BLOGGER TEMPLATES AND TWITTER BACKGROUNDS »

السبت، 12 ديسمبر، 2009

لحظات

فى سمائى الملبدة بالغيوم
والسحب السوداء
تتعالى أصوات الرعد
بشدة وإستياء
تحاصر أضواء البرق عينى
فتنزف عينى دماء
ينبض القلب نبض ً
يؤرقنى فى كل مساء
تشققت أرضى
ماتت الازهار والاشجار
والحلم يراودنى أن تمطر السماء
مهلا يا عينى
دمعك لن يروى ارضى
مهلا يا عينى
لن يفيد البكاء
إنهارت أعمدة قصرى فوق رأسى
ومازال بداخلى حلم البقاء
مازلت أحيا على أمل
أن تآمر السماء لأرضى بالماء
أن تعود عقارب الساعة
فى أحلام اليقظة الى الوراء
أعيش حلم عمره لحظات
وأعود مع العقرب العائد
من حيث جاء

73 التعليقات:

Somaya Kamal El Din يقول...

اوووووووووووووووووووووول

تعليق

Somaya Kamal El Din يقول...

وكمان تعليق عشان الحبايب

والناس اللى وحشانى موووت وصحابى

واى حد فاكرلى حاجة حلوة

ههههههههههه

حاسة انى ببعت اهداء

Somaya Kamal El Din يقول...

اخبارك يا احمد ؟؟

طمنيى عليك

سجود يقول...

التاااااااااااااااااااااااااني

Somaya Kamal El Din يقول...

كفاية كده

اعلق احسن :D

سجود يقول...

بحجز لكل اصحابنا المحتلين

Somaya Kamal El Din يقول...

ايه الحلويات دى

بجد تحفة مووووووت

إنهارت أعمدة قصرى فوق رأسى
ومازال بداخلى حلم البقاء

عجبنى اوووى الجزء ده

سجود يقول...

ماشي ياسميه اخدتي الاول طيب تعالي نقسمه عليا انا وانتي لان انا وانتي داخلين مع بعض
ههههههههههههههه

سجود يقول...

طيب اروح اقرا بقي يعني مش معقول مش ابقي الاولي وليا عين احتل
ههههههههههه

Somaya Kamal El Din يقول...

عشان طيبتى وكرمى واخلاقى وكل الناس الحلوة دى

هاخد تلتين واديكى تلت حلوة كده

:D

سجود يقول...

ههههههههههههههههههههههه
انا موافقه

سجود يقول...

ياجماعه انا ليا تلت التعليق الاووووووووووووول
ههههههههههههههههههه

سجود يقول...

يلا اعلق بقي ع الموضوع انا قراته خلاص لحسان نلاقي انا وانتي نفسنا مطرودين من المدونه لان اصحابها زهقوا مننا

Somaya Kamal El Din يقول...

حلوين اللى يسمعوا الكلام


قشطات

بقولك هتنازل لك عن الاول

عشان نيتك الصافية دى

بس اياكى تعمليها تانى والاقيكى جاية تحتلى
ههههههههههه بهزر

سجود يقول...

ليه الحزن ده
هااااااااا
ممكن نعرف
إنهارت أعمدة قصرى فوق رأسى
ومازال بداخلى حلم البقاء
مازلت أحيا على أمل
أن تآمر السماء لأرضى بالماء
أن تعود عقارب الساعة
فى أحلام اليقظة الى الوراء

جميل البوست كالعاده
ماشاء الله
جزاكم الله خير

سجود يقول...

هههههههههههههههه
وانا اللي فكرتك بتتكلمي جد
واء واء

Somaya Kamal El Din يقول...

بهزر اياكى تعليها تانى وتحتلى


والتعليق الاول هدية منى ليكى يا باشا
:D

Somaya Kamal El Din يقول...

بقولك مفيش غيرنا هنااااااااا

نقعد براحتنا

اتى صحيح كليه ايه

سجود يقول...

انا تربيه لغه عربيه

سجود يقول...

بس هنعد نتكلم هنا ؟
هههههههههههههههههههههههههه
صدقيني هنطرد يلا نمشي بكرامتنا احسن

نهر الحب يقول...

ايه ده

سجود يقول...

في ايه
؟؟؟؟؟؟؟؟؟؟
هههههههههههههههه

نهر الحب يقول...

أنا جيت
أحتل
وأعوض الغياب

نهر الحب يقول...

حمد على السلامة

نهر الحب يقول...

سأقرأ وأعود

سجود يقول...

طالما انا موجوده ع الجهاز يبقي نو احتلال لكن سميه فلتت المره ديه مني
ههههههههههههههههه
اااااااااه يانا
الله يرحم اما كنت مش بعرف اجيب التعليق الاول وكنت ببقي ع الجهاز

نهر الحب يقول...

كلام جميل وكلام معقول
ما أقدرش أقول حاجة عنه

نهر الحب يقول...

بس كده فيه عليك دين ولازم ترده

Somaya Kamal El Din يقول...

انتوا هتحسسونى بالذنب ليه يا جماعة

خلاص متتخانقوش وقسموا التعليق الاول مع بعضكم

والمرة الجاية يجيب لنا تعليقات اووولى كتييير

نهر الحب يقول...

