BLOGGER TEMPLATES AND TWITTER BACKGROUNDS »

الخميس، 26 مارس، 2009

مملكة الاحزان


ملئتنى الايام فى الغد حبا
اهدتنى حبا لم يكن فى الحسبان
احاطت قلبى بهمساتها
فتمنيت ان اكون سجينا وهى السجان
تمنيت ان اكون طيرا فى سماءها
لا تحكمنى حدودا ولا بلدان
ملئتنى املا لو امتدد
لمحيت من هذا العالم
احساسا اسمه الحرمان
وغابت عنى
فلم اجد غير الحزن رفيق الوجدان
بحثت عنه ولم اجده
صار الحزن بلا عنوان
اقالته الايام من حياتى
فى مجلسها الاخير مع الزمان
اصابت الياس فى مقتل
فلقى مصرعه فى الحال
كل سكان مملكتى عزموا الترحال
صارت مملكة الاحزان حطام
تبدلت حياتى بكل ما فيها
ولم يبقا لى سوى الدمع بين الاجفان
كلما اذكرها اجد الدمع فى عينى قد سال
دموع العاشق لها نشوة
لا توجد الا فى الحب الصادق
غابت حبيبتى
ولم يزل عبقها معى فى كل آن

72 التعليقات:

الايــــــــــام يقول...

نجوى القلب المتيم

وحديث اللهفة والحب

كلمات متسارعة ..تحمل في معانيها الكثير الكثير

وشمعة الحب تتلألأ دائما رغم أفواه الرياح ينبض ضوؤها وهاجا لينير طريق قلبك

حافظ عليها وحاول ان تبقيها دائما هكذا كي لا تنطفأ في يوم

كل الود لك عزيزي احمد

ودام قلمك معطائا

كن دوما بخير

تحياتي

نبض الحياة يقول...

دايما بتخلينى مش عارفة اقول ولا كلمة قصاد الجمال اللى بتكتبه .
بجد بجد ما شاء الله .
وطبعا مع جمال ما عبرت نتمنى ان تكون كل هذه المعانى ليست واقعا لك والا سنحزن على كل ذلك الحزن الذى تشعر به .
نتمنى ان تكون دائما بهذا الابداع المتألق دائما والى الامام دائما دائما ..
دمت بكل خير ..

أنفاس الرحيل يقول...

الاخ الهامي
غابت او رحلت فالامر سيان .. وتبقى الحياة تهدي ذلك القلب الجريح السرور من جديد .. دمت بخير

gogo!sf يقول...

من غير ما اقرا عجبنى عنوان البوست
اوى لانى بكل بساطة انا عاشقة الاحزان
هقرا وارجع تانى
سلام مؤقت

gogo!sf يقول...

كلماتك جميلة جدا بجد تحفة
وانا بعشق الكلمات المليئة بالحزن

بس عنوان الحزن هو الايام

عاشقة الاحزان

جوجو

nahed يقول...

جميله قوى ما شاء الله

شمس وقمر يقول...

بجد يعجز لسانى عن تشجيعك او ابراز مدى اعجابى بالقصيدة
دمت مبدع دايما و ربنا يوفقك ياااااارب

احساس طفلة محبة للرومانسية بس واقعية يقول...

الله على الكلام و التعبير
لا يسيعنى الا ان اقول الى الامام
استمر ربنا يوفقك

تقبل مرورى

حررروووف يقول...

مممممممممممم جميله جدا جدا جدا جدا
برغم مابيها من حزن

انت ليه مجتش تجمع مدونين في اسكندرية
دمت بالف خير

ساره يقول...

احمد العزيز

دموع الاحزان لا تداوي
بل توسع فواهة البركان
فالحزن خلق كبير ليصغر
لكن حزنك اباان يستجيب ويصغر
لاتجعل الحزن مسيطر
فبذاك انت تسعي لدفن قلبك
مع من كان وراء الاحزان

احمد قل اللهم لا سهل الا ماجعلته سهلا وانك ان شئت لجعلت الحزن سهلا

yoyo يقول...

