BLOGGER TEMPLATES AND TWITTER BACKGROUNDS »

الثلاثاء، 26 مايو 2009

على راى المثل


بسم الله الرحمن الرحيم
اخواتى الاعزاء طبعا مش معقول بعد الغيبة دى كلها ارجعلكم بموضوع حزين ،، انا قلت يا واد يا احمد خف على اخواتك شوية وكفاية وجع قلب وموضوع على راى المثل ده انا نشرته قبل كده بس مش هنا لان هنا مملكتى الحزينة والكوميديا محرمة فيها بس النهاردة فى كذا مناسبة جميلة اولهم طبعا جارة القمر والتانى مشترك برجوع وردة وايناس وطبعا مفيش حد يقدر ينكر سبب التجمع ده الانسانة الجميلة ميمي اللى جعلت من مدونتها مكتب علاقات عامة لخدمة اخواتها زى ما قالت اخت لينا
*************************
على راى المثل




تمت سرقة هذه الصورة من عند ميمى بواسطة مدونة صديقة



البنت: بحبه يا ماما ده هو اللى خطف قلبى
الام: معقول يا بنتى تصومى تصومى وتفطرى على بصلة
البنت: اعمل ايه يا ماما القلب وما يريد
الام: بس يا بنتى ده لا بيهش ولا بينش
البنت : معلشى يا ماما ده كل شىء بالسيف الا المحبة بالكيف
الام: يا بنتى الحب مش كل حاجة فى ناس من برة رخام ومن جوة سخام
البنت : كده بردوة يا ماما مالقيوا فى الورد عيب قالوا له يا احمر الخدين
وبعدين مش انتى اللى قلتى اللى بيته من ازاز ميحدفش الناس بالطوب
الام: قصدك ايه يا بنت ابوكى , ما انتى زيه بتاكلى وتنكرى , لا بيعجبه العجب ولا الصيام فى رجب
البنت : اسفة يا ماما
الام : لا ابدا يا بنتى ان طلع العيب من اهل العيب !!!!!!!!!!!!!!!!!!!!!!
البنت : وحياتك بقا يا ماما انجزى احسن زمانه جاىء
الام : خلاص يا بنتى الله يهنىء سعيد بسعيدة,
بكرة نقعد جنب الحيطة ونسمع الزيطة
تررررررن تررررررررررررن
البنت : اهو جه .........افتحى يا ماما عقبال ما اتذوق
العريس : هاى طنط
الام : ادخل يا ضنايا
ادخل يا توتو , يا نهار ابيض بنتى بتحب واحد فانكى
تعالى يا حبيبى اتفضل هنا فى الصالون
العريس : مرسى يا طنط
الام : الناس خيبتها السبت والحد وخيبة بنتى ما وردت على حد
العريس : بتقولى حاجة يا طنط
الام : لاء يا عنيا , اومال فين ماما وبابا
العريس : يا طنط اللى ميشوفش من الغربال.......يكشف نظر
الام : مش فاهمة يا ابنى
العريس : الباب اللى يجيلك منه الريح ...........شيله وركب قبنورى
الام : فين امك وابوك يا ولا
العريس: مسافرين
الام : تيتى تيتى زى ما روحتى يا بنتى زى ما جيتى
طيب انت جاى تعمل ايه
العريس: اعمل زى الناس
الام: طيب بتشتغل ايه
العريس : يا طنط اللى اكله من فاسه رايه مش من راسه
الام : يعنى عاطل , يا خرابى كيد وقهر وشى يقسم الضهر
العريس:الله يجازى الاسباب اللى خلتنى اخبط على الباب
الام : وكمان بتبرطم انت متعرفش انا ممك..........
البنت : احم احم
الام : تعالى يا بنتى اللى خدتوه القرعة تخدوا ام الخلول يوه
قصدى ام الشعور , يخرب بيتك يا توتو عوجتلى لسانى
العريس : كده احلى يا طنط خليكى فريش وبلاش كرمشة الوش
قلتى ايه يا ست الكل
الام : قلت الديسك اللى يتعبك فرمته
ومدام ابن الهاكر مكر مفيش فايدة لو عيب عيب فيه اتذكر
وعقربة على الحيط ولا وجود بنتى جوة البيت
مبروك يا ابنى مبروك يا بنتى واسمعى منى
دعوة الام فى الكم ودعوة الحما فى السما
ابنك على ما تربيه وتوتو على ما تعوديه
حماتك على ابنها حنونة وعليكى مجنونة
اضحكى عليها بضحكة وسندوتش وزيتونة
زيتونة بزيتونة تعيشى مع جوزك حرة ومصونة
بلاش تكونى فى الشارع عروسة وفى البيت !!!!!!!!
العريس : ونسيتى اهم حاجة يا طنط
الام : قول يا توتو
العريس: القرش الابيض........بيعوم فى البحر الاحمر
الام: شاطر يا ضنايا
ربنا يوفقكم

119 التعليقات:

yoyo يقول...

أول
تعليق لأول مرة
لــــ
يويو

yoyo يقول...

صباحك سكر
يا أطعم من حتة السكر
حمد لله على السلامة
نورت مدونتك من جديد

اسماء واحلام فى وجدانى يقول...

يويو

انتى نايمة على الباب ولا ايه

yoyo يقول...

لك أن تكتب ما تشاء
حين تكتب أحزان تبدع
حين تكتب أشواق أيضا تبدع
حتى و أنت تكتب بروح كوميدية تبدع و تختلف
فقط أكتب ما يحلو لك

yoyo يقول...

