BLOGGER TEMPLATES AND TWITTER BACKGROUNDS »

الاثنين، 13 أبريل، 2009

مجروح اوى






مجروح اوى
اوى ، اوى
والدمع رافض يجرح خدودى
بيقولى قلبك لازم
لازم ينكوى
جف الحبر من القلم
من نار قلبى والالم
قلت يا قلم خد من دمى وإرتوى
اكتب حكايتى وقول للفراق
إنى خلاص ، هارجع مدينتى وأنطوى
راجع خلاص لبحور دموعى
وياريت رجوعى يقدر يحِتوى
جرحى اللى راجع يزيد المواجع
آه بجد ، حاسس بعمرى بينتهى
بعشق بجد وباحزن بجد
ومؤمن باللى انكتب لازم ينقرىء
مجروح اوى


اوى ، اوى
والجرح فى قلبى بيقول آه
طعم المر ازاى انساه
وزمانى دايما لِيه بيشتهى
موج البحر شايل هموم كل البشر
بيروح ويجىء معاه الرضا من القدر
حكيت له حكايتى
راح وغاب
سالت عليه النورس
قالى الموج فى السكة إنكسر
متحملش جروحك
راح الموج فى جروحك هدر
كل جروحك باللى قابلته ما تنتضهى
انت خلاص ، خلاص منتهى
مجروح اوى
اوى ، اوى
-ــــــــــــــــــــــــــــــــــــــــــــــ
بكل اسف مازلت متغيب

52 التعليقات:

nasira2 يقول...

ليه الجرح ده يااحمد
ليه الألام دى إلى مكتوبة علينا

فى زمن ينعدم فيه الحب الصادق

فى زمن ينعدم فيه الحب الحقيقى

والله القصيدة مؤلمة وموجعة

يتحصر لها القلب وينزف دما

اه يازمان لو ترجع قليلا للوراء

لاننا بحاجة لتغير بعض الاشياء

من إلى فاتنا آه.........آه يازمان لو .....

تحياتى لك احمد انت مبدع عظيم

اسعد الله قلبك عزيزى

ومدك بالصحة والهناء

الف سلام

وردة يقول...

ايه الوجع ده بس يا احمد
بجد كتييير اوووي ده
ارحم نفسك شوية
الدنيا مش مستهلة كل الالم ده
انت خليتني بجد بكيت من كتر الالم ده
يمكن كلامك حقيقي وانا عن نفسي حساه
بس هون عن نفسك
متستسلمش لليأس والحزن كده
ارمي حمولك علي ربنا
ربنا يفرج همك وكربك
ويسعد قلبك
بجد
انت انسان حساس جدا
ربنا يعينك علي الم قلبك
كلامك كالعادة رائع دون مجاملة
بس انا في انتظار بوست جديد
متفائل
تعلن فيه سعادتك واملك في الحياة
ربنا يكرمك
سلام

اللؤلؤة يقول...

الأخ أحمد
السلام عليكم ورحمة الله وبركاته
أسعدنى مرورك الطيب
الله غيك
كلمات رائعة
مجروح اوى
اوى ، اوى
والدمع رافض يجرح خدودى
مليئة بالحزن العميق
دمت مبدعا وسلم قلمك

احساس طفلة محبة للرومانسية بس واقعية يقول...

ياه لية كل دا يا احمد
الكلمات بتنزف الم وحزن
هون عليك وحاول تتفائل شوية
الحزن مضيعش روعة التعبير
بالعكس زادها جمال
ربنا يسعدك وخفف عنك
وتكون بخير دائما

تقبل مرورى

اللؤلؤة يقول...

صديقى العزيز
أشعر بألمك وأتألم على ألمك
مهلا مهلا يا صديقى ولا تحزن
فلعل ما تتألمنه اليو م عيه يثكون سببا فى سعادتك
فى المستقبل
دمت سعيدا مبدعا

ذو الوجه المبتسم يقول...

السلام عليكم
ياترى ايه اللى جارحك بجد
جف الحبر من القلم
من نار قلبى والقلم
قلت يا قلم خد من دمى وإرتوى
اكتب حكايتى وقول للفراق
إنى خلاص ، هارجع مدينتى وأنطوى

قولى هترجع امتى علشان اجى ازورك

تقبل تحياتى

zainab يقول...

أخى أحمد

ياااااااااااااااااااااااااه كل ده حزن و جرح

ليه يا أحمد

ربنا يفرج كربك و يجبر كسرك و يسعد قلبك أخى أحمد

تحياتى

جارة القمر يقول...

