BLOGGER TEMPLATES AND TWITTER BACKGROUNDS »

الأربعاء، 23 ديسمبر، 2009

تتجوزينى ( 2 )


موافقة
طب و دى عايزة سؤال
موافقة
من غير نص ريال
موافقة
بس بكلمة راضينى
بحبك
قربك ده منى عينى
موافقة
بس أطلب وأتمنى
موافقة
هأخلى حياتك جنة
هأحبك أكتر وأكتر وأكتر
بس تعالى هنا وأستنى
مفيش ولاعة ولا شماعة
نومك هيكون جوة فى قلبى
نومك هيكون جنب ولادك
أنت تراعى وأنا هــ أربى
عايزة ولادنا
صلاح الدين
مصطفى محمود
وأخر العنقود فى جمال باربى
بحبك حــُب
والعالـِم ربى
عايزة أحسك فى كل حياتى
أب و أخ و أبن حِنين
عايزة اعيشك حب كبير
لو تغضب منى اوعى تـِبين
عايزة احسك كل بلادى
أهلى وناسى و كل ولادى
مش محتاجة غير كلمة تقولها
تملك بيها قلبى وعمرى
كلمة تنور بيها حياتك
تملك بيها حياتى وأمرى
بــــَحـــــــبـــِـــك

35 التعليقات:

اسماء واحلام فى وجدانى يقول...

اول


تعليق


فى


الامانات

سلمى يقول...

طيب وانا تانى تعليق
اقرا واجى

سلمى يقول...

ربنا يخليكو البعض
الحمد لله وفقت
فقط
كن عند حسن ظنها
دمت بخير

فكرة من الزمن ده يقول...

مين امانات ده
امانات ربي امانات

فكرة من الزمن ده يقول...

فكرة جاية تشكرك جداااا وكل الناس الجميلةاللي قالت يااارب وده كان عشمي
وربنا بيستجيب لدعائنا والزمة بتنفرج وعشان كده حبيت اطمنكم زي ما طلت نكم الدعاء

فكرة من الزمن ده يقول...

الله جميل اوي اوي يا احمد بجد
خفيف ومبهج
ومفرح ويدعو للتفاؤل

وكلامه كله حنان حقيقي واحساس حي

نومك هيكون جوة فى قلبى
نومك هيكون جنب ولادك
أنت تراعى وأنا هــ أربى


وأخر العنقود فى جمال باربى
بحبك حــُب
والعالـِم ربى

طيب ليه باربي
ماله الجمال الشرقي يابني


كله يعتمد على الجينات برضو



عايزة أحسك فى كل حياتى
أب و أخ و أبن حِنين
عايزة اعيشك حب كبير
لو تغضب منى اوعى تـِبين
عايزة احسك كل بلادى
أهلى وناسى و كل ولادى



اجمل كلام ممكن يتقال حقيقي

فكرة من الزمن ده يقول...

موافقة
طب و دى عايزة سؤال
موافقة
من غير نص ريال



موافقة من غير نص ريااال

الكلمة دي انا سمعتها فين؟؟؟؟؟
الف مبروك

ههه شريرة برضو في الافراح

ليس فقيرا من يحب يقول...

هههههههههههههههههههد

طب الحمد لله اهى موافقه اهه

يبقى مفيش اى مشكله

ربنا يحققلك كل احلامك

فكرة من الزمن ده يقول...

حلوة الصورة
واكيد الشبكة قطة
ههههههه

إبتسامة ملاك يقول...

انا جه


وسعولولى

ممممممممممممممممممممممم

إبتسامة ملاك يقول...

احجز طالما محدش حجزززززززززززز


ماما الفراغ
ميمايا

حنين

وردشان
ايوشتى

جارة القمر
فراشتى
وردتى

سجود
نوارة
يويو ثم يويو

ونهر الحب

ومين هاااااااا
؟؟؟؟؟؟؟؟؟؟؟؟؟؟

إبتسامة ملاك يقول...

طبعآ جميلة يا احمد

طلعه من قلب طيب مبيعرفش يغش ولا ينافق
قلب انسان محترم
سعيدة بجد انى بعرفك

إبتسامة ملاك يقول...

ربنا يسعدك يا احمد ويبعد عنك اى شر

ويحفظك لاهلك

وردشان smilyrose يقول...

الله حلوة قوى يا اخى الغالى

وكمان ننوسة حجزالى ربنا ما يحرمنى

منكم يارب ويخليكم لى

وردشان smilyrose يقول...

موافقة ومن غير نص ريال

اه طبعا لازم توافق مش هتفرح باحن

قلب فى الوجود

هههههههههه

ربنا يكرمك يارب ويحفظك من كل سوء

ويخليك لاخواتك


ويارب يارب يارب يارب

نفرح بيك يارب ويفرح قلبك

اللهم آمين

وردشان smilyrose يقول...

نوووووووووووووسة

ربنا ما يحرمنى منك يا قمر

وبلاش الرسايل المجنونة بتاعتك دى

بحبك اختك

وردشان smilyrose يقول...

فكرة

ربنا يكرمك يارب ويتم شفاؤه على خير

والحمدلله انه بقى بخير يارب دايما

romansy يقول...