ايوه نايمة على الباب
من بدرى حصار بقى

yoyo يقول...

صحيح نقول مبروك علينا الدورى
ومبروك عليا طلالتك الجميلة من جديد ويارب دايما منور مدونتك ومنور اسرة التدوين يارب

أهلى أهلى اووووووووووووه أوووووووووووه

yoyo يقول...

اممممم نقول بقى على رأى المثل مراية الحب عامية
ههههههههههه
لما القلب يحب العين بتشوف الحبيب أرق و أجمل مخلوق
آآه من القب و أحكامه

بس هنا العريس من الشباب السيس سيس يعنى هههههههههههههههههه
فينك وفين أيامك يا سى السيد أحمد عبد الجواد يا خويا
هيييييه دنيا
مش تقولى توتو يا شماتة ابلة ظاظا فيا
ههههههههههههههههههههههههه

تسلم ايدك والله يا ابو حميد
دمت دوما مبدعا ومتألقا
تحياتى
يويو

yoyo يقول...

معليش بقى سؤال كدا مش قادرة مش قادرة اسكت
هى مين المدونة الصديقة دى اللى عملت كدا ؟؟؟
توء توء توء
ولا اقولك ربنا أمر بالستر
واحنا عندنا ولاية برده
هههههههههههههههه

MaNoOoSh يقول...

اهىء اهىء اهىء.. مليش دعوة بردو أنا عايزة القطة المسمسمة اللى بترقص دي
عااااااااااااااا


خلاص انا مضطرة اشيل الراجل اللي بياكل ودن القطة دة بقي وأمري لله


وانا كمان بشكر ميمي انها عرفتني على مدونتك
يللا سلام

القمر الساهر يقول...

يا خلاصي يا ناس
ايه الجمال دة يا اخواتى

صحيح على راي الهبل قصدي المثل مراية الحب عامية

بس اسمعوها منييييييييييي وادعولي

المراية دى مسيرها تتكسر ان شاء الله والشمس تخبط في عينك وتشوفوا الواقع المر ..

انا مش فاهمة الهارد راح فين اقصد الدماغ

ربنا يسعد الهارد بالسي دي روم بتاعته

صحيح اصحاب العقول في نعيم

تحياتى

رحلتنا في الحياة يقول...

خياااااااااااااااااانة اخيرا بوست حفيف :))
طيب نعمل فيك ايه لازم نقيم عليك الحد ههههههههههه
لا بجد ربنا يكرمك علشان قدرت ترسم بسمة على وش كل انسان هيدخل يقرا البوست
بس بالمرة معلش يعنى انا لسه برضو مخنوقة علشان كده ممكن اضرب القطة اللى على جنب دى ههههههه

Soul.o0o.Whisper يقول...

السلام عليكم و رحمة الله و بركاته

إيه الاحتلال دا؟؟؟؟


طيب ماشى

نحجز بس احتلال العصابة
هههههههههههههه

"اللى جعلت من مدونتها مكتب علاقات عامة لخدمة اخواتها زى ما قال اخ لينا "

أخ لينا ؟؟؟

أخ؟؟؟

ياللا مش مشكلة

مقبولة


هتعتبرها غلطة مطبعية


بس البوست تحفة بجد

ضحكت عليه اوى


و بلاش نغمة الحزن و الكآبة
و أعمل ايه مغرم صبابة

ماشى؟؟؟؟
دا مثل من عندى
هههههههههههه



دمت بود

احساس طفلة محبة للرومانسية بس واقعية يقول...

قلت الديسك اللى يتعبك فرمته
ومدام ابن الهاكر مكر مفيش فايدة لو عيب عيب فيه اتذكر
وعقربة على الحيط ولا وجود بنتى جوة البيت

هاهاهاهاهاهاهاهاهاهاها
دى مامتها مش طيقاها خالص
بس جاين منين الناس دى
واية كمية الامثال دى
هو انت حافظهم ازاى
عجبتنى اوى
وجميل انك تضيف بوست خفيف
من فترة للتانية

تقبل مرورى

saragebaly يقول...

ههههههههه

ايه الجمال دة؟؟؟
بجد احلى صباح واحلى ضحكة صباحي

حمدلله على السلامة

بجد البوست تحفة

تحياااتي لك
دمت بود

سارة

ghorBty يقول...

السلم عليكم

لا لا بجد جميله جدددددددددا

تحفه تحفه يعني

سلمت يمناك

واي شئ بيكون ليه احساس مختلف حتي لو كان حزن اكيد هيلمس شئ جوانا

وفقك الله لما يحب ويرضي

إيمان هلال يقول...

لا بجد امثال تحفه

فكرة من الزمن ده يقول...

هههههههههههههه
زعيم عصابة هو ده الشر بعينه
كنت عاوز تخبي الاجرام ده عننا
والله كده عداك العيب ولازم تستنى اللي بعده
علشان اللي بيته من ازاز مايغرش هدومه في الصالون ومن طلب العلا يتفضل في كابينة نمرة واحد
جميييل جدا جدا البوست يا احمد

♥نبع الغرام♥♪≈ يقول...

السلام عليكم


احمد احمد احمد احمد


نورت عالم التدوين بجد سعيده انك رجعت تكتب لينا تانى

ربنا ما يحرمنيش منك ياقمر
انا رجعت وورده رجعت وانت رجعت وجارة القمر رجعت

احمدك يارب
الافراح هلت علينا ياقمر
يارب يدوم الود والتواصل والمحبه بينا اللهم امين

والبوست جميل
والامثال تحفه
هههههههههه
ربنا يروق بالك ويسعدك
دمت دائمآ متألق

انوسه النوسه كونوسه

وردة يقول...

