سمراء

سكون الليل يُذكرنى بكِ
والنجم الساطع فى السماء
الفجر القادم من رحم الليل ِ
والقلب الغارق فى الثناء
آهً يا حبيبتى
تذكرنى بكِ .... كل الاشياء
صوت الموج ... رزاز الموج
الطائر .. الحائر فى الفضاء
القلم الصامت على أوراقى
وبعض الحروف الخضراء
كل الدروب تحمل تفاصيلك
وكل الوجوه السمراء
صار كونى الصغير أنتِ
وصرتى أنتِ كل النساء
أشتاق إليك ِ
و أشتاقك فى البرد
يا ثوب الشتاء
يا نوةً للحُب عندما تهُبٌ
تزدهر الورودِ بالصحراء
و ينسكب الرحيق
على أرضى
يا أرض العاشقين العلياء
سمراء ... يا بهجة القلب
يا زهرتى الفيحاء
كيف لعبقـُكِ أن يمتدُ
فـــ يخترق كل الاجواء
يهزمُ الجاذبية ... بــ بدائية
ولا يُعَرَفُ من أين جاء ؟
وحدى أنا أعَرفُ
وحدى أنا أنتظر اللقاء
أشتاق اليكِ كـ روح حائرة
بين المَوتِ ... والبقاء
سمراء ... لانى أحُبكِ
أراكِ فى كل الاشياء
لانى أحُبكِ
يمزقنى الصَبرُ وقتما يشاء
ويلهو بأحلامى المهاجرة
الى عينيكِ وقتما يشاء
ويرسو على جَفنُك الساحر
وقتما شاء
لآنى أحُبك
سأبقى على حُبك طيلة عُمرى
شاء القلب أو لم يشاء

رجعتينى الحياه

رجعتينى الحياه
من بعد غـُربة طالت سنين
وحلم عشش جوة البرارى
ولا هو دارى طريقه منين
كان حلمه يخرج يدور عليكِ
وبين إيديكِ يقول كلمتين
بحبك وخايف
كان أمله بس فى دمعتين
دمعة تقولك بحبك
ضُمينى طفىء الإنين
ودمعة تغسل رموشه
المتلطخة بالطين
رجعتينى الحياه
عودتينى إن الحياه
من غيرك مش حياه
الحب والضحكة البريئة
واليأس اللى تاه
مش حياه
الربيع والنسمة الرقيقة
اللى معاه مش حياه
الصدق والاخلاص
وشوق العاشق
لــ منتهاه مش حياه
عودتينى إن الحياه
بس إنـتِ
الصبح إنتِ
لحظة ما تشرق الشمس
من بين عيونك
أجرى أستخبى فى ضلهم
آه من سحرهم
دايب أنا فى وجودك معايا
ومهما أقولك بحبك
مش كفاية
عدد كل حاجة مالهاش عدد
عدد كل حلم مات
وكل حلم بيتولد
مش كفاية
بحبك
وقـُربك بس باتمناه
رجعتينى الحياه

تفتكرى ليه

من كام يوم بأحاول أكتبلك
ومش عارف
تفتكرى ليه
ليه أمسك القلم يزيد الآلم
وتهرب منى المعانى
ليه حُبك فى قلبى زى العلم
حتى العلم
فى أرضه إتظلم
ساعة ما فكر يقول الحق
فى أرضه إندق
وإتحبست شهقته
بين الضلوع
ضَم الضلوع
قفل كل شق
والقلب بَطل دق
والرمز بات مغموم
تفتكرى ليه
ساعات الحقيقة
بتكون فى الحقيقة
ماضى إتهزم
عدى عليه الحزن إتقسم
ورافض يموت
عايش على ضىء نجمة
مستنية البدر يكمل
جوة سحابة
نـَسيت شكل النهار
وما إنهار
تفتكرى ليه

