BLOGGER TEMPLATES AND TWITTER BACKGROUNDS »

الأربعاء، 17 يونيو، 2009

سندريلا



أميرتى الحسناء
أبحث عنك مع كلماتى
أبحث عنك بين ذكرياتى بين أهاتى
أبحث عنك أبحث عن ذاتى
يقينى بوجودك هو الامل الاخير فى حياتى
كان اللقاء صدفة وما أعجب مصادفاتى
إلتقينا دقائق وتلك الدقائق من أجمل أوقاتى
أتذكرين السندريلا أميرة الأميرات
وأميرها العاشق المتيم الولهان
أتذكرين كيف كان اول لقاء
وكيف وقف بينهما القدر
وكيف تجاهل الدعاء والرجاء
سندريلا أنا أميرك الغائب المشتاق
أنا المقدر له أن ينعم بالفراق قبل اللقاء
أنا حرفك التائه وأنتى مفرداتى
والعشق النائم فى قلبك صار أهداف كتاباتى
صار عشقى الاوحد
صار نور عينى
صار نبضاتى

71 التعليقات:

وردة يقول...

اول


تعليق


ليا


انا

وردة يقول...

وكمان


تاني



تعليق


اصلي جيت بدري انهاردة

وردة يقول...

والمرة


ديه


للزمن


محدش عارف


بكرة فيه ايه

وردة يقول...

شك الناس



لسه نايمة



طيب انا مستنية


يمكن حد يدخل ولا حاجة

وردة يقول...

ولو حد مدخلش


انا موجودة


اديني بتمشي في التعليقات


الجو هنا حلو

وردة يقول...

ياه



شكل القطط كمان نايمة


فين النشاط


عيب اوووي كده

yoyo يقول...

قلنا هنحتل وادينا احتلنا المدونة تانى
ياسلام عليك يا بت يويو
معليش بقى يا وردة

yoyo يقول...

صباحك سكر
اخبارك ايه يا ابو حميد
يارب تكون بالف خير يارب

yoyo يقول...

ياسلام على الطيبة شفت انت كدا بقى
محتل بيطمن على الناس اللى بيحتلها
توء توء توء
عشان تعرف انى مش شريرة

yoyo يقول...

التعليق دا عشان خاطر الناس اللى هتجى متأخرة
والناس اللى لسه نايمة

yoyo يقول...

مش فى شوية نسكافية كدا ولا حتى شاى
فينك يا ثندر و فين سندويتشاتك الحلاوة ام فستق
هههههههههههههه

yoyo يقول...

ياسلام على الجمال
انا بمووووووت فى سندريلا
اروح بقى اقرا و اجى تانى

فراشة يقول...

هو ايه اللى بيحصل هنا يا احمد
انت سكتلهم كده ست وردة وست يويو
انا بهدى النفوس بس

هو الواحد يعنى ميعرفش يدخل يعلق
هو التعليق الاول ده مش مكتوبلى ابدا

يعنى لما آجى بدرى مافيش فايدة برده

فراشة يقول...

احمد
الله عليك حبيبتك زى سندريلا وانت بقه الامير
جميل خروجك من الحالة السابقة او نقول محاولة بالكلمات للخروج

على فكرة انا علقت فى البوست اللى فات انا عارفه انه متأخر بس اتمنى تتقبل اعتذارى

جميلة قوى الجملة دى
(والعشق النائم فى قلبك صار أهداف كتاباتى
صار عشقى الاوحد)

مبدع كالعادة

احمد الصورة اللى انت حطيتها دى صورة سنووايت مش سندريلا
بس الاتنين اميرات اجمل من بعض

yoyo يقول...

دوما من الحب أهرب
ولكن حين التقيتك أيقنت انى بالحب سأنعم
أيقنت انى لم أكن أهرب
الا لكى انلقى بك أنت ولا أحد سواك
أنت قدرى و أملى المنتظر
أنت من مقدر له انا يحيى الروح فى اوصال قلب كنت اظن انه يحتضر
أنت من سيتوجنى أميرة على عرش النساء
أنت من اليه أنتمى وبه احتمى

yoyo يقول...