لاء
والله العظيم
احمد كمان نزل بوست
وكمان ايه كوميدي
الله الله
انت ليك كمان في الهزار
اهلا
ايوة كده ياعم بلا نكد بلا وجع دماغ
لو حتقلبها ضحك
حتلاقيني قاعدة هنا للصبح
الواحد خلاص مش جايبة معاه نكد كفاية الدنيا علينا يا ابني يا احمد
اسمع يابني من جدتك وردة
الضحك بيطول العمر
ماشي
ولو طلبت معاك نكد ومقدرتش تقاوم نوبة العكننة
ابقي اكتبه وانت بتضحك
هههههههههههههه
ايوة شاطر
كمان شوية
اضحك يابني هو الضحك بفلوس
ياساتر
بخيييييييييل

وردة يقول...

ايه حكاية الامثال ديه
انا اول مرة اسمعها
بالاسلوب الجميل ده
بس ايه جامده
والله يابني فيك الخير
الواحد يعرف الدنيا بقت عاملة ازاي
بس العرسان زماااان كانت بتبقي مكسوفة كده
ومش بيعرفو يقولو كلمتين علي بعض
ايه اللي حصل
ههههههههههه
العريس بتاعك ده مستفز
"الباب اللي يجيلك منه الريح ...شيله وركب قبنوري"
كويسة ان الست مشالتهوش ورمته من العاشر
وكمان بخيل
القرش الابيض ...يعوم في البحر الاحمر
ده ناوي يعوم البت في ميه البطيخ
هههههههههههههه
بس واضح ان حماته فنكي هي كمان
الطيور علي اشكالها تقع
ههههههههههه
لاء تسلم ايدك والله
سلام بقي انت فطستني من الضحك انهاردة
سلام

عمرو جويلى يقول...

السلام عليكم
أخى وصديقى أحمد حمداً لله على سلامتك ونورت البلوج كله
وبعدين إيه يا عم الحلاوة والجمال ده مجموعة أمثلة لم أسمعهم من قبل فى حياتى مثل دعوة الام فى الكم ودعوة الحما فى السماوقلت الديسك اللى يتعبك فرمته
ومدام ابن الهاكر مكر مفيش فايدة لو عيب عيب فيه اتذكر
وعقربة على الحيط ولا وجود بنتى جوة البيت
جبت الأمثال دى
ههههههههههههههههههههههههههه
منين يأحمد
أضحك الله سنك
ودمت بكل الخير

وردة يقول...

في حاجة مهمة
نسيت اشكرك عليها
انت امبارح عرفتني علي حد جميل جداااا
"الفراغ"
بجد هي اد ايه انسانة محترمة ومتوقعتش ابدا انها تعمل بوست علشاني
بجد بجد انا مكنتش عارفة اقول ايه
انا تنجت كده وكنت شبه القط بتاع توم وجيري لما يفتح بأه من الخضة لغاية ما يوصل للارض
ههههههههه
مرسي يا احمد ربنا يكرمك
ديه حاجة عمري ما حنساها
انك كنت سبب في معرفتي بالشخصية الجميلة ديه
ربنا يجعلك دايما تسعي في الخير
روح يابني ربنا يوفقك
ههههههههه
سلام بقي
انا رغيت كتيير انهاردة
حمشي اهه من غير ما تتكلم
سلام

عاشقه الرومانسيه يقول...

ياااااااااااااااه
يااحمد
عشت وشفت لك حاجه مبهجه قبل مااموت ياابنى؟
الحمد لله يارب
ههههههههههههه
حلوه الامثال دى على فكره
والبوست روعه
تسلم ايدك

ساره يقول...

اخيرا يا احمد :)
حلوه كثيرررررر
ضحكت من قلبي الله يسعد ايامك
انا اسفه تأخرت في التعليق
بس لسه راجعه الشغل واستلموني :(

ابنك على ما تربيه وتوتو على ما تعوديه
ههههههههههههه

بجد خطير فى الكوميدي

فشكووول يقول...

ازيك يا احمد
تحياتى
انت عارف يعنى ايه المثل ده وعارف اصله
(اللى خدته القرعه تاخده ام الشعور)
خليها فى سرك
تحياتى

mimi يقول...

يااااااااه راحت عليكي يا ميمي ... قين لما كنتي اول تعليق؟؟

mimi يقول...

احمد عندي طلب منك ... البوست اسمه علي راي المثل .. ياريت تلون الامثال اللي في البوست بلون مختلف علشان يبان

وشكراا ليك

mimi يقول...

أما بقي موضوع المدونة بتاعتي اللي بقت علاقات عامة لخدمة المدونين ... فدي حقيقة اي حد هيحتاج حاجة هيلاقيها إن شاء الله

وعغير الشعا بتاعي وهخليه " زوروني تجدوا ما يسركم "

mimi يقول...

أما بقي بخصوص الصورة ... اللي تم لطشها بدون استئذان ... فالفضل يرجعلك ... انت اللي علمتني ادور علي الصور ازاي ....

يعني كل الصور اللي عندي ... اعتبرها هدية ليك

mimi يقول...

سؤال ... فين القطة اللي بترقص دي اللي عاوزاها منوش ...؟؟؟؟

اللي بتعمل باي فوق ؟؟؟ ولا قطة في مكان تاني ؟؟؟؟

mimi يقول...

