BLOGGER TEMPLATES AND TWITTER BACKGROUNDS »

الجمعة، 22 مايو، 2009

ميمى



يا ميمى مشعارف اقولك ايه
ربنا يخليكى لكل اخواتك





بسم الله الرحمن الرحيم
اصعب شىء على إنسان بيتنفس حروف وكلمات إن يقابله احساس يعجز عن تجسيمه الى كلمات ،، الاحساس ده اللى جانى منكم ومن كلامكم ليا ومهما حاولت اقول مش هاقدر اوصف اللى انا حاسس بيه دلوقتى ،، انا لامة قلت اننا اسرة واحدة ده كان احساس حقيقى وانى واحد منكم فعلا ،، وبعدين اللى خلانى اعمل كده اسباب كتير انا هاقول السبب اللى اقدر اتكلم فيه ،، لو حد لاحظ الناس اللى موجودين بالقائمة اللى باتابعها هتلاقوا ان فى اربعة اختفوه ومحدش اتكلم ولا خد باله منهم واخيرا جاءت وردة لتعلن انسحابها هى لم تقولها صراحة لنا ولكنى فهمت ذلك من صديقتها فراشة فى تعليقاتها ،، زى ما انتم زعلانين انا كمان زعلان هو انا مش بشر زيكم ،، يمكن الناس اللى انا باتابعهم انتم مش متابعنهم ،، وفترة الهدنة اللى عملتها لانى كنت مستنى رجوع
جارة القمر بالسلامة والحمد لله رجعت واطمنا على والدتها ، وكمان انا قلت انى هاتابعكم زى الاول واكتر لانى مش هاقدر ابعد عنكم نهائيا
ودلوقتى اتمنا ان تسمحوه لى بهدنة اخرى ،، ويمكن تكون الفترة دى مرتبطة برجوع





47 التعليقات:

saragebaly يقول...

الف حمد لله على السلامة

والحمدلله انك رجعت تاني

بحجز اول تعليق

هصلي العصر وراجعة

مبسوطة جدا من عدولك عن قرارك

تحياااتي

سار ة

احساس طفلة محبة للرومانسية بس واقعية يقول...

اية دا طيب ما كلهم رجعوا اهو لما قلت انك هتمشى
يعنى بس لما ينزلوا بوست تانى طيب يلا يا جماعة بقى اهو منها الكل يرجع وحد كمان ميمشيش

بجد الهدف مش متابعتنا بس يا احمد
احنا كمان عايزين نقراء لك ونتابع مدونتك
واذا كان حد مشى شجعة على العودة بس مش تمشى انت كمان

والاسباب اللى مش هتقدر تتكلم عنها
اكيد برضو ليها حل :)

انت قلت كلنا اسرة واحدة وكل واحد بيأدى دور وبيعرض افكارة ومشاعرة فى مكان معين مينفعش يغيب ويزور الباقين بس ميأديش واجبة

ان شاء الله تفكر فى القرار دا تانى
ولو هدنة اوكى بس مش تكون كتير

تقبل مرورى

اعقل مجنونه يقول...

بجد فرحانه جدا انك مش هتقفل المدونه
بجد يبقى حرام عليك لو قفلتها

فكرة من الزمن ده يقول...

انا مش فاهمة حاجة
لكن انا فرحانة انك رجعت في القرار الوحش ده
واوعى تعمل كده تاني
ريح براحتك ياعم بس بلاش تطول وهات في ايدك
كام بوست تفاؤل وانت جاية محتاجينهم ضروري

ঔღঔ نـــوارة ঔღঔ يقول...

لوووووووووولليييييييي

واخيرررررا يابني

جننتنا معاك

الحمد لله على رجوعك

وخد وقتك براحتك ومتتاخرش علينا

والله فرحتني

ربنا يسعد ايامك

ايمان روحي يقول...

السلام عليكم ورحمة الله وبركاته
هاد اول تعليق مني لحضرتك
وهو برجوعك
شي حلو انك رجعت لهاد الاعام
وبجد بتمنالك التوفيق
استمر
في ناس بتحبك
كن سعيدا
تحيـاتي

الفراشة الصغيرة يقول...