وجع لا ينتهي ... وحزن لا يموت،،،
كثيرة هي آلامنا وجراحنا .. يمدونا بالأمل يمنحونا الحب والحنان .. ثم يتوارون خلف الضباب مخلفين ورائهم فراغ بعمق تواجدهم في حياتنا..
مهما يكن حجم الجرح فنحن أقوى من أي ألم ممكن يهز وجونا وحياتنا
سلامتك من أي جراح باقة ياسمين بحجم رقتك لقلبك
كن بخير
ولاتغب مرة أخرى بجد قلقت عليك

عاشقة الأحزان يقول...

السلام عليكم ورحمة الله وبركاته
ليه بس الزعل ده
يااااااااااااااه الحزن مالى قلبك مثلى بالظبط
بجد انا بمر بظروف صعبه قوووى
تقبل تحياتى

فراشة يقول...

الله عليك
بس ليه الجرح ده كله
فين البسمة والامل
فين الابتسامة اللى عودتنا عليها
مش رميت جراحك على البحر سيب موجه يخدها معاه ويجبلك افراح مع موجه جديده
عيش الحياة ماهو كده حيحصل وكده حيصل
حنرضى ولا حنرفض المكتوب مكتوب يبقى نرضى ونحاول نبتسم
نضحك حتى على نفسنا اهى محاولة للحياة
وبلاش غياب
انت كده استنفزت كل ايام الغياب اللى مسموحلك بيها وده اول انذار
المرة اللى جايه حتتحول منازل
ههههههههه
ابتسامة كده على الماشى
تحياتى

Soul.o0o.Whisper يقول...

السلام عليكم و رحمة الله و بركاته

على فكرة مافهمتش معنى تعليقك عندى
بس لما دخلت الوقتى ...
تقريبا فهمت

مش عارفة ليه حسيت
انك الفترة اللى فاتت كنت بتحاول تفتح باب مقفول
باب اللى خايف
بس أمله بيدفعه

و لما يأست من المحاولة
لسه مش قادر تصدق
عاوز تخرج اللى جواك بس الصدمة اكبر من انك تستوعبها

معلش هى فترة
و هتلاقى دموعك نزلت
و ساعتها هتبكى
و تبكى أوى
لحد ما تصفى كل الاحزان اللى فى قلبك

بس صدقنى لازم يكون فى رضا حقيقى
باللى ربنا كاتبه

مش لازم ننطوى
مش لازم نبعد

صدقنى الحياة أكبر من كدا
و هتنسى و ترجع تانى
و ربنا يكرمك و يفرح قلبك

منتظرين عودتك

nahed يقول...

اتخذت من الامل باب ووقفت على بابه
واتخذت منه جسرا فلما الرجوع إلى ما مضى

عاشقه الرومانسيه يقول...

انسى جراحك وانسى اساك
فى ناس ياما بتستناك
عايزه تعيش الحلم معاك

رابطة مدونون من أجل فلسطين يقول...

تتشرف كلا من رابطة مدونون من أجل فلسطين والمبادرة النسائية لنصرة فلسطين بالاسكندرية بدعوتكم لحضور المهرجان التضامنى مع ايتام غزة وذلك يوم الجمعة القادم 17/4 بنادى المحامين بجليم فى تمام الساعه 3.30 والدعوة عامة

حياتى نغم يقول...

السلام عليكم / دمت متجدد ومبدع ووفقك الله فى كل حياتك .

nasira2 يقول...

مجروح اوى
اوى ، اوى
والدمع رافض يجرح خدودى
بيقولى قلبك لازم
لازم ينكوى
جف الحبر من القلم
من نار قلبى والقلم
قلت يا قلم خد من دمى وإرتوى
اكتب حكايتى وقول للفراق
إنى خلاص ، هارجع مدينتى وأنطوى
راجع خلاص لبحور دموعى
وياريت رجوعى يقدر يحِتوى
جرحى اللى راجع يزيد المواجع
آه بجد ، حاسس بعمرى بينتهى
بعشق بجد وباحزن بجد
ومؤمن باللى انكتب لازم ينقرىء
مجروح اوى

آه...أه..أه ياألم
آه...آه...آه ياجراح
آه...آه...آه ياوجع
آه...آه...آه ياعذاب
آه...آه...آه يازمان
آه...آه...آه ياحرمان
آه...آه...آه يادنيا
شو عملتى فينا وبتعملى فينا
آه...آه...آه ياعمري
ضاع وانا ما ادري
علي انكوى منو قلبي
علي هو بعيد عني
وقريب من قلبي
ودمعي كل يوم ينزل على خدي
وانا بخبي
ألام وعذاب يخنقني
تحية لك احمد
دمت بخير

بسنت يقول...

الحياه دايما بتجرحنا وتكسرنا
بس دا مش نهايه المشوار
فى دايما انتصار ونجاح
المهم نؤمن ان لكل شئ نهايه
مهما كانت بدايته صعبه
النص جميل

yoyo يقول...

