BLOGGER TEMPLATES AND TWITTER BACKGROUNDS »

الجمعة، 14 أغسطس، 2009

مــتغيرة

بسم الله الرحمن الرحيم
حقيقى اللى يفكر يبعد عن هنا يبقى مجنون بس انا والله غايب غصب عنى
وربنا يسهل وارجع بسرعة لانكم كلكم وحشتونى اوى
وكل سنة وانتم طيبين


سألتك انتي ليه من ناحيتي متغيره ؟!!
إحساسي عمره ما كدب عليا
إحساسي دايما حقيقة واضحه قصاد عنيا
إحساسي قالي إن انتي فعلا متغيره
هو انتي نفس البنت اللي حبتها زمان
هوا انتي نفس القلب اللي حسسني بالامان
ولا انتي صوره من كل دُول متكرره
قولتلي في يوم مش عايزه اخسرك
مش عايزه غير كلمة حلوه بيا تفكرك
هتقابل كتير ومش هتلاقي
قلب زي قلبي يـقـدرك
طب انتي ليه متغيره
عارفة الشوق اللي كان جوايا
كان حالف لـــ يخدك علي جناح الهوا
ويطير بيكي فوق السحاب
يحكيلك عني وعن قلبي اللي داب
عن عيني اللي بـَعدك نورها غاب
عارفه لما شوفتك حسيت بأيه
حسيت بغربه وشوق
حسيت بقلب طاير لفوق
حسيت بمشاعرك متحيرة
عارفه ليه
عشان انتي فعلا متغيره

52 التعليقات:

اسماء واحلام فى وجدانى يقول...

اول تعليق


محجوز لايمو فورم وادينى باحذركم منه


وكمان للناس اللى دايما بتيجىء متاخرة

وكمان لفراشة بس هى تيجىء

ماء تشرين يقول...

انا تانى تعليق

ماء تشرين يقول...

لا لا وكان ممكن اكون اول تغليق كمان
لا مش مصدقه

ماء تشرين يقول...

لا بص يااحمد الغايب ملوش نايب

ماء تشرين يقول...

ولا اقولك حرام ماشي بقه انا موافقه بتانى تعليق

ماء تشرين يقول...

بس انا مبسوطه لدرجه انى خايفه اروح اقرا القى القطط جت كلهم

ماء تشرين يقول...

بس هروح اقرا بقه عيب كده

ماء تشرين يقول...

الانسان في حجات كتير اوى بتشغل بالو وفي فترات ممكن يكون حابب يكون لوحده يمكن ده سبب التغير بس البيحب بجد بيفضل يحب

ماء تشرين يقول...

بس اي ده مفيش حد النهارده كده ليه هى الناس فين

ماء تشرين يقول...

بس سيبك ياابو حميد الاحتلال عندك شكل تانى


تقبل احتلالى الشريكه المبسوطه جدا انها احتلتك

ماء تشرين

ماء تشرين يقول...

تعليق كمان وامشي اصلى بحب رقم 11

مين قدى النهارده

ياله

كل سنه وانت طيب يارب دايما

ليس فقيرا من يحب يقول...

سلام عليكم

هييييييييييييييييييييييييييييييه

تانى تعليق

ليس فقيرا من يحب يقول...

ازيك يا احمد

فينك ياعم قلقتنا عليكم

كل سنه وانت طيب
ترجع بالف سلامه يارب

ليس فقيرا من يحب يقول...

ايه الكلمات الروعه دى

بجد كلماتك جميه جدا جدا

جدا

تسلم ايديك

ليس فقيرا من يحب يقول...

اسيبكم انا بئه

ترجع بالف سلامه يارب

ليس فقيرا من يحب يقول...

بس فين القطط

المدونه هاديه كده ليه

Pink Dreams يقول...

احب احييك على الكلمات الجميله دى

وهو دا حال الناس كلها كلهم بيتغيروا على بعض حتى اللى بيحبوا بعض

(مش كلهم طبعا)

وكل سنه وانت طيب يا جميل

ومتغبش عننا كتير

كيــــــــــــارا يقول...

الله يااحمد

بجد جامده لكن الغياب له علاقه بالخاطره دي ؟؟

جنــــــــــة الله يقول...

رااااااااااااااااااائع
بجد بجد تسلم ايديك
ما شاء الله هايل
ببقى سعيدة جدا بزيارة مدونة حضرتك
بجد تسلم ايديك

mimi يقول...

ترجع بألف سلامة تاني لمدونتك

القصيدة جميلة جدا ومعبره عن حالة فريدة

ياريت لما تعرف ايه اللي غيرها تقوللنا

mimi يقول...

حلوة يا أحمد جميلة القصيدة

انت ليه نسيت تحجز لميمي ؟

mimi يقول...

انا بحجز للرعد الزئبقي

mimi يقول...