الله يا أحمد
احساس جميل اوى
دوما المحب يكمل محبويته وكلاهما يكمل الاخر
كما كنت تبحث عنها هى الاخرى كانت بانتظارك وكلها يقين انك قادم لتحيا العشق بداخل قلبها الساكن

تسلم ويسلم احساسك الرقيق
دمت بالف خير وصحة
تحياتى
يويو

yoyo يقول...

صباحك سكر يا فراشة
توء توء
هو احنا فين من تهدية النفوس
هههههههههههه
بقى كدا
ماشى
انا لها برده
تحياتى
يويو

وردة يقول...

الله علي جمال البوست ده
حلو اووووووي ورقيق جدااا
ما اجمل العيش في ذلك العالم الاسطوري
الامير العاشق الذي يبحث عن محبوبته
لا تقف امامه اي شئ من اجلها
ما اجمل ان يكون الحب هكذا صدفة

"أبحث عنك مع كلماتى
أبحث عنك بين ذكرياتى بين أهاتى
أبحث عنك أبحث عن ذاتى"
عندما يصدق الاحساس ستجدها في كلمات وداخل ذاتك ستجدها من تزيل اهاتك
لا تحتاج ان تبحث عنها لانها داخل نفسك


"يقينى بوجودك هو الامل الاخير فى حياتى"
تمسك بهذا الامل ولا تجعله يهرب منك
او يكون عبئا علي نفسك حتي تستطيع ان تصنع عالم جديد في حياتك يملؤه الحب

"كان اللقاء صدفة وما أعجب مصادفاتى
إلتقينا دقائق وتلك الدقائق من أجمل أوقاتى"
ما اجمل ان تكون الصدف التي تصنع المعجزات والتي تزيل جبال الثلج بين المحبين
لا نعلم متي واين ولكنها تأتي لتأسر القلوب

"إلتقينا دقائق وتلك الدقائق من أجمل أوقاتى"
كيف لا تكون من اجمل الاوقات وامتعها تلك اللحظات التي تحمل اجمل الذكريات واولها كم هي غالية علي النفس ان لم تكن الوحيدة

"سندريلا أنا أميرك الغائب المشتاق
أنا المقدر له أن ينعم بالفراق قبل اللقاء"
ابعد كل هذا الامل يسرقه الفراق كيف لك ان ترضي ان يهرب منك حلمك باللقاء
لاتتشائم من جديد واجعل من املك في اللقاء حلم جميل

"والعشق النائم فى قلبك صار أهداف كتاباتى
صار عشقى الاوحد
صار نور عينى
صار نبضاتى"
كم هي محظوظة سندريلا بكل هذا الحب الجميل ومحظوظة ايضا بأميرها الذي استطاع ان يوقظ العشق في قلبها بكل هذه المشاعر الجميلة

البوست مميز في كل شئ
بجد برافوووووووووووووو
تسلم ايدك
ايها الامير العاشق
سلام

وردة يقول...

ايه يا فراشة

حبيبتي والله

بتهدي النفوس

بيني وبين يويو


بس مش حديكي الفرصة برضو


هههههههههههههه


ولا ايه رأيك يايويو


تيجي نتفق علي فراشة


ونحتلها

عندي اخبارية انها حتنزل بوست قريب

7annen يقول...

الله يا احمد كلامك جاااااامد جدا ومشاعرك حساسه وقويه بجد تسلم ايدك راااااااااائعه

حنين

yoyo يقول...

صباحك سكر يا وردة
يعنى نعمل اتفاقيات احتلال
هههههههههههه
بدل اتفاقيات السلام

وردة يقول...

