BLOGGER TEMPLATES AND TWITTER BACKGROUNDS »

الأربعاء، 8 يوليو، 2009

ليه كده



فى قلبى ليكى كلام كتير مش قادر اقوله
اكمنى شايفك حلم بعيد حرام انى اطوله
حرام انى اصارحك واشاور ع الامل
والامل فى حياتى فارس فقد كل خيوله
الزمن معاند معايا
والخيانة عنده دى اجمل ميوله
سالت نفسى انا ليه كده
ليه كل ما احاول احب ،، اجرح
والفرح فى حياتى مالهوش مطرح
ليه كده
ليه كل ما باضحك الاقى غيرى بيضحك
ووقت دمعى يشوفنى غيرى ويفضل يضحك
ليه كده
ليه قلبى دايما عايش فى الخطر
خايف يقرب خايف يجرب
خايف يكون ورقة شجر
ليه كده
حاسس حبيبتى بصدق حبك
حاسس بكل دقة فى قلبك
حاسس وحاسس وحاسس
واحساسى ده امتى هانوله
امتى هاقف للزمن واقوله كفاية
حرام عليك يا زمن ماتوصلنيش للنهاية
ليه كده
ليه حظى معاك كده يا زمن
ليه احب واوفى واصون
والاقى قلبى من غير تمن
ليه كده
سالت نفسى انا ليه كده
لاقيت فى نفسى
احلامى فى حبك متحددة
احلام كتير متحاصرة ومتهددة
لاقيت فى نفسى
احلامى معاكى فى كل ثانية متجددة
ليه يا زمن
ليه كده

*******

نسالكم الدعاء

هناك من يستحق دعواتكم بجد

94 التعليقات:

فراشة يقول...

اول تعليق
جيت اخبط وادق الباب
ياترى حد حيفتح لى
كل مرة الباب بيكون مفتوح
ندخل على الكلام المفيد

ঔღঔ نـــوارة ঔღঔ يقول...

مش معقوووووووووول

انا تاني تعليق

ولسه الاحتلال باوله

يااااااااي

:))

ঔღঔ نـــوارة ঔღঔ يقول...

ليه كده
ليه حظى معاك كده يا زمن
ليه احب واوفى واصون
والاقى قلبى من غير تمن
ليه كده

:((

ليه كدا :(

كلماتك بتوجع

ربنا يقرب البعيد ويحققلك كل احلامك

دمت بحفظ الرحمن

فراشة يقول...

وليه الحلم بعيد يا احمد

ليه دايما حلمك بعيد
حاول تقربه

ليه خليته حرام
كم انت قاسى على قلبك ونفسك
دع احساسك لعنان السماء لعله يخرجكك لاجمل بقاع الارض
لعله يطير بك الى اجمل جزر الحب

انت اللى معيش قلبك فى خطر
رغم انه كله احساس ورقيق
لماذا تخنقه كلما حاول ان يتنفس

احب اقولك ان كلامك رائع رائع رائع
عجبتنى جدا بجد
بس انا مصرة انك قاسى على نفسك
جعلتها خائنة
ليه بس
الحياة محتاجه تستمر
الحزن جوانا ومش حينتهى بس حاول تعمل زييى وتضعفه وتقوى البسمة
حتى لو تظاهرنا بذلك

اكيد حيكون فى كلام تانى حقوله لان البوست رائع بكل المقاييس

وردة يقول...

ايه ده فراشة هنا وسبقتني

اه منك يازمن

شكلي اتحسدت والله

ولا الزمن حيرجع تاني لورا

ومش اكون اول تعليق

هههههههههه

ماشي يا فراشة

الحساب يجمع

وردة يقول...

طب اخد تعليق كمان

للزمن اللي مش مضمون

محدش عارف بكرة حكون فين

وردة يقول...