راحلة .... ولكنك هنا

راحلة ولكنك هنا
نعم يا سيدتى ما زلتِ هنا
بين الكلمات والكلمات
بين المعانى والالفاظ والحروف
بين الفجر والشروق
التقينا
والتقت معنا الفروق
من منا صنعها لا أعلم
لكن حديثك أشعل النار فى قلبى
فامتلئت رئته بالحروق
صار قلبى أطلال تنعى ماضيها
صار أرض جرداء تملأها الشقوق
و فى كل شق جرحً عميق
ينزف آلمً و آهات حتى يغشى عليه
فيطعنه الشق المجاور حتى يفيق
راحلة ولكنك هنا
نعم يا سيدتى مازلتِ هنا
بين يدى أمام عينى
بين السحب و رذاذ المطر
بين الاوراق والافكار والنبضات
والاقلام والامال والاحلام
بين الشهور والايام
بين كل نجم انطفىء لغيابك
و كل نجم صار بلا آثر
راحلة ولكنك هنا
بين أنفاسى المتبادلة
و كمً من الذكريات الهائلة
ذكريات مثلى مائلة
أنا من أذكرها بكِ
طيف أنتِ لها ولكنك لى مُجسدة
إن كانت عيناى جاحدة
فــــ عيون قلبى شاهدة
أراكِ نعم أراكِ
بين الحزن والحزن نائمة
بين الجرح والجرح نائمة
بين ضلوعى وضلوعى نائمة
أراكِ طفلة غزا الشيب خصلاتها الحالمة
أرى النسيم قد فارق أجوائك
واليأس يفرض قوانينه الصارمة
و أنا مثلك فى زنزانة الايام أترقب الزمن
أترقب عفوا لو آذ َن
راحلة ولكنك هنا
أخرج بكِ من كل الازمات والمَحَن
راحلة ولكنك مازلتِ الوطن
والمدن والميادين والشوارع والآزقة
لأ أرى من البشر من يوازيكِ
أو بكِ يقترن
راحلة ولكنك هنا
يا ضوء خافت ضوء الشمس به إنفتن

ليلى

كلما تبتعدى وترتعدى من البُعد أقترب
أطوف بنسيمك المتبعثر حولى
لعلى الزمان يرحم خفقاتى وينسحب
أطوف باحلام كانت بيننا
وذكريات تبكى لقدومى مازلت ِ تعتليها
مازلت ِ أميرة كونى التى أناديها
سندريلا
حاصرنى النسيان فى قصر ذكرياتى
طاردتنى كل علة
وقلبى محصن بــ حُبك
ولم يستجب
أهزم النسيان دوما و أتسائل لماذا ؟؟
فلا يجب !
جعل النسيان من قلبى مزارً لاعوانه
حاصره بحرس لا تغفل أجفانه
فعل كل ما فعل
ثار وأنفعل
دب الحريق فى أشجار حدائقى
فــ جاء ريحك الطيب القائه فيها
فــ أشتعل
فر هاربا و جاء الأمل يثمر أغصانه
جاء يوم جديد بعد ليلا يتكرر كل ليلة
تأقلم النسيان على الهزيمة كل ليلة
فـــ من حق من أنت ِ
الاندلس أم المغرب
يا ليلى

هتصدقينى

كتير باصدق اى كلام ممكن اسمعه
انسان وعادى ممكن يخدع
وممكن اى حد يخدعه
ممكن يعشق يفرح يجرح
ممكن اقل كلمة توجعه
انسان وعايش جواه فكرة واحدة
ان الاحزان مهما عملت فيه
لازم فى يوم هتودعه
زيى زى كل البشر
قلب وعقل و روح
جوة شىء فى الواقع مالهوش آثر
ده وصفى قبل ما اشوفك
تمثال م الجليد
من اول دقة فى قلبى ليك ِ انكسر
داب الجليد عارفة الجديد
انى النهاردة مش محتاج غير حاجة واحدة
تنسى حزنك كل حزنك
حزنك غيامة ع البصر
هتصدقينى لو قلتلك
كل حاجة فيا اتغيرت
فرحة كبيرة عايشها بحبك
حياتى الضلمة بشموعك نورت
احلامى الدبلانة رجعت زَهرت
هتصدقينى لو قلتلك
انا كل حاجة فيا بيك ِ إتاثرت

نفس الخنجر

نفس الخنجر
نفس صوته وهو جاى من بعيد
هدفه واضح
هدفه طعنة
هدفه يجرح قلبى من جديد
نفس الخنجر
صورة طبق الاصل منه
نفس الكلمة نفس النظرة
مشهد بيعيد فيه الزمان ويزيد
مشهد جراحه عاشها قلبى
كانت إيديها بتحفر فى قلبى
كل يوم بخنجر مريض
بكيت للزمن
صرخ الزمن
كل قلب يقرب منى
متهم معايا بالتحريض
أزاى يا زمن اقدر أخونك
وجرحى منك
محكوم عليه بالتجديد
فاتت سنين
ونفس الخنجر هو هو
نفس القلب
نفس القسوة من جوة
صدقته
لما قالى انه غير امبارح
صدقته
لما شوفت الامل فى عيونه طارح
صدقته وسلمت له قلبى
اتارى قلبه غدار وجارح
خدعنى شوقه وحنانه
نفس الخنجر
راح لقلبى
نفس الخنجر
عارف فى قلبى مكانه