كما لو كنا خلقنا و مكتوب علينا أن نتألم يا عزيزى
ساعات الفرح دائما قليلة و لا تذكر
دائما الحزن هو رفيقنا فى دنيا اكتست بالسواد حداد على حالنا
بس هنخلى الحزن تسيطر علينا ؟!
هنخلى اليأس تستوطن فى قلوبنا ؟!
طيب حتى لو كان المل جوانا بسيط حتى نحاول نحى جزانا شىء منه
مهما كان الحزن و الالم فهو الى زوال فدوام الحال من المحال يا عزيزى

ايه بقى موضوع الغياب دا كله انت بتزوغ فين كل دا بقى يعنى ؟
ههههههههههههه مش هينفع الكلام دا بقى

ترجع بالف مليون سلامة يارب
فى انتظارك دواما
تحياتى
يويو

الايــــــــــام يقول...

يالهي قصيدتك هذه كم فيها من ألم يعصف الوجدان

لم هذا الحزن و الوجع كله يا الهامي؟؟؟

لقد أسعدت الحزن بكلماتك


هون عليك

اتمنى لك السعاده دوما

تحيااتي

smilyrose يقول...

يا موج البحر يا نجوم السما

يا نسمات الهوى يا نبضات القلوب

ابحثى لخى عن لمسات لا بل بسمات تشفى جرحه

تشفى قلبه المؤن من جراحه افتحى له باب

فرح باب حب صادق لقلب مجروح

اشفى جراح طوتها السنون

املى حياته ولو بلحظات فرح قليلة

لعل قلبة يحس يوما بالسعادة

ابتسم اخى فما اكثر من جراح قلوبنا

وما اكثر من احزاننا التى ملئتحياتنا بكل ما فيها

ولكن ابتسم فهناك امل فى اله بيده كل شئ

لنا ولقلوبنا الله

تفائل اخى فقد اقلقتنى عليك

smilyrose

وردشان

روح الحب الصادق

نبض اسكندرية يقول...

ازيك ي احمد

اتمنى انك تكون بخير

وكنت عايزاك تدخل ترد على البوست بتاعى عايزة اسمع ردودك لو سمحت

هستناك ترد

تحياتى

روح البيت يقول...

اقول ايه بس
ضاقت وكلما استحكمت حلقاتها فرجت وكنت أظنها لا تفرج

http://www.rou7albayt.blogspot.com/

ساره يقول...

ليه الجرح يا احمد
ليه تحب تتعذب
افتح قلبك لدنيا
وحب نفسك و عيش

انا ارسلت بوسبس مع كوكي عشان يشوفوا حكايه غيابك وقاعده استنى التقرير ... طبعا لولوه قالت تبي تروح معاهم بس كوكي رفض ... قال هذي طلعت شباب ما يروحون البنات اقعدي فى البيت ... يا اخي كوكي هذا صاير مره عصبي على لولوه .. الله يهديه :)

احمد ترجع بالسلامه

الفراشة الصغيرة يقول...

احمد هتفضل متغيب لامتى

وبتدخل بس تسجل انك دخلت

من غير تعليق

سجود يقول...

انا الصراحه مش صعبان علي في الموضوع الا الموج اللي انكسر بجد صعبان علي طيب احنا هنصيف فين بقي السنه ديه هههههه
جزاكم الله خير علي الكلمات الجميله ديه فعلا ومش بجامل والاحساس قوي ويارب مايكونش حضرتك مجروح عشان تعرف تواصل كتابتك ههههه
جزاكم الله خير بجد علي البوست الرائع ده

nasira2 يقول...

صباح الخير ياغالي

بالف صحة وهناء للكاتب الجميل

الرائع احمد

انشاء الله ترجع بالف سلامة

وتكتب لنا كلماتك الجميلة

التى نبقى نحبها وتحيينا

كل التوفيق يااحمد

اسماء واحلام فى وجدانى يقول...

عزيزتى نصيرة

من المستحيل ان يعود الزمان للوراء

ولكن يمكن ان نضع الامل فى قلوبنا

وننتظر الفرج من عند الله

اسماء واحلام فى وجدانى يقول...

وردة

لو كنت اعلم ان كلماتى ستجعلك تبكى

كنت مزقتها

لا تستحق كلماتى دمعة واحدة منك

اشكرك جدا لتعايشك مع كلماتى

اسماء واحلام فى وجدانى يقول...

اخى اللؤلؤة

هذا ما انتظره منك دائما

يكفينى ان اجدك هنا دائما

اسماء واحلام فى وجدانى يقول...

احساس طفلة محبة للرومانسية بس واقعية

اتعود اقولك دايما ان عنوان مدونتك تعليق لوحده

الحمد لله انا متفائل جدا

بسي قلمى هو اللى غير متفائل

اسماء واحلام فى وجدانى يقول...