بوست حلو اوي .... وجميل وانت عارف رأيي فيه

بس والبوست منشور حاجة تانية برده ... ربنا يديم عليك نعنه .. ومنور علي طول بيتك وقططك الجميلين

تحياتي

الفراغ يقول...

الف مبروك عودتك الينا
وكمان جاى تسعدنا..صح كدا
هو دا حقنا عليك
واشكرك على كلماتك الرقيقه يا ورده
وكفايه شكر بقا
الى العمل..قصدى الى الغدا ..انا ميته من الجوع
اتفضلوا معانا
سلام..ودمت ضاحكا سعيدا

romansy يقول...

ايوه كده يا احمد نورت المدونه
البوست جميل وفيه امثال غريبه تضحك يا ابو حميد
ابن الهاكر مكر
بس بقى يا فين الحما دى بقى
ووانا اتجوز بنتها

mimi يقول...

أكمل ...

بلاش تكونى فى الشارع عروسة وفى البيت ؟؟؟؟؟؟؟؟

أختار مما بين القوسين
بلاش تكونى فى الشارع عروسة وفى البيت
( بسبوسة ــ جموسة ــ مفروسة )

سارة احمد يقول...

قال وعليب راى المثل الي بيقول العروسة للعريس والجري للمتاعيس....حلوة اوى يااحمد تسلم ايدك ...ياعيني على ام الشعور وقعتها هي وامها توتو.... وعلشان خاطر توتو وبمناسبة اللامثال ...راحت رجالت العز والهيبه وجت رجالت الندامه والغيبة...مع عندم اعتذارى لتوتو:))))تحياتي

حياتى نغم يقول...

السلام عليكم / حمداً لله على سلامتك وتدوينه لذيذه جداً ، يارب يديم عليك راحة البال .

نبض اسكندرية يقول...

يخرب عقلك يااحمد

اية الحركات اللى انت عاملها دى
بجد بوست جاااااااااااامد جدا

تسلم ايدك يامبدع
:))
تحياتى

ايمان روحي يقول...

السلام عليكم ولرحمة الله وبركاته
البوست
كتيير بجنن حلوا خالص
وخفيف جدا وسكور
وحمدالله علي السلامه يامستر
ربنا يديم عليك السعاده
تحيــــاتي

صمت المشاعر يقول...

ههههههه هو دا اللي بيحصل بالظبط وزي ما بيقولوا الحب اعمي

ربنا يهدي الجميع

شكرا ليك علي البوست

وحمدلله علي السلامه

الفراشة الصغيرة يقول...

هههههههههههههه

حمد الله السلامه عود حميد

وحلو الحوار ده
ربنا يهنى سعيد بسعيده بقى

الفراشة الصغيرة يقول...

احمد معلش انا اتأخرت بس انت عارف

الامتحانات والكنترول والهم التقيل فى الايام دى

ومش هقدر اتابع كتير الايام دى

بس اكيد هظهر من وقت للتانى

♥نبع الغرام♥♪≈ يقول...

السلام عليكم


احمد


بجد انا برده قلقانه


ومش عارفه
ربنا يستر يارب


ونصل لاخبار كويسه
ايناس

غير معرف يقول...

ههههههههههههههههه
ههههههههههههههه

بوست يجنن والله ضحتني من قلبي

حماتك على ابنها حنونة وعليكى مجنونة

جبتها عالجررررررح :(

سورررري عالتاخير بس والله تعبانة جدا ومش قادرة اقعد عالجهاز من بدري
شكلي داخلة على دور عيا جامد :(

تسلم ايدك عالبوست المهضوم

ويارب منور البلوجر كدا علطول

دمت بحفظ الرحمن

MaNoOoSh يقول...

يا ميمي انا عاوزة أخطف القطة المسمسمة اللى بترقص فوق صورة نزار وتحت الفيديون
يللا ساعديني بقى ومن قدم شىء بيداه التقاه وهنيالك يا فاعل الخير والثواب وقطة قليلة تمنع بلاوي كتيرة
عااااااااااااااااااااااااا

اسماء واحلام فى وجدانى يقول...

يويو

اول تعليق حاضر نورتينى والله

ونورت كل سم فى المكان ده

***********************
انتى واخدة تسعة تعليقات وانا رجل فقير اما كلماتك فماذا تريدينى ان اكتب لك اين ساجد كلمات تليق بحروفك النابضة وهمساتك الثاقبة

*********************************
سيدتى انتى لستى الا يرقة وليدة
غفل عنها الخريف فى طوفانه
لستى الا حبا اضاء الحياة
فبات القلب يحزم اغراضه الحزينة

**********************************
المدونة الصديقة دى تبقى حضرتك

ادينى دبستك مع ميمى يلا بقى اتصرفى معاها

سامعة يا ميمى

اسماء واحلام فى وجدانى يقول...

يويو

نسيت اقولك الف مبروك على الاهلى طبعا

يعنى الاهلى ما ما كسبش الدورى مين انا باقول مين

من اخوانا يقدر على الكاس

الاهلى وبس

اسماء واحلام فى وجدانى يقول...

منوش

بالطول ولا بالعرض

مفيش قطط هتخرج من هنا

ولعى فكرة انا كمان باشك ميمى انها عرفتنى بناس كتير

ربنا يخليها يا رب

اسماء واحلام فى وجدانى يقول...

القمر الساهر

نورتنى والله

ومتهيلى كده والله اعلم ان تعليق ده لوحده ممكن استلفه منك واعمله بوست
والتعليقات ليك فيها الربع
والباقى للقطط

اسماء واحلام فى وجدانى يقول...

