وانتم بخير

شمس النهار
انا والله فكيتها على الاخر
وكل سنة وحضرتك طيبة وبخير دايما يارب
والف حمدلله على سلامتك

حياتى نغم
كل سنة وانتى طيبة