BLOGGER TEMPLATES AND TWITTER BACKGROUNDS »

الأربعاء، 16 يونيو، 2010

إختيارى



أخطات عندما أخطات فى إختيارى
فـــ إختيارى لم يكن له قلبًًُ يدق
أو عقل دارى
لم تكن له عين ترى
بديلً آخر بجوارى
جعلتنى أشعر أنها بدونى جسد ً عارى
أنها حُرة فى حانة إمتلات بالجوارى
أن عشقها يملأ عيونى
وجدران دَارى
الصرخة الاولى كانت على يديها
أنا كنت كل ما لديها
الرمق الاخير كان لــ عينيها
خنجر مسموم اطل منهما
اخترق عينى وعقلى وقلبى
إخترق وجهى إخترقنى
أماتنى
لم انزف قطرة دم واحدة
فالموت سبق الخنجر
أنا لستُ شهيدك
الموت قبل غدرك أحاطنى
فــــــ أبتعلنى
لست ِ خائنة
ثوب الخيانة مازال نقى
ما كنتُ اعرف أن الخيانة
ملاكً بثوب ابيض
قبل أن نلتقى
والتقينا على دمعة واحدة
أتذكريها
اليوم نفس الدمعة عادت نادمة
..... مجرمة ؟!!!
نعم أنت ِ كذلك
وأنا القلب الاعمى
سجين اطلالك
..... مجرمة ؟!!!
والغدر يجلس يبتسم
أمام عينك وفى ظلالك
أخطات
نعم أخطات فى اختيارى
أخطات فى حق نفسى
وإن عدُ لنفسى
هل ستقبل إعتذارى ؟

17 التعليقات:

♥♥ شذا ♥ الروح ♥♥ يقول...

السلام عليكم

ازيك ياغالى
اخبارك ايه

وأول تعليق محفوظ

لــــــ

شذا الروح أنا

♥♥ شذا ♥ الروح ♥♥ يقول...

"إختيارى"


عنوان جميل

أقرء وارجع

♥♥ شذا ♥ الروح ♥♥ يقول...

سأظل احبك ولو طال انتظارى.فأن لم تكن قدرى فقد كنت اختيارى ...

♥♥ شذا ♥ الروح ♥♥ يقول...

كلمات جميله تحمل العتاب للنفس عامه اخترته من اختيار خطء

ربنا معاك ويوفقك صديقى الغالى
دمت ودام اسمك
مودتى

داليـ ـ ـ ـ ـ ـ ــــا يقول...

وأحلا سلام وتحيه كبيرررررررررررره

لشذا الروح حبيبة قلبى

وربنا منوره تعليقات أحمد باشا

انا كنت جايه جرى عشان أسبقك وأخد التعليق الأول

بس انا وانتى واحد ياروحى

أحمد باشا هتغدا بقه واجى اقرء على مهلى واقولك رأى

داليـ ـ ـ ـ ـ ـ ــــا يقول...

أى إنسان معرض للخطر اللى من النوع ده
الأختيار

بس مراية الحب ملهاش عنين خالص
مش هقلك مراية الحب عاميه

وكلمة مجرمه دى هههههههههههه
صعبه اوى انا ضحكت لما شفتها

طبعا هتكلم بقه عن اسم البوست
اختيارى
كان إختيار إسود ومهبب ههههههههههههههه

تحياتى ليك ياشاعرى المفضل

♥♥ شذا ♥ الروح ♥♥ يقول...

داليـ ـ ـ ـ ـ ـ ــــا

حبيبتى ربنا يبارك فيكى يارب ويسعدك
ده من زوقك ورقة قلبك
العفو على كلامك الجميل ده
انتى اللى منوره الدنيا كلها

ربنا يريح بالك واحمد اخوايا وحبيبى ويشرفنى اكون عنده فى اى وقت
ربنا يديم الصداقه بينا كلنا
احبكم فى الله

داليـ ـ ـ ـ ـ ـ ــــا يقول...

♥♥ شذا ♥ الروح ♥♥

متحرمش العمر من عطفك عليا ياللى حبك م السما أجمل هديه

يااااااااااااه أحلا دعوات وربنا ياشذا
وبالذات ربنا يريح بالك دى

يابختك باأخوكى أحمد ياستى

وربنا يديم المعزه يارب

star in the sky يقول...

تحفة اوووى

star in the sky يقول...