الحمد لله

انك رجعت وبعدين هما محتاجين وقت

زى ما كنت محتاج وقت علشان تلملم انفاسك

وتستعيد قواك

فنحن فى انتظار جديدك

وفى انتظار عودتهم

سلام ليك

mimi يقول...

الحمد لله علي رجوعك لبيتك تاني ... القطط كانت هتموت ... والكتاكيت كانت هتتوه ... والمدونة كانت هتضلم من غيرك...

يرضيك القطط تموت ؟

فيه قطة جديدة نورت اخواتها ( اللي هيا منور يا عم الحاج)

شفتها عند سارة ... ربنا يخلي كل القطط اللي في الدنيا ... ويخليك للقطط كمان

فراشة يقول...

طيب كويس هذا القرار
يعنى هدنة تانية بس
زى بعضه
بس كفاية هدنات بقى
عايزين موضوعات حلوة
مستنين رجوعك الهائى

mimi يقول...

القط اللي في صورة البوست رمز للوحدة القططية المدونية ...

حلوة اوييييييييييي

اللؤلؤة يقول...

صديقى أحمد
السلام عليكم ورحمة الله
حمداً لله على سلامتك وأسعد الله قلبك كما أسعدتنى بقرارك هذا
وأرجو ألا يطول غيابك عنا ونحن فى إنتظار جديد حروفك المملؤئة بالرومانسية والإبداع
سلم قلمك ودمت بكل خير وود

ماء تشرين يقول...

كل واحد مننا بيحتاج وقت يراجع في نفسه ويحاول يلملم شتاتها وده طبيعى يارب ترجعولنا كلكم بالسلامه لانو فقدان حد بتبعه ويتابعك شئ صعب جدا


تقبل مرورى

ساره يقول...

احممممممممممممد
الحمدلله على سلامتك
ماتتصور فرحتى برجوعك :)
خذ وقتك بس لا تتاخر علينا

romansy يقول...

ياعم احمد خد هدنه المهم انك متبعدتش عننا
انا كنت زيك كده من شهر بس مقدررتش انى اقفل المدونه بكتب اللى جوايا وافضفض طالما احنا روح واحده

kimo يقول...

اعلنت هيئه الفلك العالميه
بعوده القمر الي مكانه الطبيعي
بعدمكان زعلان

adel يقول...

انا مش قصدي معرفكش خالص علي فكرة بس قصدي اني للاسف مش مختلط مع الناس هنا رغم اني بحب ناس كتير قوي بس بتكسف اعمل معاهم كونتكت (يعني مش بعرف اخد ايميلات و كده)

و معني كلامي ان مهما حصل مينفعش تقف كده
اكيد في حد علي القل بيحب يقرا كلامك و حتي لومفيش
مدام بتكتب و بتحب الكتابة يبقي متقوفش لاي سبب :)
متعملش زي :):)

adel يقول...

ملحوظة :):):)
ابوس ايدك بلاش قطط كتير كده

الكلاب احسن :):)

نبض اسكندرية يقول...

عودا احمدا يا احمد

واية الخبر دة؟ انا مكنتش اعرف انك عيز تقفل المدونة وكما تقفلها لية يابنى؟
اية اللى كان حصل؟

زعلتنى والله
:((

فشكووول يقول...

اهلا اهلا يا احمد
تاخد راحه مافيش مشكله ما دمت معانا ومتابع وبتكتب حتى التعليقات برضه تبقى بتعبر بيها عن نفسك ودا يريحنا كتير
يا احمدوالله غلب حمارى ومش فاهم حاجه ياريت تفهمنى واعذر عمك فشكول اصل فهمه على قده ههههههه
تحياتى

Mo7ammed يقول...

ياسيدى كل هدنة وانت طيب
بس متعوقش وحياتك

ومعلش انا عارف انى مقصرمعاك
بس النت نيلة الله لا يوريك

وردة يقول...

