تخيلت حياتى بدونك لحظات
فتوقف الزمن عند تلك اللحظات
توقفت الارض عن الدوران
انزلقت الشمس والقمر فى القطبان
تشكلت النجوم بحروف اسمك
فصار اسمك لكل البشر لا يقبل النسيان
تخليت حياتى بدونك لحظات
فمحى الدمع معالم وجهى
دموعى الحارقة على غيابك بركان ملتهب
اصبحت مريضا بنفسى
يا نفسى اصبحت مكتئب
اصبحت اجهل من انا ؟
وكيف سكن الحزن بيننا ؟
من انا ؟ لا اعرف من انا !!!
تخيلت حياتى بدونك لحظات
فاشار الموت بيده الى دربى
وجاءت ملائكته بثوبها الابيض
جاءت لتشهد مراسم تشيع قلبى
اخذنى الموت الى جزيزة الموت
وهدم فيها كل الجسور
أمات من حاول المجىء معى
منع الامل من العبور
صرخت وبدات صرخاتى تدوى
فبكت من اجلى الكائنات الساكنة فى الجحور
رايت الامل وهو يغرق
رايت الموت يدمر ويحرق
رايتك بعيدة فلعنت خيالى
كيف له ان يجروء ؟؟؟؟
ما كنت اعرف انى احبك هكذا
الا من غدر خيالى !!!!
فكيف العن خيالى وانتى زاده
انتى والدايه وابناءه واحفاده
إنى احبك
واعتذر لك يا خيالى
+copy88.jpg)
+of+0100.jpg)
58 التعليقات:
اول تعليق
ده بتاعي من المرة اللي فاتت
والمرات القادمة
اوعي يا احمد تكون رجعت في كلامك
هههههههههه
حشوف وارجع تاني
يااااااه والله العظيم مفروض تشكر الخيال
لانك لو متخيلتش مكنتش اعترفت بحبك ليها
اكيد انت حسيت بحبها اكتر عرفت قيمتها في حياتك
تسلم ايدك والله
لو قلتلك رائعة يبقي انا بنتقص من حقها
ماشاء الله تحفة
جميلة اووووي وخايفة اقولك اجمل من الجزء الاولي التاي يزعل
"اصبحت اجهل من انا ؟
وكيف سكن الحزن بيننا ؟"
لانك انت وهي كيان واحد اذا اختفي احد صار التاني غريب في تلك الدنيا
لاونيس له سوي الحزن والالم
"تخيلت حياتى بدونك لحظات
فاشار الموت بيده الى دربى
وجاءت ملائكته بثوبها الابيض
جاءت لتشهد مراسم تشيع قلبى
اخذنى الموت الى جزيزة الموت
وهدم فيها كل الجسور
أمات من حاول المجىء معى
منع الامل من العبور"
اد ايه الجزء ده حزين ويوجع القلب
بس عذرك الوحيد انك بتوصف قلبك لو حبيبتك بعدت عنك
ماشاء الله جميلة اووووي
"فكيف العن خيالى وانتى زاده
انتى والدايه وابناءه واحفاده
إنى احبك
واعتذر لك يا خيالى"
لقد اثرت خيالك بوجودها فما عدت تتخيل فراقها
فصارت كل من لك في الدنيا
بوجودها في قلبك وعقلك وخيالك
لا يكفي الاعتذار للخيال
ولكن عذرك الوحيد
انك لومته من شده حبك
بجد والله جميلة
تسلم ايدك
ربنا يكرمك
سلام
كفاية كده انهاردة
نبقي نكمل الجزء التاني
في يوم تاني
هههههههههه
اكيد حرجع لان البوست جميل ماشاء الله
سلام
لا بقى ده احتلال ايه ده
مليش دعوة هعتبر نفس تانى كومنت غلاسة بقى ههههههههههههههههههه
بجد والله العظيم خيالك فعلا خيال فنان بالرغم من صعوبتها بس ده فعلا الخيال المظبوط اللى يتناسب مف فراق الحبيب
تحياتى
ايمى
بالنسبة للقطط اؤمر بس فى حد فيهم بيشتكى من حاجة ؟
ازيك يا احمد
اما الحق اخد كام تعليق كده
احمد حلوه اوي بجد
فعلا احساسك ماشاء الله عليه
ازيك ياورده وفراشه
الاحتلال ماشاء الله عليه
وحشتوني بجد
امازالت حبيبتك خيال
ومازال املك يغرق ويموت
(إنى احبك
واعتذر لك يا خيالى)
اعجبتنى تلك العبارة فبعد كل هذا الحديث تقول انها خيال
ما اصعب ان اتقول (وجاءت ملائكته بثوبها الابيض
جاءت لتشهد مراسم تشيع قلبى)
لماذا امت قلبك الرقيق وجعلت الملائكه تشيعه
احييه بالامل واجعل خيالك حقيقه
فستأتى حتما حبيبتك تأخذك الى عالم الحقيقة الممزوج بالخيال والحب
جميلة جدا يا احمد
واكيد للحديث بقيه
الله عليك يااحمد ياعبقري