اخباااااارك ايه ؟؟؟


يارب تكون بخير وامورك تمام

نبضك أنفاسى يقول...

السلام عليكم
ازيك يا أحمد سعيدة جداعلى ردك ليا ميرسى يا احمد واسفة للمرة التانية بس انا من كتر ما انا حاسة انى اعرفك قلت كده انا ( عابرة سبيل ) اللى كنت باعلق عندك بغير معرف ولما حضرتك قفلت الغير معرف بقيت اتابع بس لضيق الوقت ولان عمل مدونة شى صعب فى الوقت الحالى لاسباب كتير لكن لاقيت نفسى عايزة اسلم عليك فعملت المدونة دى / الدراسة واخدة كل كل وقتى انا عابرة سبيل اللى كان عندى امتحان لتشخيص حالة و كان فى نوت هنا هو السبب فى انى اقرب من الحالة دى لانها كانت حزينة زيك كده وكان وعدى ليها انى اكتبلها النوتس ده وغيره \ وفى اليوم ده روحت على اخرى وبدل ما ارتاح او اذاكر عملت برنت لحاجات كتير هنا عشانها لانك كنت السبب فى اجتياز الامتحان ده بخير / وافتكر انى استئذنت منك وقتها / يا ترا افتكرتنى ولا لسة ، طيب فاكر الرابط اللى بعته لميمى اللى هو اعلان ميمى / لو مسحت التعليق ده من حقك بس لو مسحته هتلاقى فى اول فرصة ليا كوبى له تانى هنا امسح براحتك بقى / كان نفسى يكون لى اخ زيك بس غلاسة انت اخويا بمزاجك او / لانى وحيدة شوفت خلتنى اتكلم من غير احراج بس انا هنا وسط اخواتى يبقى اتكلم براحتى ومعلش اسمحلى اسلم على داليا وشذا

وردشان smilyrose يقول...

اختيارى ان ارحل بعيدا

فقد تعب قلبى من كثرة الامه

تعب من وحدته وهو شريدا

تعب من غرقه فى بئر عميق

تعب واسودت دنياه

لذا قرر الرحيل بعيدا

قرر الموت وحيدا

رحلت لاستعد للرحيل لعالم قد اجد فيه

الامان الذى حلم به قلبى الضعيف

معذرة على الغياب ولكننى دخلت لاودع

عالم التدوين من عندك اخى الغالى

واتمنى لك وللجميع التوفيق


رحيل بلا عودة

داليـ ـ ـ ـ ـ ـ ــــا يقول...

نبضك أنفاسى

الله يسلمك يارب
وطبعا زى ما قلتى إنك فى وسط أخواتك

وأنا بصراحه مش تطفل على أستاذ أحمد

أنا قرئت تعليقك من قبل ورده عليكى وكنت حاسه إن فى سوء تفاهم بسيط والحمد لله اتحل

ويارب دايما إنتى فى وسطنا علطول

ودايما منوره تعليقات أستاذ أحمد

فكرة من الزمن ده يقول...

جميلة جدا يا احمد برغم من سوداويتها
قصيدة شريرة من زعيم شرير
تسلم ايدك

ساسو يقول...

صباحك فل
بجد انا اسفه جدا علي تأخري في الرد
بس بجد والله أنا متبعاك دايما
وكتير باجي هنا
أه صحيح مش بكتب تعليق
بس والله ظروف
لكن كلها فتره بسيطه وهتلاقيني هنا كل ثانيه

ساسو يقول...

بالنسبه للبوست دا
بجد لا تعليق
انت أصل الفن
كل كتاباتك جميله جدا
بجد انت شاعر حقيقي
وبجد مدونتك فوق الممتازه
كل كلمه بتكتبها لها معني جميل جدا

خالص تقديري واحترامي

وردشان smilyrose يقول...

على فكرة يا أمير الكلمات

اختك مش هتبعد كل الحكاية انى مش بقيت

قادرة على متابعة الناس ولا حتى

الكتابة عشان كدا قفلت المدونة

مش لحاجة هو فعلا اتعرضت لبعض المشاكل

والتعب بس دا مش سبب يبعدنى عن ناس

حبها قلبى وارتبط بيها وقلوب طيبة

لقيتها فى العالم ده

عشان كده مش عاوزة اى انسان يزعل منى

وياريت اللى يعرفنى يفتكرنى دايما بالخير

وان اراد ربنا هكون معاكم كل ما ااقدر