هو طبعا مينفعش اني اقول غير احساسك عالي اووووي البوست ده
اي نعم هي حزين شوية بس جميل بردووو
بس ليه حرمت علي قلبك الحلم
مش يمكن هو نفسه يحلم
وزمانك ليه خاين
خليك صاحبه
خليه تحت طوعك
انت عارف انت ليه كده
علشان انت خايف تفرح
خايف احساس الامل يتسرب لقلبك
علشان كده غيرك بيسرق ضحتك من غير ما تشعر
انزع خوف قلبك بأيدك
علشان الجمال اللي ماليه يبان
علشان يبقي غاااالي اوووي
عيش احلامك من غير تردد ولا خوف
اكيد مهما كانت حتكون اجمل من الخوف
بجد والله جميلة اوووي
انت مبدع يا احمد
ماشاء الله عليك
ربنا يوفقك
سلام

فراشة يقول...

احمد بجد كل ما اقراها الاقيها حلوة جدا

بس حسستنى بان قلبك فرحان لكن انت بتضيق عليه وتحاول اسكاته عن هذه الفرحة ومنعه ان يحاول استمرار حياته من جديد

سألت نفسك انت ليه كده
فعلا سؤال فى محله

ازاى خليت الفرح مالهوش فى حياتك مطرح
لازم توسعله كل حياتك
مد ايدك لحبك يمكن يساعدك على الحياة
يمكن جه الوقت اللى تكمل بيه اللى جاى

قد ايه بوستك المرة دى مليان كم احساسات لدرجة انى عايزة اتكلم عن كل كلمة وكل سطر لوحدة

بس فى جمل شدت انتباهى جدا وهى

(اكمنى شايفك حلم بعيد حرام انى اطوله)
( والامل فى حياتى فارس فقد كل خيوله)
(ليه قلبى دايما عايش فى الخطر)
(حاسس حبيبتى بصدق حبك)
(احلامى فى حبك متحددة)
(احلامى معاكى فى كل ثانية متجددة)

قد ايه الجمل دى رائعة رائعة واحساسك فيها عالى
اترك احاسيسك للحياة

مافيناش من احتلال المرة دى

بس سعيدة جدا جدا انى اخيرا فزت باول تعليق واتفتحلى الباب
تحياتى للفارس الامير

احساس طفلة محبة للرومانسية بس واقعية يقول...

مدام فراشة جت تلاقى وراها وردة على طول وانا شكلى مش هعرف الحق اول تعليق تانى

لية الاحلام متحددة
لية صعب تحقيها
ايوة لية ولية اكيد فى سبب
بس برضو هنرجع ونقول هو اية السبب
ولية منقفش قدامة
دا الحب بيعلمنا ازاى نقف قدام كل شئ فى الدنيا وندافع عنه

صعبة وكأنك رجعت للحزن بس فى ملامح الحب البوست على قد الحزن اللى فية على قد ما هو جميل

تقبل مرورى

romansy يقول...

كم نحتاج الى الاحلام يوما لانها تعيد لنا القدره على التفكير وعلى الامل الذى قد نلقاه يوما ما
فما اجمل الاحلام
عندما تصبح حقيقه

romansy يقول...

احساسى دا امتى انوله
هرد عليك يا بو حميد واقولك

كل واحد فينا جواه حلم نفسه يحققه
نفسه مره يكون ملاك طاير فى السما
عايش ملاك ويلاقى ملاك يسعده
الحلم يا احمد فى ايدينا
الحلم دا اللى نملكه
وان شاء الله هنوله
ونحققه

ديالا يقول...

احمد

بجد بجد حلوه اوي

كان نفسي اكون اول تعليق بس لسه راجعه من امتحان محو الاميه حالا

تقبل مروري

adel يقول...

ليه كده
مش كنت عندي الصبح في المدونة
مقلتش ليه في بوست جديد ياعم

بس تمام قوي

و كل واحد ليه وقت بيطول فيها احلامه المهم نصبر و نستني ولا ايه ؟؟

بس اسلوبك حلو في العامية
بجد حلو

adel يقول...

