إنسان خواف

قلبى أنا إنسان خواف

مركب ماشية من غير مجداف

بتطلع ناس وتنزل ناس

والدمع فى عينى مبقاش بيخاف

مصاحب عينى ليل ونهار

وبيكوى فى قلبى بدون اعذار

العقل إتيتم م الافكار

والعمر خلاص كله إنهار

قلبى إنا إنسان خواف

قصر كبير صافى شفاف

جدرانه م اليأس مالهاش أوصاف

مفيش أسوار ولا حراس

أبوابه الحزن

شبابيكه م الماس

اللى يقرب يشوف الجنة

جنة قلبى ما بتنداس

مفتاح قصرى فى أيد الحزن

مفتاح أبيض رقيق حساس

شرط الحزن للى يقرب

لازم يشرب نفس الكاس

كاس المـُر على بوابتى

طعمه المـُر ده كل حكايتى

فيها نهايتى قبل بدايتى