آآآه يا من رحلت خلسة من بين مقلتى و تركتنى وحيدة أصارع الاحزان والالام
بالله عليك كيف يحلو لك العيش بعيدا عن أحضانى
كيف جاءك قلب أن تقتل أطفال أحلامى
كيف أتتك الشجاعة ان تهدم قصور آمالى ؟؟
رحلت و رحلت معك كل سعادتى و كل احلامى
تركتنى وحيدة فى صحراء العمر بين جداران مملكة الاحزان
احيا على ذكراك احاول ان اتخذ منها رفيقا فى ليال بعدك الطويلة

************************
كلماتك اخدتنى كالعادة و مش حتى سلمت عليك
بس بجد والله وحشتنى كلماتك جدا و احاسيسك الرائعة
مش عارفة اشكرك ازاى لاهتمامك بالسؤال عنى
تسلم والله
وان شاء الله مش هاغيب تانى
صحيح فاتنى كتير اوى عندك بس ان شاء الله هاعوض الغياب دا

دمت بالف خير
تحياتى
يويو

zainab يقول...

أخى أحمد
السلام عليكم

غابت حبيبتى
ولم يزل عبقها معى فى كل آن

الله على الإخلاص لو كل الناس بتخلص كده بجد يا أحمد احساس ايه مش عارفه أقلك ايه

ربنا يوفقك و يمحى أحزانك يارب

تحياتى

وردة يقول...

بجد ماشاء الله عليك
هذا البوست قريته اكتر من مرة
اي نعم هو مليان بالحزن بس كمان مليان بالحب
ربنا يكرمك ويعزك
اخلاصك لحبيبتك لايوجد له مثيل
لا املك غير ان اقول لك انك دائما تمتعني بما تكتب
حتي لو كان يقطر دموع
سلام

حنان الشافعي يقول...

أخي الفاضل

فليكن الاخلاص زادا علي الامل ونورا للغد وليتخلص من كل شوائب الحزن والالم غير عابء بوحدة ولا انعزال
ان رحلت الحبيبة فلتكن ذكراها بعث لروح الحب من جديد بعث سعيد خال من الشجن ولتكن طيفا ينير درب الحب رغم البعد

ودي

ماء تشرين يقول...

ياه جميل اوى الحب على قد ما بيخلى الدنيا كلها مش مسعيانا
لكن لما بيختفى من حياتنا بيخليها ضيقه اوى مهما كانت واسعه

بوست جميل جدا
وكلمات اكثر من رائعه


تحياتى

فراشة يقول...

ما اصعب الفراق بكل حالته
كلماتك جميلة جدا
وعجبتنى جدا الصورة اللى اخترتها
تحياتى لصاحب الالهام العالى

smilyrose يقول...

اخى الغالى احمد


اشواق واحزان تغمر قلب المحب المشتاق


لحبيب غاب عنا الالام الفراق ليس لها


وصف وكم يتمزق قلبى لقرائتى كلماتك


يزداد حزن قلبى على المك اخى


فليعينك الله على تحمل الفراق

وليعيننى على تحمل ما يعانيه قلبى


smilyrose


وردشان

روح الحب الصادق

عاشقه الرومانسيه يقول...

احمد ياواجع قلبى
جميله كلماتك
كتير بيغيب عننا حبيب ونفضل باحساسنا معاه

بس تعالى هنا قولى
مالك؟
نفسى اطمئن عليك
غايب ليه كل الفتره دى؟
ماجتش القاء بتاع المدونين السكندريين ليه؟
كان نفسى اشوفك

عاشقه الرومانسيه يقول...

حاسه ان فى حاجه مش طبيعيه يااحمد بتحصلك
بس ايه هى مش عارفه
ربنا يفك كربك ويطمنى عليك
يااجمل واعز اخ

القطة يقول...

احزانك الله يساعدك عليها

القطة يقول...

انا عايزاك لامة ترجع

تدينى قطة بس تكون كبيرة اوى

القطة يقول...

اتننعن

ضحكات الحياة يقول...

حلو جداااااا كلمات حلوة و جميلة و فعلا عجبنى الجزء ده

صار الحزن بلا عنوان
اقالته الايام من حياتى
فى مجلسها الاخير مع الزمان

و تقبل تحياتى

جارة القمر يقول...

حينما يتجسد الحزن في كيان الحب يصبح العذاب عنوانا للمحبين
ما أقسى احساس الحرمان والتعب في الحب
الهجران لا يعني زوال الحب لكنه يعذب قلب من يحب ويشقيه
ياصديقي مدينة الأحزان يقطنها الكثيرون لكن لا يرون غير أنفسهم بها لكن لو نظرت حولك لوجدت الكثيرون الذين يحيطون بك لربما كانت جراحهم أقوى وأكبر
فاجعل الصبر عنونا لك
وكن بخير
حزينة أنا من أجلك

معتز شاهين - باحث تربوي يقول...