إختيارى

أخطات عندما أخطات فى إختيارى
فـــ إختيارى لم يكن له قلبًًُ يدق
أو عقل دارى
لم تكن له عين ترى
بديلً آخر بجوارى
جعلتنى أشعر أنها بدونى جسد ً عارى
أنها حُرة فى حانة إمتلات بالجوارى
أن عشقها يملأ عيونى
وجدران دَارى
الصرخة الاولى كانت على يديها
أنا كنت كل ما لديها
الرمق الاخير كان لــ عينيها
خنجر مسموم اطل منهما
اخترق عينى وعقلى وقلبى
إخترق وجهى إخترقنى
أماتنى
لم انزف قطرة دم واحدة
فالموت سبق الخنجر
أنا لستُ شهيدك
الموت قبل غدرك أحاطنى
فــــــ أبتعلنى
لست ِ خائنة
ثوب الخيانة مازال نقى
ما كنتُ اعرف أن الخيانة
ملاكً بثوب ابيض
قبل أن نلتقى
والتقينا على دمعة واحدة
أتذكريها
اليوم نفس الدمعة عادت نادمة
..... مجرمة ؟!!!
نعم أنت ِ كذلك
وأنا القلب الاعمى
سجين اطلالك
..... مجرمة ؟!!!
والغدر يجلس يبتسم
أمام عينك وفى ظلالك
أخطات
نعم أخطات فى اختيارى
أخطات فى حق نفسى
وإن عدُ لنفسى
هل ستقبل إعتذارى ؟

حاولت

حاولت اهرب من زمان لــ زمان
حاولت انسا كل اللى بينا
وكل اللى كان
حاولت لكن ، ما قدرت ابدا
حُبك يا عمرى فى كل مكان
حُبك بداية حُبك نهاية
اول وآخر الانسان
لواكِ فرحة وضحكة جميلة
فراقك بحر من الاحزان
بحر ثاير
عواصف مطرة رياح طوفان
بحر ثاير
قتل فى طريقه النسيان
فراقك حياه وموت
من غير تفسير
زى مشرط بيداوى جراح
من غير تخدير
فراقك خريف انسان ضعيف
قلب بينزف جرحه مخيف
فراقك آلام
كوابيس بتقتل فى الاحلام
سنين بتجرى مفيهاش أيام
عمرى بِحُبك ابتدا
عمرى بفراقك يجىء الف عام
حاولت اكتب عن حبى ليك ِ
حاولت افرح بين السطور
هزمنى فراقك بضربة قاضية
عصفورة وقعت فى عش نسور
صحيح فراقكِ كان اقوى منى
لكن هواك ِ جوايا محفور
على وعدى ليك ِ انا لسة باقى
ابدا فى يوم ما اكون مكسور
على وعدى ليك ِ
واملى فيك ِ انك تعودى
تفرحينى بكلمة منك
يا اجمل لحظة عاشها قلبى
يا اجمل وردة بين ورودى

سندريلا

عشقت الحياه مرة اخرى عندما عشقتك
عشقت الحياه من اجلك فقط
انا طيرا حائر فى السماء
على مرساك ِ قد هبط
انا نيزك ظل مشتعل فى الفضاء

الى ان أمرته عينك بالسقوط
فــــــــــــــ سقط
انا قلب ً لو تركتيه ستتركه الحياه
فلا ترحلى
ربما الامر عليك ِ اختلط
سندريلا
اميرتى العلياء
فى عينيك ِ سحب الهوى متزاحمة
فامطرينى ولا تتركينى
احتوينى اذكرينى
انجبينى
اكـُتبى بيدك شهادة ميلادى
حطمى حاجز الصمت واصرخى
قولى لى انك ِ مازلتى تريدينى
ارى الدمع فى عينك يتساقط
فـــ هل لى بدمعة تروينى
هل لى ان اقترب اكثر منك
واسمع دقات قلبك وهى تنادينى
امسح بيدى دمع عينك
وفى عينك اختبىء من لفح انينى
سندريلا
اميرتى واميرة الاميرات
يا من تخجل من وصفها الحروف
وتنصهر الكلمات
إن قــَل حـُبك فى قلبى يوما
فاعلمى أن الربيع لن ياتى
أن الشمس لن تاتى
أن الموت قد مات
اعلمى ان الطيور ستهجر الاشجار
والدمع يهجر العيون
وتصير القلوب كالاحجار
اعلمى ان من يكتب الان
قلم قرر الانتحار
موجة فى وجه الاعصار
عقل لا يفكر
قلب اوشك على الانصهار
سندريلا
انا اعقل المجانين فـــ هل تعرفين
انا اسقى الهوى إن شاء
من ينابيع عينيك ِ
ومن يديك ِ
اقطف ثمار الحنين
من خصلات شعرك الاسود
اصنع خيوط الامل للعاشقين
فــــــ هل تعرفين
اننى احبك منذ آلاف السنين
المنطق يقول انها شهور
لكن فى عــُرف المجانين
انا اعقل المجانين
انا كل المجانين
سندريلا
انا مرادف الحب
كما الموت مرادف اليقين