هههههههههه
ولا يهمك ياعم
انا كنت بهزر

و بعدين احنا نول
نزل بوست كل 5 دقايق و ملكش دعوة هنعلق برضه :):)

سندس وأمل يقول...

صحيح ليه كده؟

امل

ديالا يقول...

احمد

انا لسه جايه من الامتحان ونزلت بوست عشان اطمنكوا كلكوا عليا

ودعوتك الجميله ليا ربنا استجابها

بجد ربنا يخليك دايما ليا اخ كريم علي طول

بجد تسلملي يااحمد

تقبل مروي

عاشقة الأحزان يقول...

السلام عليكم

احمد اخبارك ايه يارب تكون بخير طبعآ كعادتك مبدع

هى كده الدنيا يا احمد مش بتدى لينا اللى عاوزينه دايمآ نحب ونصون وناخد خداع وقهر ودموعنا هى الونيس الوحيد

أهديك كلمات اغنيه بحس بجد انى بعيش معاها كل ما بسمعها وبتعبر عن حالتى

كلمات اغنيه ليه حظي كده
ليه ليه ليه ليه ليه ليه

ليييييييييييه حظى معاكى يادنيا كده ليه
ليه ليه ليه ليه ليه ليه
لييييييييييييييه اتوه وياكى يادنيا كده
ليه ليه ليه ليه ليه ليه
لييييييييه فى الاحزان تفتكرينى وفى عز الفرحه بتنسيني
ارسملك ضحكه تبكينى وتخلينى مش عارف غير اليأس طريق
ولا شايف غير الحزن صديق
ولا قادر اهرب من ده وده
ليه حظى معاكى يادنيا كده
ليه ليه ليه ليه ليه ليه
ليييييييييه حظى معاكى يادنيا كده

انا مين مش عارف ابقى انا مين..انا مين
انا جرح ويأس وقلب حزين انا مين..انا مين
مش عارف ابكى على امبارح والا على سنين عمرى الجايين
انا مين..انا مين
ليه سقيتى الحب يادنيا عذاب
ليه ابنى امل والاقيه كداب
ليه كلمة ليه مش لاقية جواب
ما تردى يادنيا بأى ندا
ليه ليه ليه ليه ليه ليه
ليييييييييه فى الاحزان تفتكرينى وفى عز الفرحه بتنسينى
وارسملك ضحكة تبكينى وتخلينى مش عارف غير الياس طريق
ولا شايف غير الحزن صديق
ولا قادر اهرب من ده وده
ليه حظى معاكى يادنيا كده
ليه ليه ليه ليه ليه ليه
ليييييييييه حظى معاكى يادنيا كده

ليييييييييه جينا يادنيا ليه اه ليه
وفين رايحين مادام انتى بتقسى على العاشقين
خليكى يادنيا دموع فى دموع
هو انتى يادنيا ضحكتى لمين
وانا حظى كده مكتوبلى اعيش الناس والدنيا مترحمنيش
وانده عالحب مايسمعنيش ولا حتى لصوتى يسمعلى صدى
ليه ليه ليه ليه ليه ليه
ليييييييييييييه فى الاحزان تفتكيرنى وفى عز الفرحة بتنسينى
وارسملك ضحة تبكينى وتخلينى مش عارف غير اليأس طريق
ولا شايف غير الحزن صديق
ولا قادر اهرب من ده وده
ليه حظى معاكى يادنيا كده
ليه ليه ليه ليه ليه ليه
لييييييييه حظى معاكى يادنيا كده

تحياتى

عاشقة الأحزان يقول...

