BLOGGER TEMPLATES AND TWITTER BACKGROUNDS »

الاثنين، 8 يونيو، 2009

سيدة القلوب


اينما تتواجدين يتواجد الحب
فانتى هدفه المرصود
والنظرة ُ منك سهمً صاحبه موعود
فيا سيدة القلوب كيف تعشقينى ؟
ألا تعرفينى !!!!!!!
انا الذى أقاله الزمان الى أبعد الحدود
وأقام بينه وبين الحب ألآلاف السدود
فكيف إخترقتى قلبى ؟
يا حبا ً حطم الحزن بداخلى
وحطم فيه الصمود
نبضات القلب أثارت بداخلى الفضول !
ففكرة حُبك لى
تحتاج لتفسيرها ألآلاف العقول !
وانا يا سيدتى فكرى محدود
أؤمن بالطبيعة وقوانين الحياة
وهذا الحب قد تخطى بكل المعانى مداه
أهذا الحب كله لى !
تحققى منى جيدا
هل أنا المقصُود ؟
أهذا الحب كله لى !
أخشى على نفسى ان اصدق
فأنا أحُبك
والحب فى دربى دوما مفقود

51 التعليقات:

اسماء واحلام فى وجدانى يقول...

التعليق الاول

لوقت التفائل

السابعة صباحا واحدى عشر دقيقة

اسماء واحلام فى وجدانى يقول...

التعليق التانى


للناس المتاخرة دايما

اسماء واحلام فى وجدانى

احساس طفلة محبة للرومانسية بس واقعية يقول...

طيب الحق اول تعليق
واروح اقراء

عاشقة الأحزان يقول...

السلام عليكم

احمد اخبارك ايه

جميله قووى كلماتك

تسلم ايديك

ربنا يديم عليك الحب

تحياتى

انوسه

عاشقة الأحزان يقول...

احمد

التعليق ده عشان ميمى


يلا تعالى بسرعه بقا
منتظراكى

هههههه

سلامى

احساس طفلة محبة للرومانسية بس واقعية يقول...

ايوة اول تعليق فعلى لتانى مرة
دا انجاز :)

طيب لية كل دا
ايوة هى مشاعر بين قلبين او وجدت اصبح لا معنى للتحقق منها لا يمكن ان يخطئ الحب طريقة لانه يصل من القلب الى القلب فى خط مستقيم
يمحى كل الحزن من النفوس يوقيظ الحيرة والتساؤلات فدائما هو خارج عن كل القوانين
ولكن ليس حيرة وتسائل عن الشخص المقصود

جميلة جدا يا احمد
احيانا فعلا ممكن حد يحس ان الطرف الاخر اللى بيحبة قيم جدا لدرجة انه لا يستحقة ولكن لو فكرنا قليلا لوجدنا في انفسنا شئ اقيم نستحق به حب من نحب

تقبل مرورى

حياتى نغم يقول...

السلام عليكم / جميله جداً بالتوفيق دايماً رزقك الله الزوجة الصالحة ومن خير الدنيا والآخرة ما تتمناه آمين .

اللؤلؤة يقول...

أحمد
كلمات رائعة وبالفعل أنت مبدع والكلام الحلو ددا طمنى عليك
وعلى فكرة أنا حليت المشكلة التى كنت أحاول حلها فى مدونتى
دمت بكل ود

شموع يقول...

الأخ إلهامى 2
لقد حباك الله بموهبة عظيمة
قلما نجدها
كلماتك كلها إبداع ومشاعر عالية الرومانسية
كلها صفاء ونقاء فعلى الدرب سر وأنا متعطش لجديدك وبالتوفيق
مت بكل الود

مصعب صلاح يقول...

السلام عليكم

ايه يا عمنا حجز التعليقات ده

دا انت لو بتحجز عند دكتور مش هيكون بالسرعة دي

حلو أوي البوست ده يا ابو حميد

لا والله مش مجاملة دا حقيقي

لا أنا معجب أوي بكلاماتك وممكن أحبها

بس لو حبتها لازم اتقدم رسمي واجيب العيلة ويبقى فرح كبيييييييييييييير

تقبل مروري

بدراوى يقول...

جميل اوووى
الشعر الرومانسى ده

قلب ارهقته الاحلام يقول...

لعل الحب قد وجد الطريق الي دربك اليوم ايها الموعود :)

جميييله بجد تسلم ايديك

ويابخت ....هي اسمها ايه صحيح اوعي تكون قطة هههه

دمت بألف خيرر

تحياتي ,,,,

ايوشة يقول...

جميلة اوى تسلم ايديك يااحمد دايما مبدع فى كل كلمة بتكتبها :)

فراشة يقول...