نهر الحب

على ضفاف نهر الحب
اجلس ، ابتسم
بسمة صامتة
مباغتة
تفاجئنى دائما
تحتل افاق سمائى وعلى الشط الاخر
ارى احلامى فى عينه
كــ خطـ المدارينِ فوق الخارطة
اداعب رماله البيضاء
فى ليلة قمرية
مع احتضار الليل
وقطرات الندا المتساقطة

مع رحيل الفجر
وقدوم الشمس من عينيه
ابدا يوم جديد

استيقظ جسدا فقط
فالروح دوما مستيقظة
ترقب شطه الاخر من بعيد

تغتسل الاحلام فى كل صباح
من عين النهر المطلة
على كل وريد

لا اتحدث ولا يتحدث
الصمت بيننا اسير الخوف
الخوف بيننا هو بيت القصيد

على ضفاف نهر الحب
يتطاير النسيم ويرسم الامل
على جدران يأسى المتعجرفة
فتسقط الجدران
فوق رأس اليأس
وكأن النسيم بكل برائته
صار عبوة ناسفة
متلهفة
لقتل احزانى وملىء اوطانى
بالهوى
والهوى فى قلب النهر
نبضة تائهة
خائفة
على ضفاف نهر الحب
انثر نبضاتى فـــ تنبت
اشجار من الفيروز
تحملها جزوع ً نفيسة
تطرح الياقوت والزمرد
والمرجان والكهرمان
تنبت نبضاتً لـ نهر الحب
قديسة
انثر الافكار فــ تلد افكار
لا تـُكتب
ليس لها حروف
أبجدية الكون امام أبجديتى
هى ريم تهوى
أن تكون فريسة
على ضفاف نهر الحب
تجسد الحب فى طير حـُر
طائرا فى سماء عينى
قطعة سكر يذوب فيها المـُر
تاج عشق لرجل واحد
أنت ِ فيه الوفاء
والدُر

أصعب قرار

هتقدرى
تبعدى عنى
وفى يوم وليلة تتغيرى
هتقدرى
قلبى اختارك واخترتى قلبى
مش بايدى ابعد عنك
او بايدك لوحدك
ممكن تقررى
اصعب قرار
قرار البُعد
والاصعب
إن غصب عنك
دايما فيه بتفكرى
هتقدرى
تنسى حلم العمر
آاااه يا حلم العمر
عمرى كله فداك ِ
عمرى شمعة لـ ليلة واحدة
لو فكرتى بنورها تسهرى
هتقدرى
تعيشى بكرة من غيرى
وانا شايف بكرة من غيرك
حزين مهموم
ليه يا دنيا بحلم عمرى
تستهتر ِ
وتستكتر ِ عليا فرحة
استنتها العمر كله
غريبة يا دنيا بجد وتحير ِ
هتقدرى
تسامحى قلبى على عجزه
وهو شايفك بتغرقى
هتصدقى
كل ما احاول اعاتب نفسى
الاقى نفسى متحطمة
ورافعة لقلبى الف مـَظلمة
ألاقيك ِ ساكنة جوة منى
ورافضة منى تتحررى
هتقدرى
تستنى بكرة
بكرة جايز يجمعنا تانى
يا اجمل حلم وعُمر وصدفة
يا اول وردة على وش الارض
تظهرى
هتقدرى

كلماتك الاخيرة

اقرا كلماتك الاخيرة فى كل حين
حتى التصقت بجدران عقلى
كلما احاول الهروب منها
تتشبث العين بها
تعجز قدمى عن نقلى
التصقت بروحى وقلبى
بقلمى بـــ ورقى
بنفسى
التصقت بجسدى
فصار الجسد عين تبكى
دمع عينى جمر يكوى
كلماتك ملائكة تطعمنى
تعويذة تحرسنى
سماءً بالحب تمطرنى
كلماتك قصر من الامان
وانا منذ عصور لم اشعر بالامان
اجعلينى استكين بين كلماتك
انا قلب ً يملاه الخوف
انا القصيدة الفارغة من الحروف
اجعلينى همسة من همساتك
انا نغمة تائهة
ابحث عن لحن ً يأوينى
انا احبك حب ً
انت ِ فقط من تعرفى مقداره
وغيرك من البشر لا يعنينى

نفس الايام

كل خطوة عايزة تسبق الخطوة اللى قبلها
عايزة تنقذ روح بريئة
عايزة تلحق اجمل حقيقة
قبل ما ترحل عن ارضها

كان فكرى اقدر اسابق الزمن
اخدك فى حضنى واضمك
واقولك بحبك ، بحبك
انا زهرة وانت غصنها

نبض القلب كره الثبات
كره كل حلم عاش جواه ومات
اخر نبضة كانت فى قلبى
ماتت معاك من حزنها


دمع عينى نار بتحرق
نار بتأكل كل حاجة
نار ماشية جنب الموجة
وانا فوق الموجة
مركب بتغرق من همها