هحجز لفكرة ...اوعي تنساها أبداااااا

7annen يقول...

عمنا احمد الكبير كبير ياعم

احنا بعد كدا نقولك يابروفيسور

ايه يابنى الجمال دا كله

والله والله والله مش مجامله

انت فعلا رائع الكلمات من كتر ماهى بسيطه تحس كدا انك بتقولها على لسانك

كان احساسها نابع من جواك

بجد تسلم ايدك

حنين

adel يقول...

احجز لعادل يابني
مش كفاية شفتنيب ولا ايه :)
ههههههههه

بجد عاجبني الكلمت قوي
استمر يابو حميد
وعقبال ما نحضر حفلة توقيعك بس ليا نسخة مجانية :):)

بجد عاجبتني لاني ساعات بعاني من تلك المعضلة حتي مع نفسي مش مع اي واحدة

أعـــ * أصحاب * ـــز يقول...

كل سنه وانتو طيبين

مدونه شقاوة اخر حاجه

تدعوكم لزياره مدونه طيور الجنه بمناسبه شهر رمضان المبارك

ستجد رابط المدونه فى مدونه شقاوة اخر حاجه

هيا بنا لنساعد على نشر الاسلام وطاعه الله

وكل سنه وانتو طيبين

اعز اصحاب

adel يقول...

http://ro7albmama.blogspot.com/

لينك مدونة ماما فاتيما و بعتلها لينك مدونتك برضه

معلش علي الزهايمر

احمد بدر الدين يقول...

توفى اليوم والد اخى وحبيبى المدون الرقيق الاخ مصعب صلاح تغمدة الله برحمتة واسكنة فسيح جناتة
ادعو له بالرحمة والمغفرة
هذا عنوان مدونة الاخ مصعب
http://wa7y.blogspot.com/

hasona يقول...

السلام عليكم

يا رب تكون بخير يا أحمد
وتعود كما كنت وأفضل
وربنا يسهل لك الامور وييسر لك كل عسير

دعواتك وابقي طمنا عليك

وكل سنة وانت طيب وبكل خير

،،،،،
أما كلماتك
رائعة
عندما تتغير الظروف
ويتغير تبعا لها الحب اللي في القلوب
ويتغير المحبوب
ويصر أنه لم ولن يتغير
ولا يشعر به الا قلب حبيبه

ساره يقول...

احمــــــــــــــــــــد

الحمدلله على السلامه
هي متغيره من الجفا اكيد :)
يارب تكون بخير

الفراغ يقول...

انا بستمتع بالقرأه وبس
وفعلا اتمنى لو فى يوم لقيت فى ايدى ديوان شعر باسم الهامى

انت يا احمد فعلا مافيش زيك

حلـم،، يقول...

ادعوكي ياسيدتي تكوني متغيرة ع طول



حتى يطول هذا الالهام عند شاعرنا المرهف



ويطول امتاعنا


كل عام وانت طيب

غير معرف يقول...

غيب براحتك بس طمنا انك كويس
واوعى تفكر تغيب عنا باحساسك ده

فراشة يقول...

انا جيت اهو يا احمد
مش عارفه اشكرك ازاى
ربنا يخليك فاكرنا دايما بالخير

بصراحه بجد يعنى انت متأكد انها متغيرة
هى بعد الكلام الجميل ده ممكن تكون متغيرة

على العموم لو كانت متغيرة
فبعد الكلام ده حتتغير كمان مرة وحترجع احلى واحلى
وساعتها مش حتحس بغربة ولا بشوق
لأنها حتكون معاك تبعد الغربة وتبعد الفراق

(عارفة الشوق اللي كان جوايا
كان حالف لـــ يخدك علي جناح الهوا
ويطير بيكي فوق السحاب
يحكيلك عني وعن قلبي اللي داب)

طبعا لازم يكون فى جملة او جزء معين بتكون فيه رائع
والجزء ده المرة دى اكثر من رائع

اكيد اكيد بعد الكلام ده حتلاقيها فوق السحاب مستنياك

تحياتى لك يا احمد
بجد احسن حاجه بتعملها انك مهما غيبت بتمتعنا بكلماتك الرقيقة

فراشة يقول...

حبيت اقولك انى نويت اتجنن زى ما بتقول فى اول سطر وحبعد شويه
عشان كده جيت اسلم عليك

واقولك كل سنه وانت طيب وبالف خير

ورمضان كريم

وردة يقول...

اولا
وثانيا
وثالثا
ولغاية ما تعرف تعد
حمد الله علي سلامتك
ومنور بجد
وكل الناس بتسأل عليك
يارب دايما تطمنا عليك

وردة يقول...
أزال المؤلف هذا التعليق.
وردة يقول...