لا حول ولاقوة إلا بالله
يعني مملكة للأحزان
وكمان مليانة دموع
ليه التشائم ده بس
بس خاطرة100 100
ويبقى التواصل

صمت المشاعر يقول...

كلمات جميله جدا رغم ما فيها من حزن

دمت بكل خير

ايوشة يقول...

مش عارفة الحزن دايما ليه مخيم على قصايدك الايام دى بس عايزة اقولك كلمة بلاش تحط نفسك فى جو الحزن لانك مرة وراء مرة مش هتعرف تخرج منه اكيد فى الحياة فيها لسه اشياء جميلة ومتستغربش من كلامى الكلام ساعات بنتكتب كله حزن والم بس ده كلام بنعبر بيه عن نفسنا لكن صعب اوى نستمر بيه فى حياتنا كلها مش هنعرف نعيش ابدا
كالعادة كلماتك اروع ما يكون

nasira2 يقول...

تصمت الاقلام ويجف حبرها
ويعجز اللسان عنى الكلام
امام روعة ما تكتبه من مملكة
فى الكلمات انا حقا عاجزة عن الرد او التعبير
بقيت لمدة طويلة حائرة ماذااقول امام هذه الكلمات الساحرة المحزنة
انت رائع ااااااااااارائع عزيزى
كتباتك للافراح تجعلنى اعيش مع كل حرف
وكأننى طائر يحلق فى السماء
واما إن كتبتها بحزن اشعر بحزن ايضا عميق
لكل حروفك واحس بمرارة الكلمة في الصدق
واعيش معها وهى تبحر بي الى عالم الاحزان
ماذا اقول غير وتشاء الاقدار ان تفعل بنا كما يحلوا
لها
لى عودة انشاء الله احمد
لاننى لسة وصلة من السفر
تحياتى لك

اللؤلؤة يقول...

صديقى العزيز أحمد
السلام عليكم
كلماتك رائعة ومليئة بالحزن والشجن وأنا ودائما أستمتع بقراءتى لك
ولكن عندى عتاب لماذا إنقطعت صلتك بى على الرغم من دوام
زياراتى
دمت بكل الحب

الفراشة الصغيرة يقول...

احمد حلوه الكلمات
بالرغم من حزنها


عجتنى قوى الحته دى

غابت حبيبتى
ولم يزل عبقها معى فى كل آن

ساره يقول...

لا ادري لما عندما دخلت مدونتك تذكرت قصيده الحزن لنزار قباني

وخصوصا هذا الجزء

أدخلني حبك.. سيدتي
مدن الأحزان..
و أنا من قبلك لم أدخل
مدن الأحزان..
لم أعرف أبداً..
أن الدمع هو الإنسان
أن الإنسان بلا حزن
ذكرى إنسان..

نبض اسكندرية يقول...

اول مرة ادخل عندك

ومش عارفة ازاى تكون اول مرة دلوقتى

بتأسف على انى مش متابعة طبعا

جميلة جدا وحساسة جدا

تسلم ايدك

دمت بخير وخالص تحياتى

حياتى نغم يقول...

السلام عليكم / حزن كبير وإحساس صعب آلمتنى جداً كلمة الحرمان ، حفظك الله من كل سوء ودمت بخير آمين .

gana magde يقول...

ازيك عامل ايه
دخلت اسلم بعد الغياب
وهرجع تانى اعلق

تحياتى

saragebaly يقول...

مش عارفة ليه
من اول سطر قريت وحسيت ان النهاية هتكون حزينة
ومخبش الظن
كام سطر ولاقيت الفرح بقى حزن
والضحكة اتبدلت لدمع متحجر!!

يا الله...!!

عاشقة الأحزان يقول...

السلام عليكم ورحمة الله وبركاته
الأخ الهامى
تقبل مرورى الاول لمدونتك الجميله والرائعه
وبجد انا حاسه بيك قوى وبكلماتك الأجمل
مزيد من التوفيق والرقى
ربنا يبارك فيك
تقبل تحياتى واحترامى
سلالالالالالالالالالالامى

gana magde يقول...

