صوتك

بكل آسف  انا  لسة متغيب وكل  اللى  باقدر  اعمله  انى  انشر  بوست  جديد
ياريت  محدش  يزعل  منى

صوتك حبيبتى اخدنى لدنيا تانية
كل نبضة فى قلبى بتجرى ورا التانية
احساس جميل لامة يدق قلبى مليون دقة فى الثانية
وهاقولك ايه واعيدلك ايه
طوفان مشاعرى مش قادر عليه
كل حاجة فيا بتنادى عليكى
كل حاجة فيا مشتاقة اليكى
حتى حزنى رافض يسبنى
قبل ما يقابل عينكى
ده حب ده ولا اسمه ايه
الحب نفسه ده ملك ايديكى
صوتك حبيبتى بهمساته الرقيقة
اخدنى لدنيا تانية
الحلم فيها بيتولد حقيقة
بيكبر ويكبر ودقة الساعات بطيئة
وقف الزمن بينا من ضحكتك البريئة
حبيبتى انتى وكل عمرى واجمل رفيقة
بحبك خلاص مش قادر اسكت
حتى شوفى حروفى فى بحورك غريقة
صوتك حبيبتى مش قادر انسا صداه
وهاقولك ايه وكلامى تاه معاه
مش فاكر حتى اسمى ولا سنى ورسمى
كله كله فى هواكى تاه
بحبك يا عمرى يا كل عمرى
وحبك انتى عمرى كله فداه