ايه ده برده متأخرة
ازيك يا احمد
الف سلامه عليك والحمد لله انك بخير

احساسك رائع
وكلماتك متقنه لابعد الحدود

جميل قوى لقب سيدة القلوب
فكرة انك عزلت نفسك او ان لزمان قد اقالك لابعد الحدود ثم تأتى هى وتخترق كل الحواجز وتهدم السدود وتعبر وتجد قلبك وتأثره فى منتهى الروعه

كلماتك عميقة جدا يا احمد
ماشاء الله

كمان تساؤلك لها فى النهاية هل انت المقصود ؟
كأنك تكذب عينيك وقلبك وترغب منها ان تبوح مباشرة بحبها حتى تصدق كلا منها

ايه الجمال ده يا احمد

بجد مش حقولك غير الله عليك
والف سلامه مرة تانية وانشاء الله تكون بالف خير وتخف بسرعة

adel يقول...

التعليق الاثني عشر
الساعة 12 و 54 دقيقة مساء

من المخابرات الاسرائيلة الي عبده تلوث
ارجوك ابعت 2 كبده و 1 سجق لمكتب رئيس الموساد

نشكرك علي حسن تعاونكم طوال الفترة الماضية

ههههههههههههههههه

سوري دي مش ليك انا عارف
بس هي جت كده

هههههههههههههه

بس بجد من كويس لاحسن
و اخر جملتين في الجون
و يبارك له يامعلم

هههههههههههه

MaNoOoSh يقول...

الكلام حلو قوي

اكاد اشتم رائحة أمل وفرحة ممزوجه بنبضات القلب

يارب ان شاء الله الفرح يكون موجود والحب يملأ الدرب دائما.

mimi يقول...

التعليق ده لميمي

شكرا أنوووووووووووس

نيااااااااااهااااااااا

النت فاصل مش عارفة أتواصل

عااااااااااااااااااااااااااا

mimi يقول...

http://egyfilm.com/Forums/viewtopic.php?t=256184&view=previous

عااااااااااااااا

انا اتسرقت الحقووووني

ماء تشرين يقول...

جميله اوى اوى

مش عارفه ليه افتكرت حته من اغنيه ام كلثوم الحب عمرو عمرو ماجرح ولا عمر بستانو طرح غير الهنا وغير الفرح


تقبل مرورى

وردة يقول...

ايه ده كله التعليق العشرين
ههههههههه
انا متأخرة جداااااااا
معلش بقي
ان شاء الله ربنا حيكرمنا مرة واجي بدري
البوست المرة ديه بجد تحفة
جميل جدااااا
تسلم ايدك يا احمد
ولكن سؤالك في غير محله
الحب لا يعترف بالحدود والسدود
قوانينه ليست كقوانين البشر ولا يخضع للطبيعة بأي حال
فلما السؤال
اذا كنت انت تحبها
ووصلها هذا الاحساس
فلما لاتحبك
اسلوبك جميل جدااا والاجمل اختلاط الدهشة بالحب
فقد زادت من رونقه
افتح للحب باب لعله يزيل الحزن الكامن داخلك
ربنا يكرمك ويسعد وقتك
سلام

mimi يقول...

حلوة اوي القصيدة المرة دي
تحفة والله العظيم بجد ... بدون أي اضافات ... او أي حذف ... تسلم ايديك وافكارك ... وربنا يديم عليك مشاعرك الصافية الجميلة دي ويهنيك بجد

ঔღঔ نـــوارة ঔღঔ يقول...

ياعيني ياعيني

شكلك وقعت ومحدش سمى عليك ^ـ*

كلماتك جميلة جدااااااا

ربنا يديم عليك الحب

دمت بالف خير

ساره يقول...

احمـــــــــــــــــــــد

ايه الجمال ده
خيال والله العظيم رهيبه

كذا يا احمد تحب من وراي .. مش انا اختك وحفرح لك ... طب قول لي مش اسمع الخبر من كوكي :)

yoyo يقول...

مسائك سكر

آتيت وكلى شوق لمعرفة من تكون سيدة القلوب ؟!
وماذا فعلت يا ترى ؟!

سوف اعود

yoyo يقول...

أتسألنى أنا ؟!!
نعم أعرفك أكثر من نفسى
أنت من إليه يخضع القلب
أنت من علمنى كيف يكون الصمت قاتلا
حين تتقاتل الكلمات بداخلك و يأبى عقلك
أن يحيى بداخلى نداء العشق !!
آآآه يا وجعى ويا عشقى

أنا من مقدر لها ان تحطم قيود عقلك
و تخترق اسوار القلب المحصننة
سيدى لا ترهق زمانك بالأسئلة
فقط حاول أن تؤمن بحبى
أؤمن أنى أحببتك و أحبك و سأظل أحبك
إلى ان ينتهى عمرى يا عمر يبدأ ولا ينتهى ابدا
ولا تسألنى كيف ؟!ومتى؟! و أين ؟!
اسأل قلبك واجعله دليلك!!

yoyo يقول...