بجد تسلم الايادي واتمني في يوم اني ابقي
مثلك ولكني اتمني لك من كل قلبي المزيد
واتمني اني اشوفك اكبر شاعر
الشاعر العبقري الكبير
من ابنت خالتك المحظوظة بيك
جميلة جدا
يا ترى فى جزء تالت ولا خلاص كده
احب اهني وبارك ونأت كمان للعزيز
الغالي ابن خالتي انا بجد معجبه بكل
حاجة بتكتبها
الكلام فظيع وبجد انا نفسي اشوف
البنت المحظوظه بيك
بجد بجد كلامك رائع وبجد كمان وكمان
وحدة من عندى بجد انافخورة بيك
حلوة كلماتك
وحلو التصور اغلى سجلته فيها
ربنا يكرمك ويسعدك دايما
حلوة قوي يا احمد :):)
بجد جامدة التنين :):)
جامدة اخر 3 او 4 حاجات كده :):):
علي فكرة انا مش ناسي البوست بس واللهي تعبان شوية :(:(
و مش قادر اقعد علي الكمبيوتر اكتب
بس برضه حلوة قوي :):)
الله عليك يا انجليزى ما اجمل الخيال فى حياتنا ما اجمل انا نكون ملك الخيال لاننا نسعد بتلك اللحظات التى نتمناها ان نعيشها
يااااااااااااااه
أول تعليق
مش مصدقةةةةةةةةةةةةةة
طب فين الناس ؟
فين وردة ؟ ووراها فراشة ؟
وايمي بيبي ؟
وديالا ؟
ده حتي بنت خالتك مش موجودة ...
وأنا أول تعليق
والدنيا فاضيةةةةةةةةة
احمد انت خيـــــــــــــــال
والله بجد وانت تعرف انى ما اجامك
شعرك غير
واحساسك غير
وكلماتك غير
احمد انت بجد غير
الله يوفقك
برافو عليك يا أبو ....
القصيدة تحفة...
تخيلت دنيتك بدونها لحظات ...
توقف الزمن
تاهت الشمس
وارتبكت النجوم
وسال الدمع بركان
سكن النفس هما
وتهت أنت ألما
وتساءلت !!!!
وبالموت تشاءمت
وفي جزيرة الموت انعزلت
بلا جسور
بلا أمل للعبور
لمن يحاول الوصول
فلا عبور !!
تخيلت حياتك بدونها للحظات
فصرخت وبكيت
وبكي لأجلك كل شئ
وتوقعت
ان يغرق الأمل
وتبتعد هي عنك
حينئذ .....
استوعب عقللك الموقف
ولعنت هذه الأفكار السوداء
فيا لها من افكار حمقاء
ولكن ....
سرعان ما تذكرت
انها زاد خيالك
فاعتذرت
اروع ما قرأت
ولا تعليقات اخري ... عفواااا
الله الله الله جميل جدا ميقلش جمال وروعه عن البوست اللى فات
تسلم ايدك
حنين
السلام عليكم
ما شاء الله
موضوع رائع كعادتك
خالص تقديرى
السلام عليكم
يا سلام عليك و على كلامك
احساس جميل
اصبحت اجهل من انا ؟
وكيف سكن الحزن بيننا ؟
جميلة قوى الكلمات دى كيف يتوه الانسان فى نفسه الا اذا من احبها كانت نفسه
و الحزن ليه سكن عايش معاك
و تحياتى لك
و دومت مبدعا
جميل يا احمد
السلام عليكم
كلمات راقيه ورائعه
واحساس اروع
تقبل تحياتى
دايما كلامك بيحمل معاني الحب والاخلاص الجميلة
وكويس انك صالحت الخيال
عقبال ما تصالح الأمل كمان
وبعدين ايه حكاية الاحتلال دي
كل مرة اجي الاقى المدونة محتلة كده
ههههههههههههههههههه
طب ربنا يكتر المحتلين كمان وكمان
السلام عليكم
الحياة من غيرها احسن لحظات وخصوصا انها متعرفش غير الكدب والخداع
أنا رجعت وهافش معاكم الحرامية
تقبل مروري
انهارده انا جايه اسلم بس من غير ما اعلق
اصلي بجد مابعرفش اعلق ع كلامك ده ابدا يا احمد :)
حبيبي
حاولت نسيانك
فنسيت نفسي
جربت الإبتعاد عنك
فأضعت طريقي
كيف أنساك
وصدى صوتك يتردد في أذني
كيف أبتعد عنك
وطيفك يلاحقني بل ويطوقني
حرفك يأسرني
كلما حاولت الإبتعاد عنك
زاد ولعي بك
تناسيتك
فإزداد ولهي عليك
أراك في عيني
تسكن فؤادي
ملكت قلبي
وبعد كل ذلك
هل أستطيع ولمجرًد التفكير الإبتعاد
كلا .. إن ذلك مجرد وهم
لقد ملكت جوارحي
تحكمت بعواطفي
سيًرت مشاعري
أوقفت أحاسيسي
لم أعد أرى سوى صورتك
توقف التفكير بِما سواك
صمت أذني فيما عدا صوتك
جف مدادي ولم يعد يكتب إلاً لك وعنك