ايوشة

الشرانية

طيب انتى بتقولى انك ضحكتى لازمتها ايه بقى الاذية

وبعدين حاولى كده مع اى قط

انتى نسيتى النسر اللى عندك
لسة موجود
بس مستنى امر منى
نورتينى ودايما منورة

اسماء واحلام فى وجدانى يقول...

همس الروح

اكيد ده خطا بس مش مطبعى لان حسب ذاكرتى انى فاكر ان صاحب الكلام ده كان ولد مش حضرتك
وبعدين انا صلحت الموضوع ومحدش اخد باله
من التغير صح يا جماعة
وبعدين البوست ده فلتة
اللى جاى تعالى بمناديلك
دايما بتيجى بروحك الخفيفة
يارب دايما

اسماء واحلام فى وجدانى يقول...

معنى الامل والرومانسية

اللى يعيش ياما يشوف

واللى يلف يشوف اكتر


بس خلاص

اسماء واحلام فى وجدانى يقول...

سارة اللى مش بتحب القطط

طبعا كده مفيش لحضرتك حجة فى الامتحان

ضحكتى والحمد لله يعنى تحلى كويس ونسمع عنك انك نجحتى باذن الله وطبعا انتى فاكرة حلاوة النجاح
ولا نسيتى نقول كمان ولا اقولك هتلاقى طلبى هناك
ارجعى للصفحة 57 من الباب الاول

اسماء واحلام فى وجدانى يقول...

غربتى

نورتينى

اكيد الكلام الخارج من القلب مهما كان بيكون اجمل

وانقى من اى احساس انه مش يقدر يفهمه

اشكرك جدا لتواجدك الطيب

اسماء واحلام فى وجدانى يقول...

اعقل مجنونة

مشعارف ليه اسمك مش عايز يجى معايا التناقد كبير اوى وكلامك كمان فيه العقل وفيه الجنان

على العموم لامة ترجعى نشوف الموضوع ده

نورتينى يا .........مجنونة

مش اقادر اقولها

اسماء واحلام فى وجدانى يقول...

فكرة من الزمن ده

فى حد يتكلم فى حضرة زعيم الكلمات كده

وبعدين ازاى بيت من ازاز

والعيب اللى بعده بيجى الساعة كام لانى مستعجل

yoyo يقول...

صباحك سكر

اممممممم ماشى بقى هو يوم لك ويوم عليك
يعنى انا احتل امبارح وانا تنام على بابا المدونة وهوب تراخ تراخ وهجووووووووووووووووم
ماشى ماشى
انا برده ليا تصرفاتى
هو احنا بنخاف ولا ايه
انا برده ادها
قال احتلال قال
هههههههههههههه

yoyo يقول...

اممممممم بقى كدا يعنى بتدبسنى مع ميمى

و الله ياميمى هما الللى قالولى
هههههههههه انا مش حسيت نفسى
اهىء اهىء اهىء اهىء
كنت مجبربة من التهديد و التعذيب كمان
شفتى بقى انا مظلومة ازاى

ههههههههههههههههههههههه

احمد بلاش شغل تهدية النفوس دا

اسماء واحلام فى وجدانى يقول...

عاشقة الاحزان

انتى اللى نورتى والله بجد ربنا يعينك على اللى انتى فيه ويقويك
الحياة صعبة بكل ما فيها لازم نقابل ناس كويس ومش كويسة ده علشان الحياة يبقلها طعم علشان نتعلم علشان نعرف الغلط من الصح علشان حاجات كتير اوى

المهم سيبك من كل ده

حمدلله على سلامتك
فهى الاهم
والمهم

اسماء واحلام فى وجدانى يقول...

وردة

وردة

وردة

وردة

انتى كاتبة تعليقان ورا بعض فيهم حوالى 1800 كلمة
يعنى بوست لوحد طيب مش كان الاولا انك تكتبيه عندك وترجعى تنورى العالم الجميل ده مرة تانية العالم اللى كان بايخ اوى من غيرك لانى اتعود دايما اشوف تعليقك عندى وكبير كعادتك وبصراحة انا دايما باستنا ردك يبقى ليه بقى الحركات دى
يعنى لولا فراشة ماكنتى رجعتى
طيب ربنا يكرمك يا فراشة بحق ما رجعتى وردة
اللهم امين

******************************
اما بقى يا وردة عن العريس المستفز ده فالراجل اصلا كان رايح غصب عنه بسبب المحروسة وهو فانكى وامها فانكى وتلاقى المحروسة فانكى يعنى العيلة كلها فانكى فين بقى الاستفزاز هنا
على العموم لو الشغل الكوميدى هو اللى هيخليكى تقعدى هنا اطلبى انتى بس واحنا تحت امرك
بس ياريت ترجعى لان الايام اللى فاتت دى كانت صعبة على الكل ومحتاجين نتجمع من تانى ايد واحدة زى الاول واحسن شوفتى بقى مين اللى بيرغى اكتر

gogo!sf يقول...

ايه يا ابنى ده
تحفه والله... تصدق انا قلبى فى
كُلكيعه اد كده ومش عيزة
اضحك بس بجد البوست موتنى من الضحك

وبعدين انا يوم لما بنتى تيجى
تقولى معلش يا ماما كل شىء
بالسيف الا الجواز بالكيف

ده انا اذبحها بالسيف نفسه

على فكرة

مبرووووووووووووووووووك

الدوووووووووووووووورى

يااااااااااااااااااا

احمدددددددددددددددددد

حسبى الله ونعمه الوكيل فيك يا فخرى

جوووووووووووجووووووووو

وحي القلم يقول...