نفس الشط
بس فرقت معاه الايام
النهاردة من غير كلام
نفس الايام دى كرهتها


خلتنى احبك واطير فى السما
عصفورة طايرة تحت جناحك
انكسر الجناح
رجعت العصفورة لعشها

رجعت مهزومة مصدومة
مش واعية لاى حاجة
بس فى بالها حاجة
من جناحك تعمل كفن على ادها

لحظات القرب

لحظات القرب منك جنة
مين يا بشر فى الكون
يقدر يبعد عن حبيبه او يستنى
مين يتحمل وعد مؤقت للبعاد
على وعد يرجع تانى يتهنى
صعب
الصبر مـُـر والبعاد أمـَـر
نبض القلب بيجرى منى
وانا باجرى وراه
انا زى قلبى مضطر
انا زى قلبى دايب دايب
احساسى فى غيابك
بقى كله غايب
ما بقتش عارف البرد م الحـَـر
احساس جميل انى احبك
من حقى افرح
من حقى اضحك
من حقى اطير فى السما
من حقى اتغر
مين ادى انا فى العشق مين
نزل القمر علشانى دايب م الحنين
فارد جناح الهوا ونجومه السهرانين
بتقولى قرب قرب تعالى
فى قلب فوق عايزك معاه
فى قلب حـُـبك كل مناه
نادتنى النجوم ومن نور القمر
انا عقلى تاه
ونوره منك انت ِ
يا عمرى انت ِ
اكبر بكتير
من اكبر حلم كنت باتمناه

شمس النهار

حينما تريدين ان تعرفى قدر حبك فى قلبى
فإسالى الظلام النائم فى طرقاته
قبل قدوم شمس النهار
أسالى قلبك كيف حطمت قيوده
بمشاعرى المتدفقة كاالإعصار
إسالى قلبك كيف وصل لشط الامان
وهو يجهل فنون الإبحار
إسالى عينك كيف جــَعلت سماءها دواوين شعر
وجـَـعلت ارضك لا تمل من الامطار
العمر ايام
وانت ِ يوما واحد جعلنى انهار
أصاب عينى وقت الشروق بحالة من الإبهار
يوما احضانه دافئة
وقت الضحى طفلة بريئة تلفت الانظار
وقت الظهيرة انثى اصابت الاختيار
وقت الغروب سياف
انقض على قلبى بدون ادنى ارتجاف
انقض عليه متجاهلا كل القوانين والاعراف
وجاء الليل مرة اخرى
ليلا قتل بداخلى نشوة الانتظار
ليلا اخير لن تاتى بعده شمس النهار
ليلا عقيم لن ينجب يوم جديد
ليلا يملك كل الاعذار
حينما تريدين ان تعرفى قدر حبك فى قلبى
اذهبى الى مقبرة قلبى
إسالى زهرة الصبار
كيف كان حالها قبلى
ومن اين جاءت بهذا المرار
اجلسى بجواره قليلا
وعودى قبل غياب شمس النهار
غدا ينتظرك حبيبتى
اما هو
مثواه الاخير تحت هذه الاحجار

الشبيهة

تتجاهلينى
تتجاهلين الحلم النائم بداخلك
تقتلين كل احساس يحاورك
تقتلين مشاعرك
جعلتى من عقلك حاكمً مُتسلط
اسكنتى قلبك بين اناملك
اقمتى الموانع والسدود
جعلتى من نفسك قناص
يرصد الحب عندما يُقابلك
رداء القوة هو ردائك
ضعيفة
وفى صد المشاعر
تعجز قدمك ان تحملك
تتجاهلينى
ألا تعرفينى
انا حبيسة افكارك
انا الشهد الغارق فى مرارك
انا النبضة التائهة فى قلبك
انا الهدوء بعد قرارك
انا جسدا خفى
انا عقل ً باطن
يحمل نفس اسرارك
انا ظلك المار بجانبك
احمل نفس ملامحك
احتمل غرابة اطوارك
اعلم انك تعرفينى
وتتجاهلينى
انا من نجا من حطامك
انا من ارسلتى افكارك وراها
واعتقلتينى
انا وجهك الاخر
عندما يشتاق شىء بداخلك
لدفء مشاعرى وحنينى
انت ِ الحقيقة وانا الشبيهة
عندما تخضعين لى
ستجدى الايام طفلة
تداعبك وتداعبيها

حزن لا يموت

يتنافرون منك وسر الحياه يكمن فى داخلك
انت من اخترت ان تكون الحزن قبل مولدك
كانت امامك كل المقاعد خالية
وجذبك الدمع واليأس فى العيون الباكية
فلا تحزن من قلوبً تفر منك
ويكفيك انى بنفس الشعور أبادلك
يكفيك انى قتلت الفرح من اجلك فى ايامى
وجعلت من بحور دمعى مقبرة لاحلامى
لا تبتعد عنى فانت قدرى
و إن ازدادت منك الآمى
لن اخون عهدى معك
لن اتجاهلك يوما
او عن آمر ما سامنعك
ساظل معك
حتى الرمق الاخير فى حياتى
فالموت آتى لا مفر
اما انت فستحيا هنا
بين صحفاتى وكلماتى
فانت مخلد ، ملتصق بالزمان
لا تتشائم من وجهك الدميم
فهناك قلوب بوجه رقيق
بداخلها غدرً وسـُـم قد ملئ طرقاتى