كل يوم الآم وجراح
مش عارف يا قلبي في يوم ترتاح

كل حياتك كفاح في كفاح
ومن كتر الهم مش عارف أَحِقق أي نجاح

وعيوني مش عارفة تنام من كتر النواح
وعقلي من كتر التفكير صار عاجز عن التدبير

ليه يا دنيا حظي معاكِ كده
وكأنه بيني وبينك أكبرعدا

خلاص أنا أ تحطِمت وصرت عاجز مشلول
مغلول مش عارف ألاقي لنفسي أي حلول

وأصبحت أنا مش أنا ولا عارف أذوق طعم الهنا
دنيا عجيبة دنيا غريبة ودتني في تغريبة

ومعدش ليَ لاحبيب ولا حتي حبيبة





أيها الأحباب أعذروني فأنتم من يخفف عني كل همومي
أرجوكم لا تلوموني بل أفهموني ولكم عيوني

عاشقة الأحزان يقول...

هكذا هو بستان الحب ..

لا ينبغي ان نتعجل زراعة مشاعرنا فيه لنضمن لها البقاء والخلود ..

ومالحب اولا واخيرا الا مشاعر نبعثها وسنتقبلها ..

وما بستان الحب الا ساحة نجني فيها

ما زرعناه ونحصد ذلك الحصاد الذي لابد

ان لا نتعجب من نتاجه فهو حصاد ايدينا..


سأودعك بقلب لن ينساك وروح تنتظرك وبقلب يدق لك
ولكن سأحفر لأجلك ولك كلمه واحده احبك
اقترب سأهمس لك بشي لاترحل انا اعشقك


كتب القلم فابدع وعشق القلب فصدق
حروف من ورد نسائمها تنعش الفؤاد

رزقك الله قلبا طاهرا يستمد

انفاسه من عطر روحك النقية

تقبلى مرورى



سلمت وسلمت يمناك ياقمر



انوســـــــــــــــــــــــــــــــــه

اللؤلؤة يقول...

صديقى العزيز
السلام عليكم
أشكر لك مرورك ودوام تواصلك الذى أعتز به
وما شاء الله يا صديقى شعر فى قمة الرومانسية بالفعل أنت مبدع
تقبل مرورى وإحترامى

اللؤلؤة يقول...

صديقى أحمد
السلام عليكم
قمة الإبداع فى حروفك
ليه كل ما احاول احب ،، اجرح
والفرح فى حياتى مالهوش مطرح
تقبل مرورى

الفراشة الصغيرة يقول...

اخص اخص يا فراشة


تخدى المركز الاول

ومتشركيش صديقه الفراشة الصغيرة

بقى هو ده طبع الفراشات

الفراشة الصغيرة يقول...

احمد مش دايما

الدنيا وحشه كده

اكيد فيها ايام حلوه

واكيد بنقابل فى حياتنا حاجات كتيرة جميله

بس مش بنحس بيها غير لا تبعد عننا

الفراغ يقول...

احمد
كلامك طبعا معروف جماله ورقته

سمعت انهم بيقولوا لو احمد رامى تزوج ام كلثوم عمره ماكان ابدع فى كلام اغانيه
وانت فعلا مبدع مظلوم
ربنا معاك

كيــــــــــــارا يقول...

اممممممممم هو كاحساس حلو لكن انا بقي بتكلم في اللي ورا دا

ربنا يستر

mohamed ghalia يقول...

جميلة كلماتك
اسأل الله العظيم أن يفرج هم كل مكروب

yoyo يقول...

صباحك سكر
ليه كده بقى البوست دا ينزل من ورايا ؟!
ماشى يا منطقة
ههههه

yoyo يقول...

احمد
اطلع على السطوح بقى
و سيبك من البدروم
هههههههه

yoyo يقول...

طبعا عشان خاطر طيبة قلبى
التعليق دا للناس اللى هتجى متاخرة
ياسلام عليكى يا بت يا يويو

yoyo يقول...

ودا بقى عشان اقولك
انسى يا عمرو
ههههههههه
قال ابن لادن قال
انا برده لها
صبح صبح يا عم الحاج

yoyo يقول...

تعمل تحالف ولا تعمل حتى حرب
بعون الله اكسبها برده
لا تناقش ولا تجادل يا اخى على
هههههههه

yoyo يقول...