السلام عليكم
وحشتني تدويناتك والحمد لله ، هييا الكوميديا علينا حق
أنا خلصت امتحانات ورجعت للتدوين تاني
حلو البوست دا والحقيقة انا سعيد بالاسكربيت ده أنت بتكتب ساخر كويس
ربنا معاك ومع القطط اللي تحت دي ، ما عدا قطة أمن الدولة
تقبل مروري

♥نبع الغرام♥♪≈ يقول...

احمد
السلام عليكم



ركز معايا كده وقولى هنعمل ايه بس بجد انا احترت وقلقانه قووى


ربنا يستر ويكون فى حل

حاول تسيب الميل نتكلم شويه

مااشى منتظراك

وربنا ما يحرمنيش منك ياغالى
ربنا يوفقنا لما فيه الخير
تحياتى لك
انوسه

mimi يقول...

التعليق ده محجوز

mimi يقول...

لزعيييييم الاشرار

اتفضل يا زعيم

احتل المدونة برحتك

thunder يقول...

عودة جميلة وبوست اجمل تقبل مرورى
دمت بكل حب و ود

Abo 7anf يقول...

السلام عليكم
جميل قوى البوست
والامثال حلوه

جارة القمر يقول...

حمدلله عسلامتك

بجد فرحانة أوي

ومش عارفة اقول ايه

يمكن حاسس بفرحتي


ماتغيبش تاني


لو عملتها وغبت حنزعل منك بجد


بس سيبك نورت الدنيا


حمدلله عالسلامة ياباشا نورت المدونة

♥نبع الغرام♥♪≈ يقول...

احمد
جارة القمر رجعت يا احمد

انا فرحانه مووت


فرحانه


الله اكبر
الله اكبر


فرحانه


ياااااااااااااااااه


علقت عندى والله

مبسوطه كتير

اسماء واحلام فى وجدانى يقول...

اخى اللؤلؤة

نورتنى وبتنورنى على طول

اما عن الامثلة فهى هى الامثلة اللى نعرفها

بس الزمن عملها نيو لوك

اسماء واحلام فى وجدانى يقول...

وردة

الشكر لله فى الاول وفى الاخر على انه هدانا للوصول

للانسانة الجميلة اوى دى امنا كلنا

ماما الفراغ

مين يعرفها ومش يحبها

اسماء واحلام فى وجدانى يقول...

عاشقة الرومانسية

بعد الشر عليك من الموت يا قمر

وبعدين دى حاجة وعدت يعنى مفيش تانى

اسماء واحلام فى وجدانى يقول...

سارة
شريكتى فى حب القطط

انتى تيجى فى اى وقت ولا يهمك

المهم رايك والحمد لله انها عجبتك

وعلى فكرة

توتو قرا كلامك وزعلان منك
انا مشعارف ازاى ما يزعلش من حماته وكلامها
ويزعل منك
بس اوعى تنسى انه فى الاول وفى الاخر

هو توتو بردة

اسماء واحلام فى وجدانى يقول...

فشكووووووووول حبيبى

عمى وعم الشباب والرياضة

والله ما اعرف قصدك لان بافهم على ادى

بس بجد مش اعرف

اسماء واحلام فى وجدانى يقول...

ميمى

6 تعليقات

خلينا واحدة واحدة

اولا انتى اسمك قبل البوست نفسه وقبل التعليقات كلها
ولا انتى مش واخدة بالك

************************

ميمى تانى

انا مش باعرف انسق الالوان كويس وده عيب فيا

*********************************
زوروني تجدوا ما يسركم

الشعار ده قبل ما توصلى له كنتى بالفعل طبقتيه على اخواتك
ربنا يخليكى

********************************

وانا بردة اتعلمت منك كتير مش انا بس كل اللى انتى وقفتى جنبهم فى محنتهم

*******************************

القطة المستهدفة بين صورة نزار وبين الفديو اللى فوق

******************************

اسماء واحلام فى وجدانى يقول...

ميمى

اكيد لو كان اتنشر عندك كان يبقى شكله اجمل

لان مدونتك كوميدية بطبيعتها

بس خير ان شاء الله

اسماء واحلام فى وجدانى يقول...

ماما الفراغ

نورتينى ويارب كده دايما

تنورينى زى ما زدتى قلبى نور

ويخليكى لينا يارب

ويكتر ولادك

اسماء واحلام فى وجدانى يقول...

رومانسى

انا ما اقدر اعرفك على ابن الهكر

وبعدين الحما مؤذية اوى

وبنتها اعوذ بالله

لو كنت ناوى قولى وانا اجبلك ست ستها

اسماء واحلام فى وجدانى يقول...

ميمى

اكيد هاختار بسبوسة

اسماء واحلام فى وجدانى يقول...

سارة احمد

حمدلله على سلامتك

تلاتة سارة عندى هنا ده احتلال للسارات

مش مشكلة

المشكلة ان سارة شريكتى فى حب القطط زعلت توتو

وانتى كمان زعلتى توتو

الراجل فانكى لوحده مش متحمل صدمات تانية

اسماء واحلام فى وجدانى يقول...

حياتى نغم

يشرفنى دائما وجودك الطيب

والحمد لله انها عجبتك الحمد لله

حياتى نغم يقول...

السلام عليكم / أشكرك كثيراً على شعرك الرائع وأرجو منك نشره بتدوينه مخصوص بمدونه من مدوناتك لأنه يستحق وجزاك الله خيراً .
أدام الله عليك السعادة والإبداع .