اولا مرحبا برجوعك
عودا حميدا يا استاذ احمد
انا بجد فرحت "نص نص"
وحفرح بجد لما الاقي بوست جديد نازل بيأكد ان ده احمد اللي اتعودت اتابعه
احمد صاحب اسرة التدوين
احمد اللي بيسأل عننا دايما حتي لو مفيش بوست او كان مشغول
يمكن علشان فراشة قريبة مني جدا حسيت اني بنسحب ببطء ومش عاوزة ادخل حتي علي التعليقات
كنت عاوزة اعمل ده من غير ما حد يشعر او حتي يحس بيغيابي
بس بصراحة انا مقدرتش ومتأكده انك انت كمان مش حتقدر
اديك شوفت اخواتنا هنا عملوا ايه علشانك وقبلها بوست فراشة عني
حب الناس اللي شوفته في المدونات لايقدر بثمن ولا اي شئ
ديه ناس بجد محترمه جدا وتستاهل اننا منفرطش فيهم بسهولة
انت بنفسك كنت واقف جنبي وجنب ناس كتيير مش معقولة تبعد لاء يا احمد
اوعدني ان اول ما تيجي خاطرة في قلبك تنزلها علي طول ومن غير ما تفكر في هدنة او اجازة
ياريت يا احمد
اكيد ده حيفرح كل اللي بيتبعوك وانا اولهم
وحتلاقي ايناس كمان رجعت قريب ان شاء الله
كلنا حنقف جنبها
اما عن الاسباب التانية فربنا معاك ان شاء الله
ويهديك للصواب والحق ويفرج همك وحزنك وكربك
انا برغي عندك من امبارح ولسه مدخلتش اعلق عند حد حسيبك دلوقتي
واتمني اول ما تقري التعليق ده
تفكر في خاطره حلوة كده تنزلها
مين عارف
يمكن انا كمان اغير منك وانزل بوست جديد
اوكي
ومش حنسي طبعا اشكر ميمي علي اللي عملته
هي سبب رئيسي في رجوعك لينا
حمد لله علي سلامتك
ومنورنا دايما
سلام

yoyo يقول...

صباحك سكر
هو أنت يعنى بتشوف غلاوتك و الله أنت غاااااااااااااااااااااااااااااااااالى جدا جدا فوق ما تتصور كمان

yoyo يقول...

امممممم
ماشى يا أبو حميد
نمشيها هدنة صغننة اوى كدا على الماشى يعنى
اكيد كلنا بشر ولنا لحظات حزن وضعف بس انت قولت اانا أسرة واحدة يبقى ازاى عاوز تبعد عن اسرتك ؟؟
زى ما احنا اخوات واصحاب فى الفرح و السعادة حتى الاحزان لازم نشترك فيها والا مش هنكون اسرة واحدة
مهما كانت الاسباب مش تخلى الضعف يتملك منك

ربنا يبعد عنك الاحزان يارب و يسعدك ويسعد قلبك

تحياتى
يويو

yoyo يقول...

بجد والله يا أحمد أنا سعيدة جدا جدا جدا
برجوعك مرة تانية منور مدونتك و سعادتى هتكون أكبر لما اشوف البوست الجديد ان شاء الله

يالا بقى مش تتأخر علينا
يارب دايما يجمعنا على الف خير وبكل حب
تحياتى
يويو

mimi يقول...

شفت أنت نورت تاني ازاي؟

هروح أنا بقي أنام شوية ...

Soul.o0o.Whisper يقول...

السلام عليكم و رحمة الله و بركاته

ايوا ايوا

اتحجج ..ماشى ، مقبولة
لما نشوف آخرتها


و أجازة مقبولة
و ياللا مفتوحة كمان
بس مش أوى يعنى
نص نص بس
:)


على العموم كويس ان قرار الغلق تنازلت عنه
دى علامة كويسة و مبشرة

يعنى فى أمل فى الرجوع قريب إن شاء الله


الامل فى ربنا كبير
:)



دمت بود

MaNoOoSh يقول...