التعليق دا بقى قبل ما الواحد يغيب شوية و يفتقد الاحتلال التام او الموت الزؤم
ههههههههههه
وسعد سعد يحيا سعد

yoyo يقول...

يالا هاسافر انا وارجع بكل قوة
طبعا و اكيد هتفتقدنى انا عارفة
مش تزعل مش تزعل
ههههههه

yoyo يقول...

طيب اروح اقرا بقى و اشوف ايه الحكاية

yoyo يقول...

ليه كده حبيبى هتعيش مجروح
خايف تحب ورافض حتى تبوح
هو الحب حبيبى حرام ؟!
ولا عليا انكتب الجرح
قولى ايه اخرتها
هو احنا هنفضل كدا على طول فى جرح

yoyo يقول...

ليه كده القلب فى الخطر عايش
خايف يعيش النبض
ليموت من نبض الحب
خايف ليوم تانى ينجرح
خايف من تانى بنار الحب ينقتل

yoyo يقول...

ليه كده
حاسة انك حاسس بمشاعرى و نارى
و بقيت خلاص مش عارف تدارى
كسر يا حبيبى الخوف دا من جواك
قرب و تعال بايدينا نمحى الخوف
ونعيد من التانى الامل
قبل ما يفوت الاوان و نرجع نقول ياريت اللى جرى ما كان
ليه كده نقول آه منك يا زمن
واحنا بايدينا نغير الزمن

yoyo يقول...

رغم ان الكلمات و جعت قلبى اوى يا احمد الا انها بتعبر عن واقع مؤلم احيانا بيعيشه الانسان
بس اعتقد اننا بديدينا نغير الزمن
لاننا ببساطة احنا اللى بنخلق الظروف دى
يعنى اكيد هنقدر فى يوم نتغلب عليها
بس المهم اننا مش نستسلم لها

yoyo يقول...

مهما كان الحلم بعيد او حتى صعب
مش تستسلم لخوفك و الفشل
حاول تقرب وجرب
لان فى يوم اكيد هتقدر
وتعيش فى اجمل حلم و احلى غرام

ربنا يسعدك و يسعد قلبك يارب
وتحقق كل احلامك وآمالك يا احمد

yoyo يقول...

هو مش فى حد هنا تانى غيرى ولا ايه ؟!
ياسلام الواحد عمال يلعب براحته
هههههه
على السلم شوية
و فى البدروم شوية
وعلى السطوح
واحلى مراجيح سبتية
هههههههه

المعلم محمد صاحب المطعم - طعمية سخنة يقول...

ليه الحلم حرام ؟

طبعا الاحساس اكثر من رائع

بس متحطش قيود بدون اسباب حقيقية

عمادخلاف يقول...

السلام عليكم ورحمة الله وبركاته
على فكرة انا مش قصدى على الكلام اللى فى المدونة الكلام رائع ومعبر والوصف ملئ باالعبارات الجيدة التى تؤكد أننا أمام موهبة انا قصدى ياناس على
على فكرة الكلام ده مش كلامى الكلام ده منقول من قلب انسان
على الجملة دى الموجودة عند كتابة الرسالة
وصلت يااستاذ احمد انا مش قصدى على الكلام اللى داخل المدونة انا قصدى هنا مكان كتابة الرسائل اوكية
تحياتى ليك بجد مش عارف اقول اية على الفهم الخاطئ

بدراوى يقول...

كلام جميل
اووووى

gogo!sf يقول...

صباح الخير يا احمد

اخبارك ايه يارب تكون بخير

كلماتك جميله بس فيها يأس

الامل موجود

صديقى لا تأسى على قلبك او الحب

جوجو

shajaratdr يقول...

الهــــــامي

آسرني نصك هذا
أحسسته بعمق
كأنك خاطبت شيئا بداخلي

جميلة جدا لوحتك الرقيقة هذه

وحزنها اروع ما فيها، لحظات الم كسر كل

اطواق الاحتمال

وتفجر شلالا هادرا من الكلمات الرقيقة

المعبرة باروع تعبير

عما يجول ببال من عاش ظروفا مشابهة..