طبعا
كل سنة وانت طيب
ويارب في احسن حال
بس مش حعتبر ديه معادية رمضان
انا طالما اتطمنت انك بخير
يبقي لازم وحتما ولابد
تجيب لي فانوس بمناسبة انك منورنا
ومتحولش تهرب
وكمان تدخل ان شاء الله تعيد عليا في مدونتي
يبقي كده اتطمنا ان الاستاذ احمد بقي بألف خير

وردة يقول...
أزال المؤلف هذا التعليق.
وردة يقول...

متغيرة
يمكن عاوزة تحس بغلاوتها زيادة
او يمكن انت من كتر حبك محتاج تحس منها حبك اكبر
اكيد هي هي نفس البنت
وطالما انت حاسس كل الحب ده اكيد هي كمان بتحبك

"عارفة الشوق اللي كان جوايا
كان حالف لـــ يخدك علي جناح الهوا
ويطير بيكي فوق السحاب"

جميلة اوووي الجملة ديه
بجد احساسك مرهف جد
وساعات كده بتكب حاجات مينفعش معاها تعليقات
ماشاء الله عليك
ربنا يوفقك ويكرمك
وترجع لينا بألف سلامة
كل سنة وانت الي الله اقرب
رمضان كريم
سلام

طيـــ الجنه ــــور يقول...

عاوز تعرف دينك اكتر

وكمان ازاى تكسب ثواب وحسنات فى نفس الوقت

تعالوا زروروا مدونه طــ الجنه ـــور

اللى هدفها زياده الثقافه الدينيه وكمان خدمه الاسلام

عاوزين تعرفوا ازاى تخدموا اسلامكم انتوا كمان وتكسبوا ثواب

تعالوا وهتشوفوا بنفسكوا

طوبة ذهب وطوبة فضة يقول...

كل سنه وانت بالف خوصحه وسعاده وترجع يارب بالف سلامه وجميل اوى احساسك اللى عمره ما كدب عليك ربنا يخليهولك

حياتى نغم يقول...

السلام عليكم / معك عذرك بتحصل معانا وربنا يرجعك بالسلامه .
عندى تعليق على كلمتين أرجو من شاعرنا استبدالهم .. متعكره ومتسمره .
لأن ليس لهم وجود فى اللغة وكمان ليس فيهم جمال لغوى وأعتقد أن شاعرنا يستطيع إيجاد الأجمل .

بدراوى يقول...

احمد
كلمات جميلة
و رقيقة

بقولك
فيه بوست انا نزلته
اسمه الفراشة و المصباح
بوست بعيد عن السياسة خالص
يهمنى تعليقك عليه

ضحكات الحياة يقول...

السلام عليكم

أخبارك ايه يا مان ؟
فينك من زمان محدش بيشوفك

ايه يا عم الكلام الحلو ده
فعلا هيبقى يا بختها اللى تقع مع الشاعر بتاعنا

بس هي فعلا متغيرة
من الهموم و المتاعب متغيرة
من السهر مع النجوم متغيرة
من خيانة و غدر متغيرة

تحياتى لك
و دومت مبدعا دائما يا باشا و أحلى بشبوش ده دلع باشا ههههههه

ঔღঔ نـــوارة ঔღঔ يقول...

هييييييييييه

انا اول تعلييييييق

وبالامارة احمد حجزلي

ما اهو من ضمن الناس المتاخرة :]

ঔღঔ نـــوارة ঔღঔ يقول...

اززززززيك يااحمد

يارب تكون بالف خير

بقيت بتختفي جامد

ربنا معاك ويعينك على مشاغلك

:)

ঔღঔ نـــوارة ঔღঔ يقول...

انا فعلا متغيرة هالفترة

ومشاعيري متضاربة :(

لتكون بتقصدني ولا حاجة :]

(وش مطلع لسانه )

البنات على فكرة اوقات كتيرة بتمر بتغيرات ومشاعرهم بتبقى متقلبة يا من الاشتياق او من الخوف من الفراق وغيره وغيره

اصبر عليها ياعم فترة وتعدي ^ـ*

كلماتك جاامدة جدااااا

كووووول سنة وانت طيب

دمت بحفظ الرحمن

3mr wa2el يقول...

حلو اوى اوى واى و لو اتغنت من ا تى ام تبقى جامدة جدا تسلم ايدك لما حطيتيها هنا

smilyrose يقول...

ازيك يا احمد اخبارك

اكيد فيه سبب

ولازم يتعرف

الكلام تحفه

حياتى نغم يقول...

السلام عليكم / جميله بجد ومش عارفه التغيير حصل فين بالضبط من جمال الكلمات ومناسبتها القافيه .
جزاك الله خيراً .
تحياتى وتقديرى لموهبتك .

"red rose" يقول...

كلماتك دى فى غايه الجمال بجد

وتسلم ايدك

ويارب تكون بخير