حطمتك بيدى

بيدى حطمتك

صنعتى منى رجلا يعشق الحياه

جعلتى من عينك ِ حارسة

صنعت ُ منك إمراة افتقدت كل شىء

امراة بائسة
يأيسة

ما أنت فيه كان بيدى

جمعت قسوة البشر وطعنتك بمفردى

طعنت احلامك النائمة فى حديقتى

طعنت برائتك

طعنت نفسى يا نفسى

بيدى جعلت الخوف يجعلك موطنه

والدمع والاحزان والندم والحرمان

داخل ارض خوفك يستوطنه

بيدى اقامت عليك ِ حد لا يقبل النقض

كــ ذئب يملأ الغدر انيابه

حدد فريسته فاضعفها وارهقها

وفى لحظة الحسم عليها انقض

بيدى جعلت النجوم فى عينك ِ

اسراب خفافيش تطاردك

تخشِى النظر اليها

تخشِى ذكرياتك التى لديها

تخشِى على نفسك من نفسك

يا نفس خانتها نفسً كانت مقلتيها

بيدى احرقت حقول امالك

وجعلت النار تشتعل اكثر وتزداد

جعلت من اصابعى اشجار تمنع الريح

حتى تختنقى اكثر
أو تسيرى كأمالك رماد
بيدى صنعت لك ِ قيودً من نار
وزاد من نار
صنعت لك ِ قصرا
جدرانه من الذكريات المؤلمة
اعمدته تنتظر الانهيار
صنعت لك ِ خندق ً يحاصره
لو امدك الهروب ببعض الافكار
خندق ملتهب يهوى الانصهار
حطمتك بيدى

يوم رحيلك

رحيلك ليس نهاية العالم
لكنه نهايتى
كيف ابدا غدا
و قد نـَكس رايتى
كيف ابدا وغدا ليس فى يدى
كيف ابدا بدونك يا غدى
كيف ابدا غدا
وغدا قطع علاقتى بالدنيا
صارت الدنيا شبح يطاردنى
يقتل فى الحياه رغبتى
كيف أبدا غدا
فى ظل هذا الطقس السىء
تحملنى الرياح الهاربة الى اللا مكان
يقتلنى رزاز المطر فى كل اوان
وإن اختبئت
يضىء البرق غرفتى
يتسلل كاللص باحثا عنى
اغلقت باب الغرفة
فاقتحم شُرفتى
مات الحياء فيه
اباح للعاصفة ان تتجول بينى
وتحطم كل ما تراه عينى
هدف العاصفة
قتل برائتى
برائتك التى تحيا بداخلى
يبحثون عنها يريدون قتلها
يريدون قتلها يا حبيبتى
عاصفة تجتاح ضلوعى وأوردتى
عمياء صماء
يدا خفية تحركها نحوى
يد ً تريد تحديد إقامتى
فى غرفة حدودها مظلمة
اغراضها يأس ونار
وذكريات مؤلمة
تريد العاصفة إقالتى
لا
لن انتظر الاقالة
وِلدُ حر وسأبقى حر
يوم رحيلك
تقدمت للدنيا باستقالتى
يوم رحيلك
ادركت ان الايام تبحث عن الايام
والاحلام تفتقد الاحلام
ادركت انى ليل مسافر
بلا زاد
ادركت انى شهريار
الذى قتل الف شهر زاد
ادركت انك يا سيدتى
كنت ِ لى كل النساء
و جوهر النساء
ادركت انى بدونك الداء
الذى يسكن قلب الداء
ادركت ان مصيرى ليس بيدى
ان غدا برحيلك
لن ياتى يا غدى

حب وقت الفراغ

مشاعرك حبيبى هى كل الطبيعة
هى ورد الربيع بكل كيانه
هى أوراق الشجر وقت هذيانه
هى المطر و أعوانه
هى نسمة

يتخذ منها الصيف عنوانه
هى القسوة
هى البراءة الوديعة
الم تقل لى يوما أنى حبيبتك
سلمت لك قلبى دون أدنى تردد
فوضعته فى خزانة قلبك
وكأنه وديعة
لا تتذكرنى الا فى اوقات فراغك
تاتى إلى متلهف ً
متخوف ً من أفعالك الشنيعة
تطلق صراحى فأحنو عليك
فأنت تعرف أننى أشتاق إليك
فاتورة هاتفك باهظة
وهاتفى اشتاق لسماع صوتك
أشتاق لرسالة عابرة
كما أشتقت لـــــ لمسة يديك
مازلت أحتملك لانى أحـُبك
لانى أسيرة دفء عينيك
ضعنى على قائمة أعمالك
فأنا الاصدق بين كل ما لديك
أنا حبً لو فقدته لن يعود
أنا أحُبك فلا تجرح كبريائى
فــــ أنا انثى
كـــــ أى أنثى
أصنع من دوائى دائى

