عايزانى احبك اكتر
انا ممكن احبك اكتر
انا عقلى معاكى مش بيفكر
يعنى فى حبك مش هستخسر
دقة قلبى بدق عشانك
ايام عمرى محتاجة لحنانك
يا اطعم حب يا حتة سكر
يا اطيب قلب انا حبيته
واجمل حلم اتمنيته
آه من زمنى يخرب بيته
ياما وياما اترجيته
يبعد عنى الحزن شوية
ويفرش ورده من حواليا
كان ممكن يقدر واستخسر فيا
بس خلاص كفاية عليا
حبك ليا
حبك ليا ما بيتقدر
حبك ليا اكبر واكبر
روح يا زمانى مع احزانى
افرض وشك بلاش تتكدر
حزن مفيش دمع مفيش
ولا شىء فى الدنيا به هتاثر
عايزانى احبك اكتر
خدى عندك
انا ممكن احبك اكتر
انا عقلى معاكى مش بيفكر
يعنى فى حبك مش هستخسر
دقة قلبى بدق عشانك
ايام عمرى محتاجة لحنانك
يا اطعم حب يا حتة سكر
يا اطيب قلب انا حبيته
واجمل حلم اتمنيته
آه من زمنى يخرب بيته
ياما وياما اترجيته
يبعد عنى الحزن شوية
ويفرش ورده من حواليا
كان ممكن يقدر واستخسر فيا
بس خلاص كفاية عليا
حبك ليا
حبك ليا ما بيتقدر
حبك ليا اكبر واكبر
روح يا زمانى مع احزانى
افرض وشك بلاش تتكدر
حزن مفيش دمع مفيش
ولا شىء فى الدنيا به هتاثر
عايزانى احبك اكتر
خدى عندك
قلبى وروحى وعقلى
كله فى حبك م التانى اشطر
الهامى كلامى احلامى قدامى
بتكبر زى الزرع الاخضر
بحبك
وفى كل ثانية بحبك اكتر
كله فى حبك م التانى اشطر
الهامى كلامى احلامى قدامى
بتكبر زى الزرع الاخضر
بحبك
وفى كل ثانية بحبك اكتر
+copy88.jpg)
+of+0100.jpg)
58 التعليقات:
اول تعليق
بردوا
فى
الامانات
لا بقى دا انا اول تعليق
حلوة قوى
بجد
عيد سعيد عليك يا فندم
على العموم
الرابع
مش بطااااااال
ل
رومانسى
انت يا ابو حميد
شاطر كده فى كله
فصحى ماشى
عاميه ماشى
ربنا يخليلك الهامك
يارب
ويزيدك الهام
فوق الهام
كل سنه وانت طيب
يا احمد
عيد سعيد
تحقق احلامك
وامنياتك
بجد بجد مفيش كلام بعد اللى انت قولته دا
البوست جامد مووووووووووووووت
كل سنه وانت طيب يا جميل
عيد سعيد عليك وعلى كل اللى بيحبوك يا رب
بس بقولك ايه لا تنازل عن العيديه
بانتظار العيديه
ياجامد ياجامد
ولسه ياما اللحمه هتعمل
هههههههههههههههه
كل سنه وانت طيب
عيد سعيد عليك
احمد العزيز
كل عام وانت بخير
وعيد سعيد عليك وعلى كل احبابك ويارب تكون دائما في تألق وابداع
سلامي لجميع القطط
والعيديه عطيتها كوكي عشان يفرقها عليهم :)
يالهووووووووى دول عشر دقايق كل دقيقه واحد بيدخل
ماشي ياشريكى
كل سنه وانت طيب والسنه الجاى احتلك عادى جدا
كل سنه وانت طيب يارب والفرح ملى قلبك
كل عام وانتم الي الله اقرب
وعلي طاعته ادوم
السلام عليكم
هههههههههههههههههههههه
النت وغباؤه
كل سنه وانت طيب يارب
عيد سعيد عليك وعلى كل حبايبك
وعلى القطط كمان
والكلمات خفيفه بجد وزى العسل
تسلم ايديك يارب
احمد
كل سنه وانت بالف خير
وعيد سعيد عليك
حلو كلامك والمرادى موش حزين اوى
تحياتى
عايزانى احبك اكتر
انا ممكن احبك اكتر
انا عقلى معاكى مش بيفكر
يعنى فى حبك مش هستخسر
واو يا احمد
اية البوست الخفيف الظريف اللطيف