دمت مبدعا ومميزا

لك صادق ودي والامنيات

ساره يقول...

ليه كده يا احمد
كل مره ازورك اطلع من عندك مبهوره :)

بوست جنان
واسلوب خيال
رغم مافيها من الم وعذاب
الا انها من اجمل الكلمات


رائع يا احمد

لاسع افندى يقول...

والامل فى حياتى فارس فقد كل خيوله


بس الفارس مش بيغلب هيدور على اى حاجه توصله لامله


تحياتى

نهر الحب يقول...

السلام عليكم ورحمة الله
أولا:اذا كان حلمك حرام أن تطوله فلا فائدة من حلمه.
ثانيا: كل منا يحلم ويحاول ان يحقق حلمه لحقيقة ملموسة ومحسسوة,فلا تيأس من الامل لانه مقترن بالحلم كى يتححقان لابد من الصبر.
ثالثا: ربنا يارب يعطيك ما تتمنى.
رابعا: تقبل مرورى.

جارة القمر يقول...

احجز لنفسي المقعد الخمسين

جارة القمر يقول...

لك احساس راقي جدا

كلما أقرأ كلماتك

أشعر بأنك تكتبني فكل كلماتك أشعر بصدق معانيها

لربما لأنها تتحدث عن كل شخص فينا

رائع أنت ياصديقي

دع قلبك يأخذك الى عالم الفرح لا تضع عراقيل ودع الحياة تسير ولتأخذك الى اي مكان المهم ان تكون بخير دائما

مودتي

مصعب صلاح يقول...

السلام عليكم

أقولك السبب

لأن حضرتك نفسك تفرح وانت جواك حزن دفين

تقبل مروري

mohamed ghalia يقول...

ولا يهمك ياصاحبى
إحنا أخوات
ربنا يسعدك دايما
جيت أرد هنا محبتش أرد عندى
وشكرااااااا لماما عشان فكرتك بيا

yoyo يقول...

صباحك سكر يا حتة السكر

انا قولت اجى اسلم عليك
قبل مااسافر
واقولك بجد هافتقد كلامتك و احتلالى لمدونتك
بس مش تفرح اوى مش هاغيب يعنى
هارجع تانى الاربعاء وبكل قوة
ههههههه
وعلى مارجع بجد هافتقد وجودى هنا

yoyo يقول...

اه صحيح
انا سعيدة جدا باحتلالك الادبى
الاكثر من رائع
دمت صاحب قلما بالاحساس ينبض
وصاحب اروع احتلال ادبى بتميز

اشوفك على الف خير
تحياتى
يويو

yoyo يقول...

بصراحة بقى يا بنى
مش قادرة امنع نفقسى انى احتلك شوية
اهىء اهىء اهىء اهى ء
انا بقيت مدمنة
استر عليا يستر عليك ربنا
هههههههههههههه

yoyo يقول...

و بعدين اهى فرصة احاةول اعوض بيها الفترة اللى مش هاقدر احتلك فيها
الى احمد القاطن ببدروم المدونة
سلم نفسك يا احمد
سلم نفسك يا سعيد يا مهران
هههههه قصدى يا احمد

yoyo يقول...

ليه كده قلبى لك بيروح
وعقلى فيك بيفكر
هو حبيبى حبك دا سحر
عشقك دا غير العشق
قولى حبيبى ليه كده

yoyo يقول...

ليه كده
اقرب من قلبك وانت تخاف
اهرب منك ترجع تانى تقرب
هو الحب حبييبى خوف
دا حبك هو الامان
هو الدفء من بعد الحرمان

yoyo يقول...

ليه كده
احلامى فى حبك كتيرة
وثقتى فيك كبيرة
مش تخلى الخوف يهزمك
خلى الفرح هو طريقك
خلى الحب هو رفيقك
صلح زمن احنا عملنه
رجع امل كنا فى يوم نسيناه

ايوشة يقول...