يا صباح الفل يايويو
ايوة نعمل اتفاقية احتلال
مش هي اللي بدأت
وانا ليكي عليا حسربلك معاد النشر
وساعتها بقي
.
.
.
فراشة متلمش غير نفسها
هاهاهاهاهاهاهاهاهاي
هي اللي بدأت

yoyo يقول...

ههههههههههه
عسل والله يا وردة
حتى فراشة يعنى رقيقة
وبعدين احنا المفروض
نخلى بالنا بقى
هو اللى بنعمله فى الناس هيطلع علينا ولا ايه
هههههههههههههه
تحياتى
يويو

yoyo يقول...

و الله انا خايفة انزل البوست بتاعى
هههههههههههه
المفروض نعمل حساب اللحظة دى برده
ولا انتىايه رايك

عاشقة الأحزان يقول...

السلام عليكم ورحمة الله وبركاته

اسماء واحلام فى وجدانى

اذيك يا احمد

كما هو حقآ جميلا ما كتبت لنا عن قصة الحب الورديه عن سندريلت احلامك

لكن هل يوجد حب فى هذا الزمن يااحمد

اقول لك

ليس معنى الحب أن يحب شخصان بعضهما أن ينظر كلاهما في نفس الإتجاه
غريب أمر الحب : إنه يجئ في الوقت غير المناسب وللشخص الغير مناسب
في الفن وفي الحب : الإنطباع الأول هو الأقوى

لم تعد الفتاة تحب من تجده وإنما الذي يعذبها
المرأة إذا أحبت فإنها تعرف أدق تفاصيل وجه الرجل كما يعرف البحار تفاصيل الموج والشاطئ
الفتاة العاقلة لا تؤمن بالحب من أجل الحب ولكنها تؤمن بالحب كمقدمة للزواج
لا تخشى عداوة الرجل وكن حذراً من حب المرأة
الحب يولد الحزن ومن الحب يتولد الخوف
ليس وراء الحب شي سوي الالم

الانسان لا يحب حبا صادقا الا مرة واحدة في حياته
ليس صحيحا ان اول حب هو اعظم حب .. الصحيح ان اول حب هو اصغر حب
بالحب تسمو الروح وتشف وتمتلئ رغبة بالعطاء واحتضان كل ما في الوجود

اتمنا لك حياة سعيدة بعيدة عن الالم الزمن

ربنا يسعد ايامك
دمت بكل حب وخير وسكينه
تحياتى ليك

ايناس

عاشقة الاحزان

adel يقول...

حاوة يا احمد بجد
خصوصا اخر سطرين

بس انت ايه حكايتك بتنزل بوستاتك ليلة امتحاني دايما كده ليه ؟؟؟

يعني اذاكر ولا ااقرا ؟

ديالا يقول...

بجد والله والله واللله اول مره بوست يعجبني اوي كده ورقه ورقي الكلام والاحساس كمان بجد بحييك علي اسلوبك

بس انا في مدونتي لما كتبتت عن مملكه الفرسان قالولي ان مبقاش فيه فرسان في الزمن ده

ومش عايزه ازعلك واقولك كمان ان سندريلا لسه متولدتش في الزمن ده


هيكون فيه سندريلا لما يكون فيه فرسان

بس بجد بوست رائع

تقبل مروري

اللؤلؤة يقول...
أزال المؤلف هذا التعليق.
اللؤلؤة يقول...

صديقى أحمد
السلام عليكم
رائع ماخط قلمك وكتبت حروفك
جميل جداً التفاؤل والحياة الروماسنية بين الأمير وسندريلا
دمت بكل الخير

وردة يقول...

متخفيش يايويو
نزلي براحتك
حأمن مداخل ومخارج بلوجر
ولو علي فراشة
متخفيش
انا حددت اقامتها تحت القوة الجبرية
ولو حاولت تهرب
حتروح مني فين
انا مرقباها 24 ساعة
معلش بقي يافراشتي
ياقمر يا حبيبتي يا جميلة انتي
اصلك انتي اللي بدأتي
ههههههههههههه

وردة يقول...

