اشارة مرور

طريق حياتى اشارة مرور
الحزن فيها قتل السرور
نفس اعدى الخط الابيض
لو حتى فى ونش مجرور
او أخد مخالفة
واركن ع الرصيف واثور
طريق حياتى اتجاه واحد
فيه الرجوع ممنوع
وادينى واقف من زمان
من 1200 اسبوع
شوفت الخيانة بتضحك
شوفت البراءة دموع
قلت اضحك فى مرة
وكفاية اعيش مخدوع
بعت البراءة وبعتنى
لحلم هزيل مكسور
فيه الامانى بتدبل
فيه الامان مغرور
طريق حياتى مش عادى خالص
طريقى كله صدوع
بين كل حلم وحلم
مطب صناعى مزروع