توقف النطق إلاً بإسمك والبوح لك
عرفت الحب معك
تعلمت العشق منك
تملكني الهيام بك
فهل أنا متيمًة بك
أم مأسورة لك
كلمات جدا قويه
وتعبير عالي وحساس :)
انا زى اى بنت فى الدنيا كلها بدوب من كلمة حلوة تلمسنى و احسها
و افضل فاكراها دايما فى حضنى اضمها
و انت حنين عليا حتى فى لمسة ايديك
لو تطلب عمرى كلة يا حبيبى عليك شوية
جميلة قوى خاطرتك الرومانسية دى
والى مزود رومانسيتها الحب الخيالى دة
الحبيب خيالى وحكاية الحب خيالية والحب خيالى
انا أول ما قريت الخاطرة كنت عاوزة اقول خير اللهم اجعله خير
هههههههههههههههه
ماشاء الله احساسك خيالي ويجننن
باحييك عالابداااااااااع المتواصل
تحياتي
روعة كلماتك بجد
تسلم ايدك
احمدوا
ايه الكلام الجميل ده
على فكرة يا احمد انا عارفه انى مقصرة الايام دى
بس مامتى تعبانه والله وعملت عملية الايام اللى فاتت علشان كده مشغوله حبتين
لك منى كل التحيات
فراشتك الصغونه
جميلة اووووى يا احمد
الللللللللللله تحفه اوووووووووووووى
وميرسي لسؤالك واديني جيت شوية برد وادعي بس انهم يخلثوااا
allah 3la gmal el tswer wltkhel t7fa bgd
احجزلي مكاني اللي قبل الخمسيييييييين
انا جيييييييييييييت خلييييييييييهم يوسعووووووووولي
تأخرت كثيرآ عن إلهام دائما ما يأخذني الى عالم آخر
وكثيرآ ما كان يلمس بداخلي مشاعر واحاسيس مختلفة
اعتذر عن تأخيري
كان رغمآ عني
واشكرك جدا على سؤالك
كنت اتوقعه منك
فدائما ـ وفي لاصدقاء مدونتك الكريمة
تحياتي لك
دمت بكل خير وصحة ونقاء
سارة
ما أقساه ذلك الاحساس الذي يحتويك
حاول ان تتصالح مع نفسك ياصديقي فلقد أبكتني كلماتك
هون عليك ياصديقي ولا تجعل قلبك يموت وانت مازلت تتنفس وقلبك بنبض
كن بخير
لولا انك ادتني الامان وبعدت عني القطط مكنتش رجعت
اهو رجعت ونزلت كمان البوست
علشان بس متاخدش مخالفة
تحيااااتي ليك
يلا بسرعه الحق عيد ميلاد ديالا فى شقاوة اخر حاجه واعز اصحاب
اوعى الحفله تفوتك
اعز اصحاب
الكلام رائع جداااااااااااااا وجميل
والاحساي فيها عالى جدااااااا
تحياتى
زعيم عصابةالكلمات
الكلام المحرم اللي بيتكتب ده مالهوش حل
بس انا ليا سؤال مهم جدا
صاحبة هذا الكلام
ايه رايها فيه
عايزة اعرف
هي بتيجي هنا؟
انا حاسة كده اني اعرفها
وايه ردها علىالكلام ده
ممكن تجاوب ولو ماجوبتش وطناش عليك غرامة 3 بوستات مرة واحدة
السلام عليكم ورحمة الله وبركاته
انا لغيت فكرة العقد,ليه معلقلى عليها بقى؟ههههههههههههههههه
الله عليك تسلم إيدك بجد رائعة فعلا.
ننتظر المزيد عشان تصالحنا زى ما وعدتنا.
خالص تحياتى
نهر الخب
على فكرة نسيت أقول لك ان اللى أخرنى النت كان فاصل
بعيدا عن العقود
ههههههههههههههه
اه
نسييييييييييتتت
تقبل مرورى
بجد ما شاء الله اكثر من رائعه
فاصعب اللحظات تمر علينا ونكاد نتحطم معاهاونشعر وقتها بأننا تائهين داخل انفسنا نود من الزمن ان لا يتوقف عند تلك اللحظه او تاتى الينا لحظه اخرى تسعدنا وتاخذنا معها مع دوامه الحياة
ولكن الحياة كفيله بنا تنسينا ما مر بنا ولا يتبقى منه الا آثار تؤلمنا احيانا والاخرى منها تسعدنا
اخواتى الاحباء
اشكر كل من تواجد هنا بقلبه قبل عقله
واعتذر عن عدم التواجد لظروف خاصة بى
سلام عليكم
الحب حتى لو ضاع منا او تباعد عن طريق حياتنا
فلابد ان نعيش بالذكريات حتى نلتقى فى عالم الحقيقه الذى ليس بعده حنين او فراق
ولكن كلامى ذلك لمن ضاع منه العمر يا ولدى
انما انت العمر امامك
اتمنالك كل الحب اللى فى الدنيا تلاقيه وتعيش فيه (اللهم امين )
إرسال تعليق