تصدقي يايويو
الخوف مش من فراشة
الخوف من احمد
يدخل ينتقم مننا
علشان خلينا مدونته مكان لاتفاقيتنا السلمية "اتفاقيات الاحتلال"
ههههههههه
معلش يا احمد اعذرنا
وبعدين احنا قاعدين هنا من جمال البوست مش عارفين نمشي
نعملك ايه بقي
دايما مبدع
سلام

شموع يقول...

أسماء وأحلام فى وجدانى
السلام عليكم
لمت يمناك ودامت حروفك لتتطاير فى عنان السماء لتصل إلى قلب سندريلا
تقبل مرورى

mohamed ghalia يقول...

فى البداية عايز اعتذر عن عدم المتابعة لأنى كنت مشغول فى الإمتحانات
وبجد هايل هايل وصفك للسندريلا

قلب ارهقته الاحلام يقول...

سندريلا أنا أميرك الغائب المشتاق
أنا المقدر له أن ينعم بالفراق قبل اللقاء
أنا حرفك التائه وأنتى مفرداتى

جميلة اوي بجد

تسلم ايديك :)

دمت بألف خيررر

تحياتي

saragebaly يقول...

وصلتني اخبارية ان القطط نايمانه دلوقتي

قولت اجي بقى وبراحتى واخلص تاري منهم

الواحد مش عارف يعد في المدونة منهم

هروح اقرا واجي

ويارب ميصحوش بقى

Rooma Qandil يقول...

أنا المقدر له أن ينعم بالفراق قبل اللقاء
أنا حرفك التائه وأنتى مفرداتى

راائعة,,,
الفراق قبل اللقاء
معناها عميق اووي بس جميل

تحياتي

ماء تشرين يقول...

ايه الاحتلال النسائي العندك ده يااحمد

ياعنى انا فرحت وقولت هجى احتل شريكى مهو الواحد برضو ممكن يحتال مدونه شريكو عادى جدا
ده انت شكلك محتل مدونه مصر كلها

بس بجد التدوينه خفيفه ورقيقه وشبه افلام الكارتون الكانت زمان هى العالم بتاعنا دلوقتى طبعا افلام عربي مش افلام كارتون ولا انت رايك ايه

ياله سلام

عاشقه الرومانسيه يقول...

أنا المقدر له أن ينعم بالفراق قبل اللقاء
أنا حرفك التائه وأنتى مفرداتى
***********************
حلووووووو جداااااااا
ان شاء الله تلاقى سندريلا احلامك
واقع ملموس امامك

ربنا يكتب لك كل سعاده وحب يااحمد

فشكووول يقول...

سندريلا تقريبا قريبة مقبرة اليأس اللى هى قريبة سيدة القلوب متهيألى كلهم واحد ونبعهم واحد

على فكره ايه الوجدان الكبير اللى انا شايفه ده بس على فكره انا تقريبا يعنى فاهم مين سندريلا وهى واحده من جماعه انا عارفهم

ايه حكاية يويوا معاك فى البوست اللى فات هى البت دى مش حتبطل شقاوه بقى

تحياتى يا احمد

فشكووول يقول...

هما يويوا وورده عاملين احتلال للمدونه بتاعتك ولا ايه

سلم لى عليهم من عندك
تحياتى

MaNoOoSh يقول...

هي أميرة نائمة
نغمض عينيها لتهرب من قسوة القدر
تنتظر فارسها النبيل
ليقبل جبينها
وتفتح عينيها.. لترى ملامحه تحت ضوء القمر

الحب أمل
العشق أمل
الاخلاص أمل
النظر للحياة أمل

وحتما هناك أميرة أنت لها كل الأمل



(متشكره جدا لسؤالك عليا يا اجمل أخ)

د/عرفه يقول...

دايما بحس بموسيقى جميلة فى كلامك يا احمد

عجبتنى اوى اخر جملتين


تحياتى ليك

EMMY BABY يقول...