من ذا الذى يأمن الزمان

وكيف ترتضية ولو يوما سجان

الم تدرك بعد شريعة الازمان

الم تعرف انها ليس لها امان

الم ترى ما فعلته على مر العصور والاعوام

حتما سيتجرع من امنها كؤسا من الالام

وسيذوق من العذاب الوان

وسيسجن فى مملكة الاحزان

وتكون له طوعا او كرها الايام سجان

تحياتى

nasira2 يقول...

ملئتنى الايام فى الغد حبا
اهدتنى حبا لم يكن فى الحسبان
احاطت قلبى بهمساتها
فتمنيت ان اكون سجينا وهى السجان
تمنيت ان اكون طيرا فى سماءها
لا تحكمنى حدودا ولا بلدان
ملئتنى املا لو امتدد
لمحيت من هذا العالم
احساسا اسمه الحرمان

قلمى صار يبكى امام كلماتك

التى أجدهامليئة بالأحزان

وتارة أخرى اجدها مفرحة

كأننى اتجول فى بستان مليئ بالأزهار

كيف لا وانت فنان نحب ان نقرألك

ونكون اوفياء لحروفك

ابدعت يااحمد وان كان سرد الحزن

غالب فى الكثير فى كتباتك

لكنك توصل للقلب مايشعر به

ويحتاجه بسهولة انامتيمة لكل حرف

تسطره يديك الجميلتين

وارجو ان تكون بالف سعادة وصحة

من كل قلبى

كل المحبة وودى

اسماء واحلام فى وجدانى يقول...

الايام
تؤام احزانى

اشكرك جدا

وانتظر عودتك قريبا ان شاء الله بسلامة

اسماء واحلام فى وجدانى يقول...

نبض الحياة

الواقع احيانا يكون جميلا بهذا الشكل

لانه يجعل للحياة معنى ادق واوضح

اسماء واحلام فى وجدانى يقول...

انفاس الرحيل

حمدلله على السلامة

والله مدونتى كانت مفتقداكى كثيرا

اسماء واحلام فى وجدانى يقول...

جوجو

عاشقة الاحزان

انتى جيتى فى الطريق الصح

بس يا ريت تتحملى احزانى

اسماء واحلام فى وجدانى يقول...

ناهد

اشكرك جدا جدا

وده من بعض ما عندكم

فكلماتك ايضا رقيقة جدا

وهذه ليست مجاملة والله اعلم

اسماء واحلام فى وجدانى يقول...

شمس وقمر

اشكرك جدا ويكفينى وجودك الدائم هنا

لك منى كل الود

اسماء واحلام فى وجدانى يقول...

احساس طفلة محبة للرومانسية بس واقعية

الطريق امامى سيكون اخضر ما دمتى تتواجدى هنا

دائما لك منى اجمل الامنيات

اسماء واحلام فى وجدانى يقول...

حررررررروف

الحزن اجمل شىء فى حياتى

اما بالنسبة للقاء المدونين

اولا للاسف الشديد انا الان غير موجود بالاسكندرية

ولو كنت اعرف قبلها اكيد كنت جيت

اشكرك جدا

اسماء واحلام فى وجدانى يقول...

سارة

اشكرك جدا جدا

واتمنا لك من كل قلبى التوفيق

لانك انسانة تستحق لقب انسانة

بجد وعن جد انتى انسانة جميلة باحساسك جدا

اسماء واحلام فى وجدانى يقول...

يويو

اهم حاجة عندى انك تكونى بخير دايما

واشكرك جدا لوجودك بعد الغياب ده كله

وللاسف مافيش وقت للعتاب

بسش هتروحى منى فين

اسماء واحلام فى وجدانى يقول...

اختى الجميلة زينب

انتى فين من زمان والله لك وحشة

لو عايزة تقوللى حاجة يبقا

ادعيلى

اسماء واحلام فى وجدانى يقول...

وردة

سلام

اشكرك جدا واعتذر عن هذا الحزن المتوارث

فى كل كلماتى

وبكل اسف لا املك الا الحزن

فاتمنا ان تتقبليه

اسماء واحلام فى وجدانى يقول...

حنان الشافعى

كلماتك دائما لا تفسح لى المجال حتى اتحدث بحرية

فماذا اقول لك

لا اله الا الله

اسماء واحلام فى وجدانى يقول...

ماء تشرين

الحياة بكل ما فيها جميلة بحزنها وبفرحها

وبكل حاجة موجودة فيها

لكن الشىء اللى منقدرش عليه

هو فراق الاصدقاء وليس الاحباب

اسماء واحلام فى وجدانى يقول...