السلام عليكم يااحمد اخبارك ايه معلش مش هعلق على البوست لان كالعادة انت مبدع فى اشعارك بس انا قولت اسجل حضور فى مدونتك بعد الغياب اللى كنت فيه :)

yoyo يقول...

و الله بجد هافتقد الاحتلال دا
سواء احتلال ادبى او حتى مراجيحى يعنى
وصيتك المراجيح ههههههه قصدى المدونة
يالا كانت احتلالة بسيطة كدا وانتهى
اقول سلام بقى
يويو

عاشقة الأحزان يقول...

احمد

مش هقولك تانى

انت ليه اتغيرت من نحيتى

حتى مش حابب تعلق عندى

عامة
انا اسفه لان دى حريه شخصيه

يعنى هى جت عليك انت
ربنا يوفقك
سلام

7annen يقول...

ايه الاحساس العالى اوى اوى اوى دا

بجد جمييييييييييييييييييييييييل اوى البوست دا

تسلم ايدك

حنين

المعلم محمد صاحب المطعم - طعمية سخنة يقول...

احمد موضوع الربح حقيقي

شرفتني زيارتك

RADWA يقول...

أول مرة اعدي هنا وملاقيش حاجة اقولها ..!!!

بس برده ميمنعش اني ارمي السلام :)

فراشة يقول...

احمد عندى ليك سؤال يحمل العتاب بعض الشىء

لماذا لم تعد تجيب على الردود
ارجو الا يكون سؤالى تطفلا
وان كنت لا ترغب فهذه بالطبع حرية

تحياتى
اشعر برغبة فى سحب سؤالى

عاشقه الرومانسيه يقول...

الخوف بيقتل الحب
شيل من قلبك الخوف
وحب الدنيا علشان تحبك
دى نصيحه باخلاص
واسئل مجرب
(;

واحد يعرفك يقول...

انا نزلت بوست جديد محتاج رأيك

mimi يقول...

بسم الله الرحمن الرحيم

استعنا علي الاحتلال بالله

mimi يقول...

وده التعليق رقم 70

mimi يقول...

مش قادرة اقوللك وحشتني أد ايه

ومش مكسوفة خالص من اي حد يقري تعليقي

mimi يقول...

القصيدة دي حلوة ... سواء حزينة أو مش فيها أمل ... المهم انك بتطلع فيها كل اللي أنت عاوز تكتبه

mimi يقول...

طبعا أنا رشيت مخدر لكل حراس المدونة علشان محدش يحس باللي بعمله هنا ...

انا نفسي افضل هنا علي طول

mimi يقول...

باين ان فيه حاجات كتير حصلت وانا مش موجودة ايه حكايتك مع أنوس عاشقة الأفراح
؟؟

اوعي تكون مزعلها ...

انت حر

mimi يقول...

انا فرحت أوي بكلمة " ميمي حمد الله علي السلامة أوي" ييييييييييييي

mimi يقول...

وحشتني ووحشتني المدونة بتاعتك من هنا لرومانيا رايح جاي تسعين ألف مرة

mimi يقول...

أنا هلف لفة علي الأصحاب وأرجعلك تاني يا بو حميد

قيس بن الملووووح يقول...

المعاني بين الكلمات رائعه

الازهرى يقول...

أنا نفسى أفهم ليه الكل خايف

يا جماعة الحب قوة مش ضعف صدقونى
بالحب قدر نهزم كل العالم ونحقق أحلامنا

كفايانا خوف

engy يقول...

كلمات رائعه بجد
ماشاء الله عليك
الامل فارس فقد كل خيوله
بجد ماشاء الله

kimo يقول...

الاحلام هي الحياه
ومن لا يحلم
فهو من الاموات
احلم
واعمل اللي انت عايزه
وتبقي بجد مشكله لو معرفناش نحلم
موضوع رائع

مدحت محمد يقول...