الطاغية

لست انا الرجل الساذج
الذى يبحث عن الحب
ولا أنت ِ كذلك
هل حقا يوجد شىء اسمه الحب
أو غير ذلك
لا أعترف بأى إمرأة سواك ِ
ما فى قلبى لك ِليس حب
فما يطلقون عليه الحب ليس اللا
عبدا بين يداك ِ
عبدا بلا قيمة
لكنه يسعد برؤياك ِ
جاء الحياه ليموت
ما فى قلبى لك ِ لا يموت
هو عبدا مثله
ليس عبدا لى او لك ِ
بل هو عبدا للسكوت
اترين التضاد المبهم فى كلماتى
مبهم انا حتى فى تفاصيل حياتى
مبهم فى الصباح والمساء
احلامى مبهمة
كلما تاتينى صحوة الاعتراف
يتجسدنى هذيانى
انا لا احبك يا سيدتى
من يعشق نفسه فى عالمى
شخص انانى
وانت ِالنفس النائمة فى داخلى
رحيق فى قلب وردة على غصن
فوق فرع فوق جزع
منغرسً فى احشائى
اطعمه بشريانى
انا لا احبك
انا اجهل كيف التعامل
مع امراة مثلك
قاسية
ذو كبرياء قاتل
وآحاسيس طاغية
تآمر ولا تخضع لأمر
انا اجهل كيف التعامل
مع امراة على دفئها
وحنانها متعالية
انا اجهل التعامل مع اى شىء
فانت لى كل شىء
من يرى كلماتى يتساءل
ماذا اريد
سكرات الموت تلاحق كلماتى
وكم من حرف فى وصفك
صار شهيد
انتهى مجد ابجديتى فانتظرى
احساسى بك ِ كل يوم
ياتى بحرف وليد
يا طاغية
كم انت ِ مرهفة الحِس
رغم تلك الجمود
انا لا احبك
انا حرف اشعل ذاته
ليضىء لك ِ الحياه
انا رماد حرف
اخذته رياح حنينك
الى نبض الحياه
انا لا احبك
انا لا وجود لى
اللا فى داخلك
فلا تقسى على نفسك
و اعلمى ان حياتى بدونك
لم تعد كما هى
يا طاغية

أرسم يا قلم

وشوشت القلم وقلت له
اكتب يا قلم
قالى اكتب ايه
احساسك ده مقدرش انا لوحدى عليه
خد بايدى حط سنى ع الورق
وقبل ما ابدأ أبعد شوية
وصفك جايز يخلى الورق يتحرق
حاول القلم
عَجز القلم
قلت له ارسم يا قلم
رسم قلب على هيئة بشر
جواه قلب تانى
جواه روح طايرة فى العلالى
جواها نفس طيبة
جوة النفس رحمة تِـنـَـطق الحجر
رسم القلم عيون من نور القمر
الننى فيها صافى وبرىء
جواه دنيا أخرها جنة
جنة وفيها الغدر مالهوش آثر
بستانها فيه م الورود كل الوانها
وردة صفرا وردة حمرا
وكل وردة فى قلبى عارفة مكانها
فراشاته سارحة
فى عيونى سارحة
وقف القلم ..... مالك يا قلم
قالى سنى من وصفك حاسب ينكسر
ارسم يا قلم
رسم نهر حدوده الخوف حارسها
شواطئه مجروحة .... احلامه مدبوحة
رسم حلم عايش جواه
فى قلب الحلم امل يشوف الحياه
فى قلب الامل يقين
أنفطر
ارسم يا قلم
رسمنى مركب فى النهر تايه
رسمنى دمعة فوق الشفايف
رسمنى قلب ضعيف وخايف
رسمنى فى غربة من غير سكن
متغرب زى الموت مالهوش وطن
ارسم يا قلم