اسماء واحلام فى وجدانى يقول...

نبض اسكندرية

اجمل دعوة

ما هو عقلى لو اتخرب مين اللى هيكتب

على العموم الايام جاية ويوما لك ويوما عليك

نورتينى

اسماء واحلام فى وجدانى يقول...

ايمان روحى

تشرفت بزيارتك الاولى جدا

واتمنا ان تتكرر دوما

بس المرة الجاية مفيش ضحك فى نكد

zainab يقول...

أخى أحمد

حمدا لله على سلامتك

قوللى بأه دى نصيحه و لا ايه يا أحمد

"اضحكى عليها بضحكة وسندوتش وزيتونة
زيتونة بزيتونة تعيشى مع جوزك حرة ومصونة"

ربنا يوفقك يارب و يبعد عنك الأحزان

تحياتى

اسماء واحلام فى وجدانى يقول...

صمت المشاعر

تفتكر ايه اللى بيحصل مع عيلة كلها فانكى بالشكل ده ربما يبعدنا عن كل شخص فانكى

باشكرك جدا

اسماء واحلام فى وجدانى يقول...

الفراشة الصغيرة

سعيد مين وسعيدة مين

مين جاب سيرة السعادة

انا كده ازعل منك

نورتينى

*****************************

ان شاء الله ترجعلنا بالسلامة بعد شغل الكنترول

ويقويك على متاعب الدنيا

يارب

اسماء واحلام فى وجدانى يقول...

عاشقة الاحزان

ربنا ستر والحمد لله

استرى انتى بقى على عيلة توتو احسن زعلان اوى

فراشة يقول...

ههههههههههه
تجنن يا احمد
بس جديد عليك اللون ده خالص
حلوة قوى
وخصوصا بقى السطور الاخيرة عجبتنى جدا

القرش الابيض فى البحر الاحمر

انت بتجيب العبقرية دى منين
دايما متجدد
بس المرة دى التجدد مختلف

اسماء واحلام فى وجدانى يقول...

ميمى

منورانى دايما

انتى مش قلتى التعليق ده محجوز لمين

كده هو اتصادر

**************************

اما ثندر فالمفروض انا اللى احجزله كل التعليقات

اسماء واحلام فى وجدانى يقول...

نوارة

حمد لله على سلامتك

حماتك على ابنها حنونة وعليكى مجنونة

جبتها عالجررررررح :(

طيب مافى عندك

زيتونة بزيتونة

مش واخدة بالك ازاى من المثل ده

ربنا يقويكى على الدنيا

اسماء واحلام فى وجدانى يقول...

منوووووووووووووش

ميمى تبعى بتحب القطط

فبلاش تحاولى الطيب احسن سلمى نفسك نقول كمان

مدونتك كلها جواسيس

اظن الكلام مفهوم

اسماء واحلام فى وجدانى يقول...

يويو

صباحك سكر زى ما واحد صاحبنا بيقول

الدنيا ضيقة سعتك تحتلينى النهاردة احتلك بكرة

تكرمينى النهاردة احذفك من المدونة بكرة

*************************************

انا فعلا دبستك مع ميمى علشان تحرمى تخدى حاجة بتاعتك
وبعدين مين اللى عذب التانى دانتى كلامك بيعذب الدنيا كلها

اماعن تهدئة النفوس بينك وبين ميمى فدى حاجة انا باتمناها

اسماء واحلام فى وجدانى يقول...

جوجو

طبعا انا مقدر ظروف غيابك مش انتى بس ده كل الزمالكوية اختفوا بعد الماتش كان الله فى عونك

اما بقى عن بنتك فالطيب احسن ولا سيف ولا دياوله

جوزيها وستريها واخلصى منها

عقربة على الحيط ولا وجود بنتى فى البيت

اسماء واحلام فى وجدانى يقول...

مصعب صلاح

المتعب الصغير

حمدلله على سلامتك ياقمر والله انت واحشنى اوى وواحشنى كلامك البسيط والجميل فى نفس الوقت
وان شاء الله نسمع قريب جدا خبر نجاحك

اسماء واحلام فى وجدانى يقول...

عاشقة الاحزان

ركزت يا افندم وكله تمام

فى انتظار اشارة البث التجريبى

اسماء واحلام فى وجدانى يقول...

زعيم الاشرار

مالك فى ايه

اتكلم انطق

المكان كله محاصر

مش عوايدك

اسماء واحلام فى وجدانى يقول...

Abo 7anf

الاجمل هو وجودك

اسماء واحلام فى وجدانى يقول...

جارة القمر



نورتى الدنيا كلها
نورتينى ومدونتى النهاردة فى عزها
فرحة رجوعك الله عليها وعلى سحرها
الله عليكى والفرحة فى قلبى مفيش ادها
الله الله ودى اجمل كلمة بحبها
هتغيبى تانى ولا خلاص
غيابك قتل الكلمة فى مجدها
هتغيبى تانى ولا خلاص
ايام البعد انا كرهتها

اسماء واحلام فى وجدانى يقول...

عاشقة الاحزان

الحمد لله واشكرك بجد علة تواصلك معى

ربنا يبارك فيكى يا رب

اسماء واحلام فى وجدانى يقول...

حياتى نغم

اشكرك جدا وجارى البحث فى الامر

اسماء واحلام فى وجدانى يقول...

