كان ياما كان

كان ياما كان
بنت جميلة قلبها طيب
بس الدمع لعينها قـُريب
حاولت تعرف فين الحب
قابلها الحزن بشكل يـِشـَيب
خان أحلامها باع أيامها
شعلة نار بتزيد فى ألآمها
حاولت تبعد عنه فى مرة
حاصر الحزن كل كلامها
حاول قلبى يقرب منها
حاول يعرف أكتر عنها
لاقى جواها قلب كبير
وروده دبلت قبل أوانها
حاول يعرف أكتر وأكتر
لكن الحزن سبقه بثانية
حطم فيها كل كيانها
ياما قلوب حاولت تعرف
رجعت دايبة من أحزانها
لكن قلبى حزين م الاول
حالف يقتل فيها شجنها
كل هموم الدنيا لقلبى
ذرة بسيطة فى بحر حنانها