BLOGGER TEMPLATES AND TWITTER BACKGROUNDS »

الأحد، 19 ديسمبر، 2010

تفتكرى ليه


من كام يوم بأحاول أكتبلك
ومش عارف
تفتكرى ليه
ليه أمسك القلم يزيد الآلم
وتهرب منى المعانى
ليه حُبك فى قلبى زى العلم
حتى العلم
فى أرضه إتظلم
ساعة ما فكر يقول الحق
فى أرضه إندق
وإتحبست شهقته
بين الضلوع
ضَم الضلوع
قفل كل شق
والقلب بَطل دق
والرمز بات مغموم
تفتكرى ليه
ساعات الحقيقة
بتكون فى الحقيقة
ماضى إتهزم
عدى عليه الحزن إتقسم
ورافض يموت
عايش على ضىء نجمة
مستنية البدر يكمل
جوة سحابة
نـَسيت شكل النهار
وما إنهار
تفتكرى ليه

11 التعليقات:

طوبه فضه وطوبه دهب يقول...

فكرت ليه مالقتش جواب
وكتب قلمى مليون كتاب
فكرت انت ليه اكيد وحدك تملك الجواب
فكر شويه تلاقى زحمه اسباب
فكر بقلبك يمكن عقلك لغى قلمك وكان حجاب
ممكن العقل يكدب ممكن العين تحجب لكن عمر القلب ماكان فى يوم كداب
ها عرفت ليه ولا لسه ما حسبتش الحساب

طوبه فضه وطوبه دهب يقول...

انا مبسوطه جدا انى اول ما ادخل بعد امتحاناتى الاقى بوست جديد يارب مايكونش الاخير واشوف منه كتيررررررررررررررررررررر ويارب تكون بالف خير

بدراوى يقول...

حلو الكلام ده يا باشمهندس
:-)
تفتكرى ليه

أحاسيس آيوشة يقول...

الف مبروووووووك شكل المدونة الجديدة
ثوانى بقى اقرا وارجع

أحاسيس آيوشة يقول...

جميلة يااحمد بس ليا تعليق هبقى اقولك عليه بعدين باذن الله

اقدم عاصمه فى الحب يقول...

السلام عليكم

حمد لله على السلامه يا عم
فينك يا رايق من زمان
وحشتنى والله
.
.
تفتكرى ليه

عنوان جميل ضم نصه الكثير من الالم .. وقليل من الامل
عجبنى ما خطه قلمك اليوم كالعاده
ليت لا يجف قلمك فانا مستمتع بالمتابعه
ودى وإحترامى :)

ليس فقيرا من يحب يقول...

ليه ليه يا شاعرنا الرومانسى

وايه الحزن اللى جوة الكلام ده

وايه اللوك الجديد الحلو اوى ده

يارب تكون بالف خير

ربنا يسعد قلبك ويريح بالك يااااااارب

غير معرف يقول...

ايه الحلاوه دى
انا جايه تانى اعلق بس انا ورايا امتحان دعواتك
متنشرش التعليق ده
يالا سلام

فكرة من الزمن ده يقول...

حمددددددددددد الله على السلامة ياشرير
كلام جميل افتقدناه بجد
وعودتك اجمل اكيد
كل سنو وانت طيب
ويارب ما حد يغيب تاني بقى ونرجع نتلم زي زمان

gogo!sf يقول...

حمد الله على السلامه يا قمر
نورت والله يا احمد
انا سعيده جدا جدا انك رجعت تانى بس يارب يارب متغبش تانى انا امبارح دخلت وشوفت البوست بس معرفش اعلق لانى النت رخم جدا جدا

برغم ان كلامك كله ياس وحزن الا انه بيعجبنى اسلوبك وده من زمان وانت عارف كويس

كلماتك جميله زى قلبك يا ابو حميد

على النيولوق تحفه وعجبنى التغير اوى يارب يكون تغير للاحسن فى كل حاجه

وربنا يبعد عنك كل شر يا قمر

جوجو

اسماء واحلام فى وجدانى يقول...

دهب
حسابات الحياه بتختلف
بكرة عندك زى النهاردة
والنهاردة من بكرة بيستلف
حزنك فرحك مُرك قهرك
جرحك آلمك ندمك سهرك
مُر الحياه أقوى و لازم تعترف
إن حسابات الحياه بتختلف

منورانى دايما يارب وربنا يوفقك باذن الله وتنجحى فى كل حياتك ياااااارب

بدراوى
لما اشوفها هاسالها حاتر

آيوشة
الاجمل منها هو وجودك يا آيوشة

احمد
الله يسلمك ويخليك يارب ربنا يستر بس ونكمل مع بعض يااارب

رانيا
ده مش حزن ولا حاجة مين قال كده
وبعدين لما اشوف المذكورة هابلغها سؤالك ده

فكرة
زعيمة الشر الكبرى
الله يسلمك ويخليكى يارب كل سنة وانتى طيبة وبجد والله نفسى نتجمع من تانى
بس تفتكرى ده ممكن يحصل
يارب يحصل بجد

جوجو
بيعجبك كلامى لان حضرتك حزينة ولا نسيتى لقب الحزن
ربنا يخليكى يارب ونفضل دايما موجودين كلنا
اللهم امين

اللهو الخفى غير معرف
ربنا يوفقك وتنجحى بأذن الله