اللى على اولى ساعات العيد دا
اية البوست اللى كله حب دا وسعادة وبعيد عن كل حزن وكله زرع ورومانسية كمان
يديمها يارب على الكل
تسلم ايدك
كل سنة وانت طيب
تقبل مرورى
جميل ماشاء الله
بس عندي تعليق صغنون خالص
ويفرش ورده من حواليا
ورده واحده؟
ما تخليها ورد والمعني ماشي برده
وكل سنه وانت طيب
اللله يا احمد
بجد ده الكلمة اللي على بالي
انا جيت اقول لك كل سنة وانت طيب
معلش اتاخرت
لكن انا كتبتلك البوست اللي فات من غير امضا وقلت يمكن تعرفني
لكن بجد البوست ده حاجة تانية
فريش اوي
حاسة انه في عيد بجد
بلاش بقى الحزن كفاية
يمكن لما نتفائل بالخير نلاقيه
يا اطعم حب يا حتة سكر
يا اطيب قلب انا حبيته
حلوةةةةةةةةة اوي
كل سنة وانتم طيبين
عيد أضحى سعيد عليك
وعلى كل الامة الاسلامية
واجمل حلم اتمنيته
آه من زمنى يخرب بيته
خفة دم بجد حلوة وشكرا على الابتسامة اللي كنت مش لاقياها من مدة
السلام عليكم ورحمة الله وبركاته
انا عارفة ان الغرامات كترت اوووي اوووي اوووي
بس هي شوية ظروف على حبة لغبطة كدة ويعدوا ان شاء الله
تاني حاجة انا جاية ىخد العيدية بتاعتي
اصل الكل النهاردة في حالة هروب تااااام
بس على مين بقى
هاخد عيدية يعني هاخد
والبوست النهاردة حلو اوي
مناسب مع جو العيد فرحة
ومش حزين
يعني حاجة برضو تحسس الواحد بأن لسة العيد فرحة
كل عام وأنت بألف خير
وصحة
وسعادة
وهنا
ورضا
وكل عام وأنت إلى الله اقرب
سارة
والله ماعارفة اقولك ايه
ربنا يخليك
زعيم شرير على طول
ومايجيب اي دمار ولا انهيار ابدا
ويديم الشر المعمر اللي ابتدعناه
السلام عليكم
بدأت تخرج من من موج الكلاماتك المليئه بليأس
كل سنه وحضرتك طيب
تحياتى
كل سنة وانت طيب
كل سنة وانت بصحه وسعادة
ويارب دايما بخير وحب
ويارب تحقق كل احلامك ويرفع ربنا عنك
كل همومك وتكون اسعد من خلق الله
عيد سعيد عليك بالحب يكون مديد
السلام عليكم
معلش كنت مشغوله ببعت الرسايل ع الموبايل فليسا شايفه الكومنت حالا
انا قصدي ان الانسان لما يطلب حاجه من الدنيا مثلا يعني بيطلب ورد كتير يبقي حواليه تعبير عن السعاده
اما ورده مش بتكفي
هههههههههه
وعادي يعني اما المعني اللي انت تقصده مش واصلي ليسا انا هقرا الكومنت تاني وتالت يمكن افهم قصدك وارد برده
جميل احساسك
دعوة مفتوحة هنا للحب والفرح
/
/
عيد سعيد كل عام وانت بخير
اه فهمتك
ان انت تقصد ورد الزمان
ماشي بس ورد الزمان نطلب منه كتير يتفرش حوالينا
وبعدين مش حرف الهاء اللي يخلينا نختلف
هههههههههههههه
كل سنه وانت طيب
هههههههههههههههههههههههههههههههههههههههههههههههههههههههههههههههههههههههههههههههههههههههه
مش بقول ان النهاردة الكل في حالة هروب تااااااام
وانا فرحت اني لحقتك قبل ما تهرب
واني هطالبك بالعيدية
تطلع راس بطة!!!!
طيب راس البطة دي اعمل بيها اييه؟؟
طيب مفيش عيدية اصغر من كدة شوية؟؟
اصل راس البطة هتعد لحد العيد الي جاي
كل عام وانت بألف خير يارب
السلام عليكم ورحمة الله ...
اية كل الحب دة؟!