مين دة اللي قال انك متهور.. هه؟؟ مين؟؟
قوللى وأنا احط الصرصور المحمي فى سيخ ودنه علطول
هههههههههههههههه


لا بجد بقى شوية.. اخدنا طول السنة لعب.. شوية هزار بقى


دلوقتى ساعات كتير الواحد بيبقى فعلا عايز يجيب درف المدونة.. بس ميقدرش علشان ميفتقدش تفاعل الناس الجميلة دى بجد مع مشاعرة وكتابته.

وبعدين على فكرة بقى.. أنا هخطف القطة اللى بترقص دى لو منزلتش بوست جديد.. وقد فرفر من زرزر.
يللا سلام علشان أجهز خطة لخطف القطة المسمسمة دى.

هندسة وصفية يقول...

احمد باشا
والله المدونة جميلة و مفعمة بالرومانسية
حلوة مفعمة ,, ايه رايك بقي
خسارة يعني تجيب درفها كدة
و تصدق يا اخي الدنيا دي غريبة اوي
يعني انا مثلا لولا بتابع مدونة انسانة واضح انك عزيز عليها مكنتش جيت و لا قريت تدويناتك و لا حس و لا خبر
يلا الحمد لله
ربنا يوفقك و يحبب فيك خلقه دايما

أحمد برضه

بدراوى يقول...

جميل احساسك النبيل ده

الفراغ يقول...

الحمد لله عودتك لنا يا احمد
ويارب ماتبعدش عننا تانى
وعقبال حبايبك ورده وايناس
انا مكنتش اعرف ورده..لكن اكيد نفسى اعرفها لانك تعرفها
لكن ايناس انا كنت بروح عندها وعارفها حتى من قبل هى ماتعرفنى وكنت بحبها..ولذلك اتضامن معاك وادعوها للعوده
والف الف الف حمدلله على سلامة والدة جارةالقمر
والى لقاء

ساره يقول...

انا خايفه تكون ساكت كذا حتى مع القطط فى البيت
اتكلم صدقنى شويه وتنسى الكلام
ونقعد نعلم فيك من اول وجديد
وتجيب ملحق وتعيد السنه
وليه كل ذا
انت افتح فمك بس
وتلاقي الكلام خرج من نفسه على طول

MaNoOoSh يقول...

يارب وفقني فى القطة لحسن انا عيني جالها حول
عاااااااااااااااااا
ولو ملقتهاش هخلي القوات اللى تبعي ياكلوا ودنها.. ها هتنزل البوست الجديد وللا أكمل خطة الخطف؟

حياتى نغم يقول...

السلام عليكم / حمداً لله على سلامتك ويارب تكون بخير حال ، خد وقتك ونتمنى نقرأ جديدك قريب .
وبالنسبه لغياب " نبض الحياة " بسبب انقطاع النت عندها وآخر بوست هيه حررته وأنا اللى نشرته لها وكلنا مفتقدينها .

gogo!sf يقول...

طبعا انا بعتذر على تأخيرى عليك

بس بجد انا عندى ظروف صعبه جدا

ومع ذلك جيت لانى مقدرش اتاخر عنك

خالص سامحنى بجد غصب عنى


بس ده مش المهم والمهم انك مش

تبعد كتير عشان محرمكش من مجموعه

القطط اللى جبتهالك وبلاش النفسنه

دى بقى كل ده عشان خايف على الاهلى

متخفش يا سيدى الدورى ليكم ليكم وبجد

كنت بدعى من ورا قلبى يوة قصدى من اعماق

قلبى يا ساتر على الحقد قال قلبه ابيض قال

اومال انا يبقى قلبى ايه احمرررررررررر

حمد الله على السلامه

انا عارفه انى دمى تقيل بس مش مهم

جيت بردو

جوجو

وردة يقول...

مبروووووووووووووووك
الف مبروووووووووووووك
الدوري اخده الاهلي
ياله وشي حلو اهه
ههههههههه

gogo!sf يقول...

الف مبروك الدورى

ده بقى من قلبى وامرى لله

جوجو

nasira2 يقول...

مساء النور

zainab يقول...

أخى أحمد

أتمنى لك هدنه جميله مع النفس

وان كنت أهلاوى ألف مبروك

تحياتى

عاشقة الأحزان يقول...