فراشة

انتى بتحرجينى وبتصعبيها عليا

كده انا قبل ما اكتب هادور على الصورة الاول

علشان طبعا تعجبك

وربنا يوفقنى

اسماء واحلام فى وجدانى يقول...

smilyrose

ليس غريبا على شقيقتى ان تتحمل ما اعانيه

ولكن مهلا على قلبك فهو لن يتحمل ربع ما فى قلبى

يكفينى وجودك فقط فهو يزيح من قلبى بعض الاحزان

اسماء واحلام فى وجدانى يقول...

عاشقة الرومانسية

اشكرك جدا

والله انا كمان كان نفسى اشوفكم كلكم لانى بحبكم كلكم

بس للاسف الوقت ما كنش يسمح

وكمان ماكنتش اعرف

اسماء واحلام فى وجدانى يقول...

القطة

لامة حضرتك قطة عايزة قطة تانى ليه

المفروض بقا انا اللى اعوزك

واشيلك صورة جنب قططى

اسماء واحلام فى وجدانى يقول...

شحكات الخياة

مرورك اتشرف به

واشكرك جدا

اسماء واحلام فى وجدانى يقول...

جارة القمر

فعلا تمتلى مدينة الاحزان بالجراح

والمجروحين واننى اشعر بهم لكنى لا اراهم

لاننا فى عالم القلب واليس العين

اشكرك جدا

ولا تحزنى فالفرج قادم باذن الله

اسماء واحلام فى وجدانى يقول...

معتز شاهين

ماذا كنت تتوقع ان ترا غير الدموع والاحزان

فى مملكة الاحزان

اشكرك جدا

اسماء واحلام فى وجدانى يقول...

صمت المشاعر

اشكرك جدا لمرورك الكريم

واتمنا الا تكون الزيارة الاخيرة لك

اسماء واحلام فى وجدانى يقول...

ايوشة

اشكرك جدا

وعلى فكرة انا مش متعمق اوى كده فى الاحزان

زى ما حضرتك شايفنى

بس اوعدك انى هاخرج بالجزء المتواجد فى الحزن

اسماء واحلام فى وجدانى يقول...

نصيرة الغالية جدا

والقريبة من القلب باحزانها

لا تعليق

اسماء واحلام فى وجدانى يقول...

صديقى اللؤلؤة

اشكرك جدا

وعتابك مقبول بكل فرحة منى

لانك توكد دائما اننى قريبا منك

بجد جزاك الله كل خير

اسماء واحلام فى وجدانى يقول...

الفراشة الصغيرة

اشكرك جدا

وكلامك والله كتير عليا اوى

اسماء واحلام فى وجدانى يقول...

سارة الغالية

كلامك اشكرك جدا

بس احمد من غير احزان انتى مش هتعرفيه

اسماء واحلام فى وجدانى يقول...

نبض اسكندرية

من اسكندرية الى اسكندرية

يعنى مفيش حد غريب ومفيش داعى للاسف

انا بجد يزدنى شرف لوجود اخت اسكندرانية فاضلة

مثلك

اشكرك جدا

اسماء واحلام فى وجدانى يقول...

اختى الفاضلة

حياتى نغم

اشكرك جدا جدا

والحرمان موجود للاسف فى كل مكان

ليس عندى فقط ولكن تختلف الاشياء

اسماء واحلام فى وجدانى يقول...

جنة مجدى

حمدلله على السلامة

هاحاول انسا موضوع غيابك لانى متغيب بس لامة ارجع

ليكى معايا حساب تانى

اسماء واحلام فى وجدانى يقول...

saragebaly

بكل اسف التوقع معايا مرفوض

لانى لسة معرفش ايه اللى جوايا

اشكرك جدا

اسماء واحلام فى وجدانى يقول...

عاشقة الاحزان

تقبلى لمرورك هو امر يمليه على قلبى

لاننا من قبيلة واحدة

قبيلة الاحزان

ولكنى لم اراكى قبل ذلك

لعلى النظر من كثرة الدمع قد راح

ابقا دائما هنا

اسماء واحلام فى وجدانى يقول...

جنة مجدى

كلاكيت تانى مرة

اشكرك جدا جدا

واتمنا ان تعودى للتواصل مع اصدقاءك الاوفياء

اسماء واحلام فى وجدانى يقول...

نصيرة الغالية

اشكرك جدا

وكمان مرة

لا تعليق