بس بجد بوست حلو قوي وفيه مشاعر واحاسيس حلوةقوي ومحسوسة وكلماتها خفيفة
وكل سنة وانت طيب وعيد سعيد
دومت بالف خير
مساء الخير
كل سنه وانت طيب
تحياتي
حلوه وايد
عيد سعيد :)
بس خلاص كفاية عليا
حبك ليا
كل سنه وانت طيب وعيد سعيد
تحيه لاسعه
ايوه شفت التعليق
لكن انت ماقلتش رايك في كلام الاخ اوشو
خالص
كان يهمني اعرف رأيك فيه
كل سنه وانت بخير
تحياتي
هههههههههههه
بصمه
اها
انا قراتها بصه
وبعدين لو بصيت ع الاختلاف هتلاقيه ورد يعني بمناسبه العيد نختلف ع الورد طيب لو مش العيد هنختلف علي ايه ؟؟؟
اللحمه مثلا
ههههههههههه
ربنا مايجبش اختلاف كلماتك مش عليها خلاف بس وانا بقرا بس اتلفت انتباهي بس
وكل سنه وانت طيب
اشيل المخ واعمله لوحده؟
هههههههههههههه
طيب انا عندي فكرة احسن بقى
أن كلكم معذومين عندي على راس البطة دي
واهو برضو علشان نخلص من الراس دي مرة واحدة
كل سنة وانت طيب يا احمد
وعساكم من عواده
مهو انا مش هتنازل عن العيدية
ابدا
ابدا
ابدا
وكمان ابدا
وبعدين دي برضو تيجي ابعتلك اللسان بس؟؟
لالالا طبعا
الراس كبيرة والحمدلله
انا هبعتلك اللسان والمخ والعين
وكفاية كدة
علشان باقي العزومة برضو
احسن فيه عدد كبير اوي جاااااي
ياااااااااااااااابختها
(:
حلو التفاؤل ده مع بدايات العيد
فى تقدم ياابو حميد ملحوظ
امال لما تاكل اللحمه هيحصل ايه
(:
لا اله الا الله سيدنا محمد رسول الله
ازي الفتة
ازي الحال
عيد سعيد
كل سنه وانت طيب يا اطيب قلب
كل سنة وانت طيب يا أحمد
يارب يكون عيدك عيد سعيد يارب
ايوه بجد عايزة فى حبك أكتر
لسه فى قلبى ليك اشواق
لسه فى عمرى الباقى حنان
محتاجة احسك اكتر واكتر
لانى هاعيشلك عمرى الجاى واكتر
ايوه بحبك و لسه عايزة فى حبك
اكتر
كل سنة و انت طيب يا أحمد
و عيد سعيد عليك و على الكل ان شاء الله
بس المفروض انت تعيد عليا تقولى خدى اتين تلات اسهم عيدية
مش تقولى نص سهم ، و كمان باقرار
لالالالالا
مكنتش فاكراك كدا خالص
:)
دمت مبدع دائما
كل سنة وانت طيب يا احمد
عيد سعيد عليكي يارب
كل سنة وانت طيب ياصاحبى
عيد سعيد عليك وعلى كل اسرتك
طبعا كلماتك بعجز بجد عن التعليق عنها
ربنا يسعدك دايما
تصدق انا بحب اللحمه برضه
كل سنه وانت طيب يا معلم
ازيك يا احمد
كل سنه وانت طيب وعيد سعيد عليك وعلى الحبايب
وعلى القطط
ثانيا بقا انا ارفض هذا الحجز اللى فى الامانات
وكدا مافيش تكافؤ فرص
ههههههههههههههههههه
رغم انى مايهمنيش اكون اول ولا اخر تعليق
بس برضه ده عاملك كانك امريكا يا ريس
وصاحب حق الفيتو
لالالالالالالالالالالالالالالالالالالا ماينفعش كدا
اللى يجى يجى واللى مايجيش هو حر
ولا انت بقا عندك خيار وفقوس.........