ذو الوجه المبتسم

ان شاء الله هاقولك انا جاى امتى

لانى عايز اكون مبتسم زيك

اسماء واحلام فى وجدانى يقول...

زينب

اختى العزيزة

اشكرك جدا جدا

اسماء واحلام فى وجدانى يقول...

جارة القمر

تتراجع الاحزان فى وقت تواجدك هنا

لك منى اجمل الامنيات ولك منى باقة امال

واحلام جميلة عندما ياتى كل صباح يتحقق حلم منهم

باذن الله

اسماء واحلام فى وجدانى يقول...

عاشقة الاحزان

ما دامت احزانك مثلى احزانى

فليعينك الله على الحياة

اسماء واحلام فى وجدانى يقول...

فراشة

تسلملى ابتسامتك اللى هتقضى على احزانى مرة واحدة

وعلى فكرة انا اعرف انى فى اعادة قيد

يا ترا ممكن

اسماء واحلام فى وجدانى يقول...

همس الروح

صدقينى بلاش تخلطى الخيال بالواقع

لانى خيالى ممكن ان يصورلك اشياء لم اعيشها بالمرة

اننى لا انكر اننى اتخذ من واقعى بعض الاشياء ولكن

ليس الى هذه الدرجة

اشكرك بجد

اسماء واحلام فى وجدانى يقول...

ناهد

حمدلله على السلامة

انتى كنتى فين كل ده

غيابك فعلا كان مخلينى باسال نفسى انتى روحتى فين

اسماء واحلام فى وجدانى يقول...

عاشقة الرومانسية

دودو

ناس

عجبتنى اوى الكلمة دى لانى مش شايف اى حد على بعد

8 كليو

اسماء واحلام فى وجدانى يقول...

رابطة مدونون من اجل فلسطين

نشكر سعيكم المتواصل من اجل كل فلسطينى

اسماء واحلام فى وجدانى يقول...

حياتى نغم

اهذا حزن منك على حزنى ام ماذا اجد الحيرة فى كلماتك

واضحة جدا

اسماء واحلام فى وجدانى يقول...

نصيرة الغالية

اهاتك اكثرت من اهاتى

فلماذا

اسماء واحلام فى وجدانى يقول...

بسنت

نعم هذا ليس نهاية المطاف

مادام الامل متواجد بداخلنا فلا مكان للياس

اشكرك جدا

اسماء واحلام فى وجدانى يقول...

يويو

انا مش هاتكلم على رايك فى كلامى

انا هاتكلم عن موضوع التزويغ حلوة اوى الكلمة

دى بس يا ريتنى اعرف ازاى اعيشها او حتى

اجربها مرة واحدة

اكيد انتى خبرة لانك اختفيتى قبل كده شهر

ممكن بقى تدينى الدليل اللى معاكى

اسماء واحلام فى وجدانى يقول...

الايام

تؤام احزانى

تؤام ورفيقة حروفى

لا اعرف ماذا اقول لك فتواجدك هنا هو بمثابة

طوق النجاة لكلمات تتعذب كثيرا معى

اسماء واحلام فى وجدانى يقول...

وردشان

روح الحب الصادق

لا اعرف ماذا اقول لك

الحمد لله الذى اهدانى شقيقة مثلك

واكتفى بهذا

اسماء واحلام فى وجدانى يقول...

نبض اسكندرية

اشكرك جدا على سؤالك

وان شاء الله هاكون عندك قريبا جدا

اسماء واحلام فى وجدانى يقول...

روح البيت

فى اول زيارة

لك منى جزيل الشكر

اسماء واحلام فى وجدانى يقول...

سارة المقطقطة

كوكى وصل وكلبشنى وادينى رجعت تانى

اسماء واحلام فى وجدانى يقول...

الفراشة الصغيرة

الحمد لله فترة الغياب انتهت

اسماء واحلام فى وجدانى يقول...

سجود

اشكرك ابتسامتك الرقيقة التى احتوت كلماتى الحزينة

واجبرتها على التفائل برغم كل ماتحمله من معاناة

واما بخصوص المصيف

عندك مارينا

اسماء واحلام فى وجدانى يقول...

نصيرة الغالية

اشكرك جدا لسؤالك المتواصل عنى

واسف لاننى لا اعرف غير كلمة شكرا

فانا بشر

قاموس كلماتى محدود

ضحكات الحياة يقول...

السلام عليكم

صراحة الكلمات جميلة جدا بس بتقول حزن كبير جدا ليه الحزن ده

توكل على الله و لا تجعل للحزن مكان
و لتعلم ان سعادة يمكن ان توجد حتى فى قطرة ماء

و تقبل تحياتى