نعم..
كل هذا الحب لك أنت
و لا أحد سواك
أنه جزء من ما بداخل قلبى لك
من سواك الذى بعث الروح
فى اوصال قلب يحتضر
أنه فقط أنت ...أنت...أنت
الحب مقدر علينا ولا تحاول ان تمنع القدر
فأنت قدرى وأنا قدرك
أنت منى وانا منك
أنت أنا و أنا أنت
فلا تجعلنا نندم على حب قد لا يتواجد فى زمننا هذا
او حتى أى زمان
دع قلبك على سجيته و ثق فمن وهبتك قلبها

**********************
كلماتك اخترقت القلب من صدق مشاعرها و رقتها
تسلم ويسلم احساسك الرقيق
دمت دائما وابدا مبدعا
تحياتى
يويو

z!zOoOo يقول...

السلام عليكم

ازيك يا عم يارب تكون بخير

لا بجد جميله

بس فيه شطر كنت حاسس فيه إنه كده


تحتاج لتفسيرها ألآلاف العقود

حسيت موسيقتها كده احلي بس هما الاتنين اجمل من بعض

أهذا الحب كله لى !
تحققى منى جيدا
هل أنا المقصُود ؟
أهذا الحب كله لى !
أخشى على نفسى ان اصدق
فأنا أحُبك
والحب فى دربى دوما مفقود

ابقي ابعتلي إلهامتك ده شويه :)

تحياتي العطره

جارة القمر يقول...

رائع ذلك الحب

أتمنى لكما التوفيق

احترامي
:)

فشكووول يقول...

يا عينى عليك يا احمد
انت جيت لمس اكتاف
وقعت ولا حدش سمى عليك
بس على فكره مش كتير عليك
ليه مستكتر على نفسك كل الهنا ده
يا راجل والله انت المقصود
صدق ولا تكذب نفسك
تحياتى

z!zOoOo يقول...

السلام عليكم

علي فكره زي ما انت عندك ( الهامي )

انا عندي حبيبتي ( الهام )

:)

ديه صديقه عمري وإحنا الاتنين دايما سوا علي الحلوه والمره وفي الحزن والفرح
وفي السراء والضراء

ديه لو مراتي في الحقيقه كانت هتبقي أنسب زوجه ليا

وعندنا بنات كمان ( أفكار صغنتتين ) :)

ربنا يسهلك يا عم

وكل واحد يخلي باله من إلهامه :)

دمت أخا كريما

وبكل التوفيق الذي أتمناه لك من الله ومن قلبي لك وللجميع

تحياتي العطره

الفراغ يقول...

اهلا اهلا يا احمد
اذا كنت انا اللى ماما بقول عليك تستاهل كل الحب والاخلاص
يبقى ليه مش مصدق ان سيدة القلوب تحبك
انت فنان ومبدع وحساس والاهم من كل دا اكيد هى حست باخلاصك
تاكد انها هى الكسبانه
ربنا يسعدكم

gogo!sf يقول...

بص بقى دى خيانه

وانا مش هعديها المرة دى

بس ماشى يا احمد

عاااااااااادى جداااااااااا

gogo!sf يقول...

بجد تسلم ايدك

تحفه اوى اوى

عاشقه الاحزان

جوجو

gogo!sf يقول...

أهذا الحب كله لى !
تحققى منى جيدا
هل أنا المقصُود ؟
أهذا الحب كله لى !
أخشى على نفسى ان اصدق
فأنا أحُبك
والحب فى دربى دوما مفقود


عجبونى اوى الجملتين دول

بجد انت قلبك يحمل اجمل الاحساس


عاشقه الاحزان

جــــو جـــــو

العراف يقول...

بجد كلام اكتر من رائع معانيك جميله جدا واسلوبك اجمل والله ما شاء الله عليك بجد جميله اوى داخله دماااااااااغى عفونا عنك انا والعرافه
تحياتى يا جميل

kimo يقول...

سوبر يا مان

ايه الجمال ده

شكلك وقعت ولا حدش سمي عليك

ليه كده مكنت مكبر دماغك
ههههههههههههههههههههههه
الله ينور
قلم رائع

فكرة من الزمن ده يقول...

ازيك يا احمد
والله بجد مش لاقية حاجة اكتبها
وحاسة بشوية تشتيت
لكن الحمدلله

لكن والله وعد اني هانزل بوستات من الدرج قديمة اه لكن لسة ما كانتش اتقرت قبل كده
وربنا يخليكو اعز اصحاب في هذا العالم الجميل عالم التدوين
بشكركو على السؤال اوي

صمت المشاعر يقول...

كالعاده التميز في الاسلوب والكلمات

جميل اوووي نبره النقاء والصفاء في الحب

دمت بكل خير وسعاده

yoyo يقول...