المهم حب ياسيدى اكتر واكتر
بس اكشف عن مواصفات الحبيب مش زى التاج لما رفضت تقول اى حاجه عنه
وكأنه سر حربى
رغم انى قلت فى الاول انى مش عايزه اسماء
عموما احنا عيد ومش هاتخانق ولا هاتكلم
وكمان افرد (بالدال)ياريت تصححها
احمد
صباح الخير
ياريت متزعلش منى لو كنت قفلت المدونه بس بجد غصب عنى لان الناس الحلوة اللى زيك اللى عرفتهم مشيو وسابونا
زى يويو
ورده
وايوشة كمان فين وفين لما بتفكر تكتب او تدخل تطمنا عليها
وكمان هانى ثندر بيبعد صحيح هو معاايا فى كل وقت بس المدونه مالهاش ذنب
الفراشة
وعلياء جارة القمر بتغيب كمان
وانت بتغيب كمان
ورده كمان قفلت مدونتها
ماما الفراغ كمان معدتش زى الاول
ميمى كمان فين وفين لما بتفكر تدخل
يعنى انا حاسة انى يتيمة وضايعه ومش لاقيكم جنبى بجد انا محتاجه ليكو زى زمان
اول ما عرفتكم اسرة واحدة بتخاف على بعض ويبقا قلبنا على بعض
يمكن دا السبب اللى خلانى ابعد
انا محتاجكم معايا وبجد بحبكم كلكم
فهمت بقا انا قفلتها لية وعشان خاطر ماما الفراغ هى اللى طلبت منى اقسم بالله ما كنت هفتحها تانى الا برجوع الناس دى كلها
اسفه يا احمد بجد انا تعبانة ونفسيتى وحشة اووووووووووووووووى وفراقهم صعب عليا وببكى على الحال اللى وصلنا لكده
ادعى معايا نرجع زى زمان اسرة واحده وايد واحد
وانت اخوايا يا احمد وبحترمك وبقدرك وكلامك بيأثر فيا
واسفه لو كنت زعلتك فى اى وقت اختك وبتدلع عليك
سلام ياقمر
وصباحك سكر ان شاء الله
السلام عليكم ورحمة الله
حلوه بجد
وكل سنه وانت طيب
صباح الخير
قريت كلامك عن اوشو
علي فكره اوشو مسلم
مفكر من المفكرين اللي بيحولوا يدمجوا الروح والدين والعقل والقلب والدنيا
ووفعلا ديناماخلاش حاجه في العلاقات بكل انواعها الا و حط لها الكتالوج
وفعلا مش صعب اننا نعملها لكن النفس البشريه مابقتش علي الفطره بقي بيتدخل فيها اشياء كتيره افسدتها وبعدت بيها عن الكتالوج فا الجهاز هنج ومابقاش ينفذ المطلوب منه صح
فاباظت الدنيا
تحياتي
صباح الخير
واشكرك على سؤالك
وانا باكتب حاجة بس كئيبة برضو
ربنا معانا يا احمد
ان شاء الله نحاول نوصل ليهم
وانا من نحيتى بعمل اللى ربنا يقدرنى علية
وبجد كلامك اثر فيا اووووووووووووى
ربنا يسعدك يارب ويشفيك يا احمد
ونرجع اسرة وحدة زى ززززمااااااااااااان
السلام عليكم ورحمة الله وبركاته
كل عام وحضرتك بكل خير وسعاده وهنا .
جميل الشعر وضحكتنى .. آه من زمنى .....
بس افتكرت ان ماينفعش نسب الزمن .
تحياتى .
اصلي ققرت بلاش كآبة وهاكمل حاجة تضيع الكآبة بس لسة مش كالمة اوي
جميلة مووووت
تسلم ايدك يا مبدع
كووووووول سنة وانت طيب يارب
عيد سعيد عليك وعلى كل حبايبك ومعارفك :)
ربنا يجعل ايامك كلها اعياد
السلام عليكم ورحمه الله وبركاته
اخي الكريم:
عيد مبارك اعاده الله علينا وعليك وعلى المسلمين باليمن والبركات.
صدقت الاحساس فبرعت في الوصف ...
لي تعليق واتمنى ان تتقبله من اخت لك في الله ... لا يجوز سب الزمان لان كما جاء في الحديث القدسي " لا تسبوا الدهر فأنا الدهر" فليس معنى ذلك أنّ الله يسمى دهرا او ان من اسمائه الدهر، لكن معناه أنّ الله فاعلُ الدهر أي خالقُه ومصرّفُه، ..
وعن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
تخريج الحديث
الحديث أخرجه البخاري و مسلم .
فلا يجوز ان ينسب الى الله ما لا يليق بجلاله وعظمته ..
اعلم انك لم تقصد ذلك كله ولكنها تذكره ..قال تعالى: "وذكر فإن الذكرى تنفع المؤمنين"
واخيرا وليس اخرا ارجوا الا يكون كلامي فيه شئ من القسوه وتقبل مروري...
جزاك الله كل خير
اختك : امة الله
إرسال تعليق