بجد جميل اوى اوى احساسك

عجبنى جدا اخر جزء منه

فعلا رومانسى اصلى

وبجد ميرسى جدا لسؤالك عنى فى غيابى

تحياتى

ايمى

احنا يقول...

كل واحد فينا بيدور على سندريلا بتاعته ، لكن ياريتنى كنا أمراء زى بطل القصة اللى حظه الحلو خلاه يلاقى سندريلا
-----------------------------------
مدونة رائع وسعدنا بزيارتها
----------------------------------
مع تحياتنا / حازم وهانى

ايوشة يقول...

ياسيدى ياسيدى على الكلام والاحساس بجد والله جميلة جدا
بس عجبتنى اوى تسلم ايديك بجد يااحمد

romansy يقول...

اعمل ايه بقى
لازم اعلق على الكلام الجميل والرقيق
اللى كاتبهه لسندريلا

مصعب صلاح يقول...

السلام عليكم
البوست جميل جدا

بس انت فين يا احمد

هو انت اسير الاحتلال

ولا ايه ؟؟

تقبل مروري

gogo!sf يقول...

يا سعاده الامير الباشا

صباح الخيرات يا افندم

هو الاحتلال ده مش هيسيبك ابدا

معاك ربنا يا عم

gogo!sf يقول...

الله يا احمد بجد

بس ممكن كل امير عاشق يبحث عن الحب ويلتقى مع اميرته الحسناء فعلا

واذا وجدها يستمر حبهما

قصه رائعه فعلا

مش عارفه اقول حاجه بجد
اكتر من انها قصه جميله جدا

دومت مبدع يا احمد

جوجو

saragebaly يقول...

صباح الخير


كعادتك
تكتب فتبدع فتنهار الاحاسيس جميعها من عذوبة احساسك

===========

أنا المقدر له أن ينعم بالفراق قبل اللقاء

لمستني اوي الجملة دي

صعب اوي انك تدوق قسوة الفراق وانت في عز حلم اللقاء

============

تحياتي لابداعك الجميل

دمت بخير

سارة

ساره يقول...

اقراء لك
واسرح واحلم
تأخذني كلماتك الي السماء
فوق الغيوم ومع النجوم
رائعه في الوصف والتصوير
انت فعلا كتله من التعبير


استمر يا مبدع

شيماء زايد يقول...

الجميل انك دائما تتحرك نحو الافضل
تحياتي

فراشة يقول...

ايها الامير الغائب المشتاق
لا داعى للفراق لأن سندريلا حتما من اجل اميرها
فإن كنت انت الامير وحبيبتك سندريلا فلا داعى لذكر الفراق

تحياتى لك يا احمد بجد لما قريتها تانى ليقتها اجمل واجمل
ماشاء الله عليك

احمد يرضيك اللى وردة ويويو عاملينه فيا فى مدونتك
انا بس اللى مسكتنى انها مدونتك
بس حبيت اشهدك ايها الامير
واطلب منك ان تحكم على هاتين الاميرتين بالنفى لفين معرفش
اسيبها عليك بقى
والمرة دى وردة مش حتنول التعليق الاول عندى ابدا

esraa يقول...

حلوه اوي
:)

بس اللي في الصوره دي سنوايت مش سندريلا
:D

حنان الشافعي يقول...

الكلمات جميله جدا كعادتك مبدع
ملحوظه صغيره
الصوره
دي صورة سنووايت مش سندريلا

دمت بود

ঔღঔ نـــوارة ঔღঔ يقول...

هييييييييييييييييييه

التعليييييييييق 56

^ـ*

ايه الاحتلال دا كله يابنات

ميصحش كدا احجزولي معكم

:(

انا علطول باجي متاخرة

:(

ঔღঔ نـــوارة ঔღঔ يقول...

حلوووووووة كتيرررررر

وتشبيهك يجنن مفيش احلى من سندريلا والحب الاسطووري

متالق دائما

ربي يسعد ايامك

mimi يقول...