زينب
اختى الفاضلة

هى لغاية دلوقتى نصيحة الله اعلم بكرة فيه ايه

وبعدين يعنى زيتونة ولا حتى كليو زيتون

مش خسارة فى راحتى

ربنا يرضيكى ويفرحك بكل اللى بتتمنيه يارب

اسماء واحلام فى وجدانى يقول...

فراشة

معقول فرحتك بالاهلى تنسيكى اخواتك

على العموم الفرحى تستاهل

الاختلاف ليس فى القلم او العقل او القلب

انما الاختلاف فى توابع الايام فهى من تضيف

لوجودنا كل جديد

غير معرف يقول...

لديك هواية الكتابة ؟
هواية تأليف الشعر ؟
هواية الرسم والفن التشكيلي؟
هواية تصميم الأزياء ؟
أم هواية الرسم الرقمي ؟

مهما كانت هوايتك
فانضم لنا في مجتمع هوايتي

مجتمع الهوايات العربية
من هذا الرابط
http://www.hwaity.com/vb/
ننتظر زيارتكم وتشريفكم لنا

VÖltaa يقول...

"مدام ابن الهاكر مكر مفيش فايدة لو عيب عيب فيه اتذكر"

مدام ابن الهاكر دى .. عندها كام سنة ؟


ماشى ياعم

نيمتنا وبقيت تكتب كوميدى
طويب

لن انسى لك هزا الموأف ^_^

Israa El-sakka يقول...

الزيارة الأولى
هههههه
عجبتني أوي الحتة بتاعة كل حاجة بالسبف لكن المحبة بالكيف ..و جميل أوي أنك بتعترف أنك سرقت الصورة هههه مستنية جديدك و أتمنى دوام التواصل

Unknown يقول...

ههههههههههههههههههههههههههههه
حلوة اوووووووى
تسلم ايديك
بجد جميلة
و على رأى المثل
ديل الكلب عمره ما يبقى مية
هههههههههههههههه
--
معلش اتأخرت فى التعليق عندك
عبال ما وصلى ان ديه المدونة الرئيسية مش الثانية
انا ضفتك فى رول المدونات
----
تحياتى

ساره يقول...

لا لا لا كل شء ولا زعل توتو

قوله ان الزعل يسبب تجاعيد فى البشره وهو راح يبتسم على طول :)

(حلـم) يقول...

يسلم قلمك..صح لسانك..مااروع ذوقك..كل مدونتك حلوة رائعة كما انت ياطيب..حلم

فراشة يقول...

انا اسفه والله يا احمد ان تعليقى كان متأخر
بس لأ مانستش اخواتى ولا حاجه انا اقدر

حتى لو اتأخرت شويه لازم طبعا اتابع موضوعاتك الجميلة
اتمنى ما تكنش زعلان

بجد آسفه يظهر فرحتى زيادة حبتين

اسماء واحلام فى وجدانى يقول...

محمد

كدة بردة تسيب المذاكرة وتدخل على النت

دى خيانة عظمى

المدام دى عندها 34 سنة اكبر منك ب15 سنة

يعنى ما تنفع لحضرتك

لانها هاكر بنت هاكر

اسماء واحلام فى وجدانى يقول...

Israa El-sakka

المثل ده على وزن

كل شىء بالخناق الا الجواز بالاتفاق

مع ان النهاردة مفيش امل لجواز او حتى خناق

وبعدين يا افندم الاعتراف بالجريمة يخفف العقاب

وبعدين صاحبة الصورة مسامحة واعترفت بكده

نورتينى ودايما يارب

اسماء واحلام فى وجدانى يقول...

بدراوى

الحمد لله انها عجبتك

عارف لو توتو سمع مثل الكلب ده ما كان جه من الاول

توتو بقى

وبعدين انت تيجى فى اى وقت

البيت بيتك

اسماء واحلام فى وجدانى يقول...

سارة

شريكتى فى حب القطط

هو الراجل ناقص مش كفاية اللى هو فيه

والله ده كيد وقهر وشى يقسم الضهر

اسماء واحلام فى وجدانى يقول...

حلم

ما اجمل الحلم ان يكون حقيقة

وما اجمل كلماتك الرقيقة

زيارتك لى هى نسمات الهوا الصديقة

فلا تغب عنى فصحبتك تسعدنى

وكلماتك لكلماتى رفيقة

اسماء واحلام فى وجدانى يقول...

فراشة

حتى وان لم تاتى الى هنا يكفينى ان اعرف انك بخير

اينما تكونى

فهذا يكفى ويكفينى ايضا انك جئت مرة اخرى

واضفتى ردك لى اكون طماع اوى لو طلبت اكتر من كده

الحمد لله على كده

غير معرف يقول...

جميل جداجدا

مهما كانت الكتبات مختلفة

بمعنيها وحروفها انت تبدع فيها

حق الابداع

اسماء واحلام فى وجدانى يقول...

غير معرف

اشكرك جدا جدا

واتمنا لك التوفيق مع انى شاكك فى حضرتك

فنحن هنا بعالم الاحساس واحساسى يدلنى عليك

اطلع من دول وقولى انت مين

yoyo يقول...

صباحك سكر
أتيت إليك بشوق
وكلى أمل فى ان ارتوى من نبعك الصافى

فهل سيدى ستسمح الأن ام متى ؟؟
فى انتظار جديدك
يويو

صرخة صخره يقول...

مساء الخير يا جميل
ده اول تعليق منى على مدوناتك
بس عجبتنى الحكايه اوى
بس انا بئه شفتها مجسده ادامى
وجميله اوى عقبال المزيد