صباحك سكر

انا حبيت اجى اصبح
وعليك كمان اطمن

الف مليون سلامة عليك يا احمد
يارب ترجع لنا بالف سلامة
تحياتى
يويو

ঔღঔ نـــوارة ঔღঔ يقول...

بخ بخ

اناااااااا جيييييييييت

كيفك يااحمد يارب تكون بالف خيرررر

سي يو ^ـ^

Israa El-sakka يقول...

جميلة أوي أوي أوي بجد تحفة يا أحمد المعاني قوية و كمان بسيطة أنا عن نفسي بحب المزيج ده
مستنية جديدك

Soul.o0o.Whisper يقول...

السلام عليكم و رحمة الله و بركاته

اعتذاااااااااااااار بالخط العرييييييييييييييييييييض

آسفون آسفون
يارب تقبل الاعتذار

و طبعا عرفت السبب
ياااااااارب ماتكونش زعلان


ثانيا: بجد قصيدة رائعة جدااااااااا

اينما تتواجدين يتواجد الحب
فانتى هدفه المرصود

يااااه .. ما شاء الله
حظوظ بئا :)

انا الذى أقاله الزمان الى أبعد الحدود
وأقام بينه وبين الحب ألآلاف السدود
فكيف إخترقتى قلبى ؟
يا حبا ً حطم الحزن بداخلى
وحطم فيه الصمود

مممممممم ... لالالا
انت كدا تعرفنى عليها
الظاهر عليها جامدة اوى

وهذا الحب قد تخطى بكل المعانى مداه
أهذا الحب كله لى !
تحققى منى جيدا
هل أنا المقصُود ؟

يا مسهل يارب


أخشى على نفسى ان اصدق
فأنا أحُبك
والحب فى دربى دوما مفقود

لالالا ... الامل فى ربنا كبير

بس انت توكل على الله و ماتنساش الحلو و الحاجة الساقعة ..ها؟؟
ازعل اوى :)


التعليق الاول

لوقت التفائل

السابعة صباحا واحدى عشر دقيقة

هو عقد الشراكة دا دائم؟؟؟
يااااااااارب

خليك دايما كدا متفائل

بذمتك مش أحسن من الحزن؟؟؟


يااااااااارب دايما تكون بصحة و سعادة
بعيدا عن اى حزن



دمت بود

د/عرفه يقول...

دايما رائع ما شاء الله

واظن ان موضوعك هيكون معانا
فى اختيارات الاسبوع ده

اظن كده
لسه النتيجة كمان شوية

كيــــــــــــارا يقول...

أهذا الحب كله لى !
أخشى على نفسى ان اصدق
فأنا أحُبك
والحب فى دربى دوما مفقود

*************

جميله اوي واحساسها فوق الوصف

ghorBty يقول...

جميلة المشاعر ديه

بس نفسي اصدق انها موجوده في وقعنا وعصر الماديات .!

ربنا يصلح الاحوال ..

ويديم نبض قلمك ...

gogo!sf يقول...

احمد انت روحت فين

انا بجد جايه اطمن عليك

ليه غايب كل ده

يارب تكون بخير

جوجو

فدا الاسلام يقول...

جميل اوووووووووى الشعر دة

والاجمل تللك المشاعر الجميلة

فراشة يقول...

ازيك يا احمد

دخلت عند وردة لاقيتك بتفكر تعمل احتلال عندى وعندها
ربنا يستر اصل احتلالك بالقطط
انما انا بالفراشات
وردة بالورود
ههههههه

تعليقك عندى كان جميل جدا
وكنت احب انك تقرا ردى عليك للتوضيح ليس اكثر

ومستنين كل جديد وجميل عندك

معتز شاهين - باحث تربوي يقول...

الله ينور

ويبقى التواصل

thunder يقول...

مممممممممممممممممممممممم
اية يا واد دا اية دا بس ممممممممممم
بوست جامد جدا والاجمد الكلمات اللى فوق الكومنت كمان
دا انت متشحور خالص ياض ربنا يوافقك يااااااااااااااارب وييسر ليك كل خي ردائما ابدا يارب
على فكرة انا مستندلك يا ندل صح كنت هنسى مش قولتلك تسئلى على الناس فين واخبارهم اية وتطمنى يابنى البت فكرة وكوكيتا حتى ميمى كل مختفى فى اية ومالهم ششوفهم يابنى وحاول تخرجهم وتطمنى ان ش اء الله
ابو احميد دمت يارب بكل حب و ود وفى رعاية وحفظ الله دائما يارب

اسماء واحلام فى وجدانى يقول...

اشكر كل من تواجد هنا

وكل صاحب كلمة جملية قد اعانتنى

اشكركم جميعا اخوتى واحبتى فى الله