يا عيني عليك يا احمد ... ورده احتلت المدونة ... ان غبتي يا ميمي ...

عاااااااااااااااااااااااااااا

mimi يقول...
أزال المؤلف هذا التعليق.
mimi يقول...

اللي ما فيه محد سايب تعليق واحد ... التعليق هنا بالتلاتة ...


أحمد .... يا بخت سندريلا بيك ... الكلام ده بجد احساسه عالي جداااااااا

والله فنان ربنا يحرسك ويحميك ويقومك لينا بالسلامة يارب

يلا بقي شد حيلك ...

بجد البوست عجبني مووووووووت

مش هقوللك تسلم ايدك ... لأ هقولك تسلم مشاعرك ويدوم احساسك

مصعب صلاح يقول...

يا احمد

ما جوبتش ع التاااااااج ليه ؟

عاشقة الأحزان يقول...

السلام عليكم

احمد انت فين طمنى عليك

جارة القمر بخير ورجعت تانى

وعندى ليك خبر خطوبه دودو عاشقه الرومانسيه
يارب يتمم ليها بخير يارب

منتظرراك عندى عملت بوست جديد

سلام
انوسه

smilyrose يقول...

اخى الغالى أحمد

ايها الامير العاشق المتيم

احقا هناك من يحمل تلك المشاعر

اهناك من يضم بين طيات قلبه كل هذا

الاخلاص اتعلم اخى عندما اقرء كلماتك

احس ان هناك ضوء ينبعث من طيات

الزمن يخبرنى ان الصدق والمشاعر الصادقة

لازالت موجودة لازالت تنبض بهذا الزمان

واننى لست المخلوق الوحيد الذى يبحث

عنها فى هذا الزمان

دمت اخى بكل ما يحتوية قلبك من

صدق ووفاء

وردشان

روح الحب الصادق

صرخة صخره يقول...

جميل اوى يااحمد كلامك ويابختها ياعم الى ليها الكلام ده بس الكلام رائع وخلاب

رؤية يقول...

يا سلام يا سلام
يا بخت سندريلا باميرها

^_^

كلمات البوست جميلة جدا

تحياتى

thunder يقول...

ههههههههههههههههههه الحلاوة بى الفستق عند احمد النهاردا ومحدش هيحتل المدونات طول ما انا لسة بنبض دوم دم تك دومدوم تك
هههههههه اولا البوست جامد يا ايوحميد او يا زعيم الكلامات
وبعدين فينك ياض واخبارك اية وحشتنى وربنا جداا
اتمنى تكون بخير
يارب
وبجد محدش يعرف يجاريك فى الكلمات والمشاعر يا ابو حميد
اخى العزيز دمت بكل حب و ود وفى رعاية وحفظ الله دائماااااا
واظهر وبان بدل ما افرك الفنوس واموت المارد نياهاااااااا

طوبة ذهب وطوبة فضة يقول...

الله الله ادام الله عليك كل هذا الحب ايها الامير المتيم بالعشق وجمعك باجمل اميره على وجه الارض

كيــــــــــــارا يقول...

الله يااحمد

جميله اوي بجد

رقيقه وفيها براءه

حياتى نغم يقول...

السلام عليكم / كلمات جميله ويارب يرزقك بسندريلا طيبه زيك .

جارة القمر يقول...

عفكرة انا شفت البوست دة اول مانزل بس مش عارفة ليه مارديتش

سقط سهوا

سوري

hasona يقول...

السلام عليكم

ايه ده يا هندسة

كلمات وتعبيرات جميلة

أميرتي الحسناء أبحث عنك في كل مكان
أحلم بك وأنتقل بك من الحلم الي الواقع
في لوع واشتياق
ولكن ما زلت أبحث عنك حتي بعد لقياك
أعشق صدفة كانتزاع الؤلؤ من الاصداف
سرت اليك حتي صرت كل حياتي

جمال كلماتك ومعانيها
لا يضاهيها كلمات

تحياتي