عيناك ِ سمائى

عيناك ِ سمائى
جزيرة فى قلب بحر الحياه
جزيرة الحب
وما كان يعرف الحب اننى بك ِ
ملكت مفاتيح الحياه
لا يعرف اننى بك ملك ً متوج
جعلت منك تاج لراسى افتخر به
وجعلتى منى ملك متواضع
يجلس بين رعاياه
ملكً يآمر وينهى
وفى حضورك طفلً لاتحمله قدماه
السحر الطاغى على عيناك ِ
افقدنى كل الحواس
عيناك ِ نيزك اخترق غلافى
فاستسلم كل ما بى لك ِ
احبك بعدد اوراق الشجر
وحبات المطر
احبك بعدد ما أتت به الروح
وما آتى من انفاس
عيناك ِ سمائى
سحبى الزرقاء والحمراء
قلبى المحلق فى الفضاء
لو بيدى لجعلتك مستيقظة دائما
فــ ضوء عيناك ِ
من يَهب للكون الحياه
من يَهب لى السُلطة
وكل ما اتمناه
تلقبينى بالمجنون احيانا
والزئبق احيانا
طفلك الاوسط احيانا
وتنسين دوما اننى حُبك الاول
وحـُبك الاخير
انا مستعمرتك
النبض والفكر يسرع اليك ِ
ليكون بين يديك ِ اسير
الاسماء والاحلام بداخلى
تفتقد فى غيابك التعبير
الوجدان اغلق نوافذه
و لن يقبل التغير
آترين يا حبيبتى
قلتها لك ِ قبل يومنا هذا
وساكررها للمرة الالف
انا عبدا لا يهوى التحرير

عيناك ِ سمائى

عيناك ِ احلام مسافرة

الى كل البلدان

عيناك ِ قطيع ذئاب

يلتهم الاحزان

عيناك ِ نهرين للحب

لم يغرق فيهم قبلى إنسان

انا يا سيدتى لست ُ كــ غيرى

انا احتمل واحتمل فـــ تمنى على

اصل بـِحُبـِك الى قلب البركان

بداخلى شوق ً

وحب ونبضات قلب

لو اطلقتها

تهتز الارض ويشيب الزمان

عيناك ِ سمائى

عيناك ِ الدقيقة الاولى بعد الستين

الساعة الخامسة والعشرين

اليوم الثامن

والثانى بعد الثلاثين

الشهر الثالث عشر

العام المتجانس مع عقارب السنين

عيناك ِ معجزة هذا القرن

والقرون القادمة من حينً الى حين

شهد كانون الثانى تاريخ ميلادك

وشباط ازدحم شاطئك بالمعجبين

جاء آذار ليتوجك ملكة له

ونيسان اوقف افعاله

كيف لربيعك ان يستمر

فى طقس تشرين

عيناك ِ فصل استثنائى

عيناك ِ سمائى

عيناك ِ لــ جنة الخلد مرآتى

ارى من خلالها دنيا

مملوءة بالصدق والحب

فماذا اقول لك يا مولاتى

ماذا تقول الارض الجوفاء للامطار

ماذا تقول الاقلام للأحبار

ماذا يقول الجسد العليل للدواء ِ

عيناك ِ سمائى

عيناك ِ مياه دولية

حيث الحرب واللا حرب

حاملة نبضات متنقلة

تهدى النبضة التائهة لكل قلب

فى عيناك ِ ابحر دائما بلا شراع

فــــ حبك شراعى

وحبى طفل بين يديك ِ

يحمل صفاتى وطباعى

حبك زادى ومتاعى

تعلمت كيف يكون الحب على يداك ِ

ومن يريده عليه إتباعى

عيناك ِ ردائى

عيناك سمائى

اخشى عليك ِ من حروفى وكلماتى

اخشى عليك ِ من حبك الطاغى

على كتاباتى

لو جُن احد مما يقروءن لى

و راى الحرف كما تريه

لـــ عـَلم من انت ِ

و عــَلم انك الدنيا التى تحتويه

يا حب يجهل الحب

انك الحب باجمل معانيه

عيناك ِ بقائى

عيناك ِ سمائى

هى ليه الدنيا صعبة كده
ليه الفراق مكتوب عليا
ودموعى سارحة فى كل طريق
بتضيع كل حاجة من ايديا
ونبض قلبى حاسه بطىء
سالت نفسى
لاقيت فى نفسى حب برىء
وخوف كبير مالهوش تفسير
من ايه يا نفسى
وحبى ليك ِ بكل الدنيا
حب عايش من غير تفكير
شخصية صعبة طيب وماله
انا قلبى قادر ع التغير
قادر يحبك وياخدك بعيد
يرسم حياتك
يمحى اهاتك
وكل شىء بالتحديد
قادر يغير خط سيرك
وفى كل يوم حلم جديد
بس انت ِ شاورى
هتلاقى قلبى سفينة ممكن
طيارة جايز
قطر ماشى على سكة حديد
انا شجرة عايشة من سنين
جذورها ماتت م الدمع الحزين
دابت الارض من حزنى
طردت جذورى
طلعت جذورى
على صرخة موت مالهاش مثيل
فاكرة حبيبتى واحد وعشرين ابريل
ده يوم ميلاد حبنا
انا فاكره كله بالتفصيل
كان يوم الاتنين
يوم الحنين
يوم شم النسيم
كان يوم الورود
كان يوم جميل
يا اجمل وردة مالهاش بديل