كلماتك تنفع اغنية حزينة

طوبة ذهب وطوبة فضة يقول...

جميل الكلام واجمل صدق الاحساس ربنا مع كل اللى محتاج ويعين كل من يحتاج لاعانه وفى النهايه كلنا بحاجه للدعاء فليس لنا رب سواه

قلب ارهقته الاحلام يقول...

متشكرة اوي يا أحمد علي اهتمامك ونشر اللينك

إنت فعلا ونعم الاخ والله ربنا يارب يديم العلاقة الطيبة بيننا جميعا

وربنا يجزاك خير الجزاء إن شاء الله

هي الحمد لله بخير دلوقتي ونتيجة التحليل النهاردة بالليل

أدعيلها إن شاء الله يكون خيررر

دمتم جميعا بألف خيرر يارب

نادية يقول...

ازيك يا احمد

عامل ايه

ايه الاحتلال اللى عندك ده كله

احنا فى الخدمة لو محتاجنى انا ممكن

اهجم على كل الناس دى بردة

هو احنا شوية ولا ايه

العراف يقول...

معلش بقى انا دايما فى تعليقاتى بجى متاخر ايه ياعم الجمااااااال دى كلمات جميله قوى واحساس عالى بجد عجبانى قوى تحياتى يا جميل

Soul.o0o.Whisper يقول...

السلام عليكم و رحمة الله و بركاته

أخى الكريم / أحمد ..

الأحزان و الافراح فى حياتنا صحيح مش بنتحكم فى حدوثها

لكن نقدر نتحكم فى الحيز اللى بنعطيها من حياتنا

دايما بنحس ان حياتنا كلها احزان لاننا بنعيشها كل لحظة و بنسيب نفسنا فريسة لها

فى حين ان لما حد يقولنا ربنا مش بيظلم حد و كل واحد واخد حقه
نقوله صح مظبوط .. هو احنا عندنا شك فى كدا؟؟

لو فعلا ماعندناش شك هنبص للنص المليان
مش النص الفاضى

ربنا يرزقك بئا عشان نخلص من موجة اليأس دى :)

دمت فى رعاية الله

وردة يقول...

ايه يا استاذ احمد
رحت فين مش باين ياعني
اوعي تكون بتخطط لاحتلال حد من ورايا
ولا تكون بتصيف وسيبنا هنا في الحر
يارب نسمع عنك كل خير دايما
سلام

mimi يقول...

عندي ليك مفاجأة
http://a7walnaaa.blogspot.com/

ليس فقيرا من يحب يقول...

السلام عليكم

الامل فى حياتى فارس فقد كل خيوله الخيول راحت ماشى بس الفارس موجود
جميله بجد ربنا يحققلك كل احلامك

تحياتى لحضرتك

معتز شاهين - باحث تربوي يقول...

الله ينور

كلام رائع ومن القلب

ويبقى التواصل

gogo!sf يقول...

هاى يا احمد

طيب انت قافل التعليقات هنقول رأينا ازاى ..... على العموم فكرة جميله جدا واحييكم عليها وانا فى انتظار اول مناسبه ويارب تكون تخصك واسمع كده انك خلاص هتتأهل عشان افرح فيك قصدى بيك

فكرة حلوة بجد فى انتظار اجمل المناسبات

جوجو

جارة القمر يقول...

الحزن رفيق يلازمنا

يأبى أن يفارقنا

وكانه خلق ليوازي خطواتنا

ويكون ضيفنا الأبدي

الكل يضحك ويفرح وفي نفس الوقت يبكي ويحزن


ولكن الحزن هنا له طعم مختلف

كن دائما مبتسما

ولا تسأل

لماذا

فالاجابة عندك


مودتي

جارة القمر يقول...

ايه سر الغياب دة

يارب تكون بخيييييييييييييير

قلقتنا عليك

حاول تطمني بأي طريقه