طب يا ابو حميد الف الف مبروك
والنبى شوفى اختها بقى ولا بنت عمها
طالما مش عاوزه حتى النص ريال
بس يا عم احمد حقها محفوظ عندى مهرها حبى وقلبى
وغير كده الربع جنيه موجود فى جيبى
ربنا يتتم بخير
بس انت استاذ فى العاميه زى الفصحى واكتر

7annen يقول...

موافقه من غير النص ريال ؟

يعنى المفروض تدفع 25 قرش
وكمان استكثرت النص ريال
انت بخيل ولا ايييييه ؟

عابرة سبيل يقول...

سعيدة جدا
لانى سكنت فى كلامك
وفكرة اعترفت كمان بوجودى
موافقة من غير نص ريال
ده كان تعليقى البوست اللى فات وانت كتبت نفس الجملة هنا فى البوست ده
كلامك ده حلم كل بنت ان حبيبها يكون اخ وابن واب وصديق والغريب ان اللى كتب الاحساس ده ولد مش بنت قولى بقى عرفت الكلام ده منين يا استاذ
انا كنت مستغربة منك فى بوست مدينة النساء و بوست كان ياما كان بس دلوقتى بعد ما دخلت فى تفاصيل احلامنا اللى نادر لو لاقينا الراجل بيحس بيها انا متاكدة انك حاسس بينا بجد بعيدا عن الوزن والقافية واسلوبك
كفاية الاحساس الحقيقى اللى عايش جوانا وانت كتبته وكانك قلت اللى نفس كل بنت تقوله

الفراغ يقول...

الكلام جميل جدا
والاحساس اجمل واجمل
دا حلم كل امرأه
تسلم ايدك وافكارك


وكمان اشكرك على ردك السريع لساره

sookra يقول...

احمد بصراحه القصيدتين حلوين اوى الجزء الاول والتانى
تخيلتك وانت واقف بتتكلم مع زوجه المستقبل وهى بترد عليك
وبصراحه يابخت اى ست واى راجل لو هما الاتنين كدا

بدراوى يقول...

جميلة يا احمد
بس الأولانية احلى
و بعدين مش بلحق اعلق يا عم كل يومين بوست بالراحة شوية يا عمنا
عشان الحق اتابع

سجود يقول...

السلام عليكم
من كتر الحسد النت عندي فصل
وانا بتكلم من عند خالتو علي ما النت يرجع بس اكيد مش هحلق التعليق الاول الا لما يرجع النت عندنا

سجود يقول...

جميله ماشاء الله الكلمات
ربناااااا يزيد
وبعدين انا برده اللي تعباك ؟؟
هههههههههههههههه

donya يقول...

اناااااااا هو مش غايبه والا حاجه
الله يسلمك
ليه بتقول يرفض التخلي عن فكرتي
ابدا
انامؤمنه ان الانسان الواثق من نفسه لايمكن يكون مغرور بالعكس بيكون متواضع
ومابيتكسفش يقول مااعرفش مش فاهم

والانسان المغرور بالونه مليانه هوا فقط وبيداري ده ورا الهاله اللي بيعملها حوالين نفسه علشان مايبنش علي حقيقته
اي ان المغرور انسان جاهل

ادي الموضوع عندي ببساطه:)


تحياتي

donya يقول...

القصيده جميله جدا

مناسبه للي قبلها جدا


وكلمة بحبك دي انا بعتبرها مسؤليه جااااامده جدا

لازم الانسان يكون قدها

تحياتي

donya يقول...

مساء الخير
طيب مااحنا متفقين اهو
بتطلع علينا اشاعات ليه بقي
ههههههههه

كل كلمه قلتها عن مسؤلية كلمة بحبك انا متفقه معاك فيها
وخصوصا اخر كلمتين


ان ده شئ نااااااااادر

تحياتي

donya يقول...

مساء الخير

ماهو نادر لشئ في الوجود
قليل بس موجود

شكرا علي دعائك

تحياتي

mimi يقول...

لو مش كانت وافقت كنت دبحتها وعلقت رقبتها في ميدالية موبايلي

احنا بنهرج هنا

المسلم الصغير يقول...

السلام عليكم ورحمة لالله وبركاته...
اولاً بتأسف على التاخير
ثانياً حلو قوي كدة اظن مفيش حاجة تاني ومش مقصرة في حاجة اتوكل على الله وربنا يتمم على خير ويا رب تحقق كل اللى انت عاوزة
دومت بخير

لولا وزهراء يقول...

ايه الجمال والروح الحلوه اوى دى

تسلم الايادى اسلوبك تحفه بجد

تقبل ارق الامنيات بالسعاده

انسانة يقول...

موافقة طبعا

بس عندى شرط تبطل تكتب هنا

saragebaly يقول...

ايه ؟؟

ايه يعني؟؟؟

خاصمت مدونتي ولا ايه؟؟؟

ولا القطط منعوك تدخل مدونتي حدادا على الي حصل مني في حق قطة؟؟!!

طيب عرفهم اني مليش ذنب

وكفايه لوح الزجاج الي اتكسر على دماغي .. بسبب طنط القطة


في انتظارك

دمت بخير

سارة

فراشة يقول...

جامدة يا احمد
والله تحفه