وشوشت القلم وقلت له
اكتب يا قلم
قالى اكتب ايه
احساسك ده مقدرش انا لوحدى عليه
خد بايدى حط سنى ع الورق
وقبل ما ابدأ أبعد شوية
وصفك جايز يخلى الورق يتحرق
حاول القلم
عَجز القلم
قلت له ارسم يا قلم
رسم قلب على هيئة بشر
جواه قلب تانى
جواه روح طايرة فى العلالى
جواها نفس طيبة
جوة النفس رحمة تِـنـَـطق الحجر
رسم القلم عيون من نور القمر
الننى فيها صافى وبرىء
جواه دنيا أخرها جنة
جنة وفيها الغدر مالهوش آثر
بستانها فيه م الورود كل الوانها
وردة صفرا وردة حمرا
وكل وردة فى قلبى عارفة مكانها
فراشاته سارحة
فى عيونى سارحة
وقف القلم ..... مالك يا قلم
قالى سنى من وصفك حاسب ينكسر
ارسم يا قلم
رسم نهر حدوده الخوف حارسها
شواطئه مجروحة .... احلامه مدبوحة
رسم حلم عايش جواه
فى قلب الحلم امل يشوف الحياه
فى قلب الامل يقين
أنفطر
ارسم يا قلم
رسمنى مركب فى النهر تايه
رسمنى دمعة فوق الشفايف
رسمنى قلب ضعيف وخايف
رسمنى فى غربة من غير سكن
متغرب زى الموت مالهوش وطن
ارسم يا قلم
+copy88.jpg)
+of+0100.jpg)
19 التعليقات:
اول
تعليق
فى الامانات
تحفه
يا ترى يا احمد اول تعليق محجوز لمين
ارسم ياقلم زهور الأمل
وامسح ياقلب حزن السنين
افرح وخلى يومنا جميل
انا راجع وجوه قلبى حنين
ارسم زهور الامل تضوى وتعلى
دا اجمل يوم اكتمل وحبيبتى جمبى
ارسم خضره وزرع جميل
واميره طله من قصرها بتنادى
على الشاطر حسن
ارسم مركب فى نهر النيل
وحب وعيش خليك انسان عادى
ارسم يا قلم دى قلوبنا صافيه
وبكره الحلم يكتمل
ايها الشاب المصري
اعترف ان معزوفتك اثارتني فرحت اسال نفسي لما يا ترى شاب في مقتبل العمر تايه وحزين في كتاباته وفي أحاسيسه ؟ اما ان مركبه ما زال مبحرا وسط محيط الحياة تتقاذفه امواج التمني وتمزق رياح الياس اشرعته؟
اتمنى ان يرسو ذاك المركب في شاطئ الامان الذي يحقق لك امالك
اسعد الله اوقاتك بالامان والاستقرار.
ربنا يسعدك يا احمد
بتمنالك السعاده من كل قلبى
وبجد هفتقدكم كلكم
اهلا بأخى الذى غبت عنه ولم يسئل
كلماتك اكثر من رائعه
اشعر انها توصفنى
دمت فى سعاده
يارب
تكون بخير
جاية اسلم عليك
طمني شو عامل ؟
فرحانة انك رجعت للتدوين
ارسم ياقلم
رسم طير مكسور الجناح تاه عن عشه وعماه الوتر المقطوع
ارسم ياقلم
رسم طفل مشلول مكسور مهزوم بكى من قلبه وانفطر
ارسم ياقلم
رسم شلال دموع طاف بين العيون وانهار واختفى
/
/
تعب القلم يا احمد
جميلة جدا يا احمد كالعادة
والصورة معبرة جدا جدا عن الكلام وكانها بترسم مشهد مع الحوار بينك وبين القلم اللمض اللي بيكتب كلام دايما يسعدنا
يسلم القلم الشرير
السلام عليكم
ما أروع رسم الكلمات بالقلم
دام أبداع قلمك
امممممممم
اتعلمت تحجز أول تعليق
يا خوفى يا بدران
تعرف فكرتنى بايمان البحر درويش فى اغنية قول يا قلم
بجد جميييلة
حمدلله على السلامة أكيد نورت عالم التدوين مرة تانية
دام قلمك
السلام عليكم ورحمة الله وبركاته
كلام جميل وكله أمل ووصف يدل على نفسيه صافيه..
دمت فى سعادة .
أخي العزيز
من الذكء الشديد أن تعرف أن كل من ينصحك بنصيحة وان لم يكن أهلا لذلك فلتأخذ كلامه علي محمل الجد بالتأكيد ستخرج من بين السطور معني جديد
أتمني لك السعادة حيث يستقر فؤادك برضا الله وتأكد تماما أن ما أصابك ما كان ليخطئك وما أخطأك ما كان ليصيبك
أتمني أن تداوم علي تعليقاتك في مدونتي
السلام عليكم ورحمة الله
مبدع كعادتك
دمت متألقا
ازيك يا أمير الكلمات
وحشتنى كتير يا توأم الروح
ازيك يا احمد
وحشتنى يا راجل
انت رسمت اللى فى قلبك .. سواء كان نهر او كان شجر او كان اى حاجه
لكن القلم رسم اللى هو عايز يرسمه
انا عارف الصوره دى بتاعة مين
بس الطير لا مكسور الجناح ولا الغدر ما لوش اثر
دى رسم روح سارحه فى ملكون آخر
وبعد قليل ستدرك ان الخير قادم .. قادم
تحياتى
لا تعتذر
انا مقدره
المهم تكون بخير
تحياتي
إرسال تعليق