السلام عليكم
احمد الغالى
حمدالله على سلامتك ويارب تكون بالف خير
واشكرك من كل قلبى على اللى عملته معايا ويارب يبقا الود والتواصل ومنتظرين منك الجديد
ايناس

MaNoOoSh يقول...

عندي ليك خبر حلو وخبر تاني موش قد كدة
الخبر الحلو الأول مبروك للأهليييييييييييي




------------------
**************
------------------



الخبر الثاني بقى
تم خطف القطة بنجاح وحجزها على باب المدونة بتاعتي من على الناحية الشمال كدة.. ولو الموضوع الجديد ما نزلش.. كل ساعة هاكل ودن (هى القطة دى ليها كام ودن مش عارفة)
يللا سلام

hasona يقول...

السلام عليكم

عودا حميدا وحمد لله علي السلامة
لكن بجد مش فاهم فيه ايه
هو فيه فيروس منتشر ولا ايه
كل الناس بتاخد ركن
وبتتطلب هدنة
أو بتتطلب انقطاع
والكل عايز يتنحي عن مسئوليته

ليه كل واحد فينا تقابله مشكلة يستسهل الانسحاب والاستسلام
وكأن مافيش ناس جنبه ولا حاسس بالبشر الكويسين اللي جنبه
الدنيا فيها الخير والشر
العدل والظلم
ودي حاجة لابد منها


علي ما أتذكر في ثانوي
تضاد في المعني يوضح المعني ويبرزه

يعني لو مش فيه شر مش كنا هنعرف الخير ولا قيمته
ولو مش فيه كره لم نكن لنعلم معني الحب وحلاوته

يعني كلنا أٌُسَرة واحدة نساعد بعض ونؤازر بعض
وده لا ينفي أن هناك قلة مندثة ومش كويسة
وده علشان نعرف قيمة الناس الكويسة لا أكثر

تحياتي

اسماء واحلام فى وجدانى يقول...

hasona
hasona
hasona
hasona
hasona

نفسى نفسى نفسى ترجع هنا تانى وتشوف ردى عليك

من زمان وحضرتك متجول بين المدونات بتقول رايك

بكل صراحة ووضوح

لكن انا نفسى اتعرف عليك شخصيا ولو حتى عن طريق الايميل لانك زى اللهو الخفى بتظهر وتختفى فجاءة

فراشة يقول...

هو انت اهلاوى يا احمد
طب مبروووووووووووووووك

حلـم،، يقول...

اسمح لي بالضيافة والمرور لاقدم لك خالص اعجابي بمدونتك الظريفة وابارك لك ع فوز اللاهلي وانا اهلاوي بالرغم انا مش مصري بس اكيد هي في دمي مودتي لك..حلم..

غير معرف يقول...

مبروك للأهلي يا أحمد ....

gogo!sf يقول...

حقك يا سيدى تعمل اكتر من كده

اومال ايه متكيش صح

حسبى الله ونعمه الوكيل فى الحكم

انا بقى خايفه ومرعوبه كمان فهروح

ماشى يا احمد يا ابن طنط ام احمد

مبروووووووووووووووك الدورى

جوجو

saragebaly يقول...

قريت ردك عندي

وبجد مش قادرة ابطل ضحك

روحت اصلي العصر ورجعت لاقيت القطة الي حاطتها ومتنكرة بتطلعلي انيابها وحاجات غريبة كدة

حاولت اهشها وابسبسلها
يا قطة يهديكي يرضيكي ودي ابداااا

اعمل ايه طيب؟؟
المدونة بقت مستعمرة قطط وقولنا ماشي
انما كمان القطط تتنكر
!!!!!!!

هههههههههه

وبعدين جيت ادخل النهاردة لاقيت صورة الاهلي وناس تروح وحاجات كدة؟؟

ليه كدة بس
دة انا كنت بدعي ان الاهلي يخسر
وجتلي صدمة لما كسب
لدرجة اني حليت وحش في الامتحاااان

شوفت بقى ان مكسب الاهلى وشه وحش

يالا نقول مبروك برضو
احنا عندنا روح رياضية عالياااااا