BLOGGER TEMPLATES AND TWITTER BACKGROUNDS »

السبت، 22 مايو، 2010

لحظات القرب


لحظات القرب منك جنة
مين يا بشر فى الكون
يقدر يبعد عن حبيبه او يستنى
مين يتحمل وعد مؤقت للبعاد
على وعد يرجع تانى يتهنى
صعب
الصبر مـُـر والبعاد أمـَـر
نبض القلب بيجرى منى
وانا باجرى وراه
انا زى قلبى مضطر
انا زى قلبى دايب دايب
احساسى فى غيابك
بقى كله غايب
ما بقتش عارف البرد م الحـَـر
احساس جميل انى احبك
من حقى افرح
من حقى اضحك
من حقى اطير فى السما
من حقى اتغر
مين ادى انا فى العشق مين
نزل القمر علشانى دايب م الحنين
فارد جناح الهوا ونجومه السهرانين
بتقولى قرب قرب تعالى
فى قلب فوق عايزك معاه
فى قلب حـُـبك كل مناه
نادتنى النجوم ومن نور القمر
انا عقلى تاه
ونوره منك انت ِ
يا عمرى انت ِ
اكبر بكتير
من اكبر حلم كنت باتمناه

13 التعليقات:

داليـ ـ ـ ـ ـ ـ ــــا يقول...

انا احجز مكان محترم الاول وبعدين ابقه اقرء واشوف الدنيا فيها ايه
ولو سمحت ياأستاذ احمد
واحد مسكوا فيه كده
او كابتشينوا
على ما اقرء

داليـ ـ ـ ـ ـ ـ ــــا يقول...

تجنن بجد
الصبر مـُـر والبعاد أمـَـر
فعلا معاك حق

احساس جميل انى احبك
من حقى افرح
من حقى اضحك
من حقى اطير فى السما
من حقى اتغر
بردوا ليك حق

دام قلمك ياشاعر

الحب الجميل يقول...

صباح الخير

أحجزيلى ياداليا الكرسى اللى جنبك
عقبال ما استوعب اللى قريته

كالعاده متألق بكلمات الحنونه

قرب تعالى فى قلب فوق عيزك معاه

عايزه افهم بس البعاد المؤقت دا هل هو فى الدنيا والا فى الاخره ؟

نبض القلب بيجرى منى وانا بجرى وراه

تشبيه فى غايه الجمال ومحسوس

الصبر مر والبعاد أمر

جيت على الجررررررررررررررررررح

دامت كلماتك بكل حب

بوست روعه كالعاده

تحياتى

الحب الجميل يقول...

ماهو فيه بعاد فى الاخره برضو ومهما طال بينا الاجل رايحين لحبايبنا فى الاخر وبيكون أصعب بعاد من بعاد الدنيا

ليله شتاء يقول...

السلام عليكم
كلام جميل أوووى

دمت بخير

حياتى نغم يقول...

السلام عليكم ورحمة الله وبركاته

لذيذه وخفيفة ولو أنها بالعامية وأنا أفضل العربية .

شذا الروح يقول...

إنها لعمري أروع وأسعد لحظات من الحب يمكن أن يعيشيها الأنسان


ربنا يسعدك

دائمآ متميز يا غالى

احاسيس آيوشه يقول...

ياسيدى ياسيدى وكمان فيها تفاؤل احمدك ياااااااااارب
جميلة يااحمد تسلم ايديك

sweet angel يقول...

جميله بجد

الشـوكة الــنـاعـمـة يقول...

كلمات رائعه
ولكن مارأيك اذا كان
البعد رغما عنكى
تحياتى

ليله شتاء يقول...

السلام عليكم
منق غريب جداا بس للاسف موجود عند ناس كتير اكذب علشان اصل لما اريد من الحياة
نخاف من عقاب البشر وننسي عقاب رب البشر لا حول ولا قوة الا بالله

*******88
أنا أسفة جداا على البوست لكنه للأسف واقع لا يمكن تجاهله

اقدم عاصمه فى الحب يقول...

السلام عليكم

أعجبنى كل ما فات
والقادم أجمل وأجمل
أكتب ولا تترك القلم أبدا فأنا من المتابعين لكل ما يخطه قلمك من إبداع
ودى وإحترامى :)

نهر الحب يقول...
أزال المؤلف هذا التعليق.