وأنا درعمية
إيه يا سجود؟

نهر الحب يقول...

أهلا يا سوسو
عاملة ايه يا قمر

Somaya Kamal El Din يقول...

مس مس معلش اسال سؤال

يعنى ايه دراعمية

Somaya Kamal El Din يقول...

قشطات

ابلة ابلة امى بتسلم عليكى وبتقولك فهمينى ايه درعمية دى

مش عندنا فى المنهج

:D

نهر الحب يقول...

ايه نمتوا؟
رحتوا فين؟
هل من مجيب؟

Somaya Kamal El Din يقول...

انا هنااااااااااااااااا

نهر الحب يقول...

درعمية يعنى كلية دار العلوم
أساس اللغة العربية

Somaya Kamal El Din يقول...

اااااااااااااااه فهمت


بس ازاى دار العلوم ولغة عربية

افهمها ازاى دى انا

معلش اصل كنت ادبى مفمخى على قدى وكمان قصيرة ههههههههههههه مخى قرب ينقرض يا جماعة

نهر الحب يقول...

ايه ياشاعر الرومانسية السكندرى
أين أنت الآن؟

Somaya Kamal El Din يقول...

اممممممممم

تفتكرى زهق منينا

ولا شكلنا هنطرد

اهىء اهىء اهىء

سورى يا عمو مش بعل كده تانى
:D

الايــــــــــام يقول...

سوف تتحقق الأمنيات بإذن الله ويعود الامان والامل والفرح الى قلبك وحياتك العمر كله وليس لحظات


أتمنى أن تكون بخير
وأتمنى أن يكون الخير لك

فكرة من الزمن ده يقول...

لا ده تزوير
البوست نازل محتل جاهز يعني نبيع كبدة وسدق يعني ولا ايه

فكرة من الزمن ده يقول...

ايه الحزن تاني ماكونا كويسين


يمكن مود الشتا والبرق والرعد في ايه بس

فكرة من الزمن ده يقول...

ومازال بداخلى حلم البقاء
مازلت أحيا على أمل
أن تآمر السماء لأرضى بالماء
أن تعود عقارب الساعة
فى أحلام اليقظة الى الوراء
أعيش حلم عمره لحظات
وأعود مع العقرب العائد
من حيث جاء




جميلة جميلة جميلة بجد

والله جميلة
الجزء ده كله اجمل من بعض كل كلمة وكل تعبير وكل معنى اجمل من القبله
حتى وان كان في حزن لكت جميلة
لكن ما قلتش ليه الغياب
اكيد الجيش
هههههههه

7annen يقول...

نفسى ربنا يكرمنى واحتل البلوج دا
اذاى معرفش بقى


بس دا ميمينعش انى اقولك ان البوست اكثر من رائع

وردشان smilyrose يقول...

السلام عليكم

اخبارك يارب تكون بخير حال

كلام جميل ومؤلم

ينبع من قلب يعانى كثيرا

اخى الغالى أسال الله لك العون

وان يذهب عنك الالامك

ويفرح قلبك دائما

الفراغ يقول...

رغم الحزن اللى كنا هربنا منه
فان الكلام منطلق وجميل
وبرضه فيه شوية امل...ورجاء...وسماء...
هههههههههههههه
تسلم ايدك

سؤال خبيث شويه
انت مش قلت انك هاتاخد اجازه

هو انت بتضحك علينا!!!!!!!!!!!

فكرة من الزمن ده يقول...

الواحد المش محترم ده جالي في بوست يالا بينا 1
وقال كمان كلام سافل
لكن مكان السفالة هو الزبالة والقافلة تسير
ومبروك العفاء من الجيش
لولولولي لازم ندبحلك دكر جبنة
بالمناسبة دي
الحقوو يا اهل بلوجر احمد بتاع القطط اخد اعفاء النهاردة
سرك في بير

فكرة من الزمن ده يقول...

ابونابرت

فكرة من الزمن ده يقول...

ماما الفراغ
شكلك مزهقها وعايزة تريح منك شوية

انا باهدي النفوس

Somaya Kamal El Din يقول...

الف مبروووووووك يا احمد

على الاعفا من الجيش

mimi يقول...

أحمد ،
شكري وشكرية
والناس اللي رايحة
والناس اللي جاية
بيقولولك إنت منور مدونتك
بس إنت غبت عننا كتيرررر مش شوية

mimi يقول...

الاحتلال ... شغااااال
.... شغااااااااال

mimi يقول...

من هذا التعليق أرحب بسجود ... صديقتي وأرحب بسمية كمان

أجدد محتلين في عالم بلوجر

هيييييييييه والله زمان يا فكرة

mimi يقول...

مبرروووووووووووووك

مابروووووووووووووك

ألف ألف مبروك

علي الإعفاء يا بو حميد

وعلي الجبنة كمان .. عقبال يارب اللي في باللي ياااارب

mimi يقول...

البوست حلو أوي بجد

بجد بجد راااااااااائع ،، يارب علي طول مبدع

mimi يقول...

دافنينه سوا إيه بس ..

أمتي واكلينه سوا
شاربينه سوا ، شاويينه سوا ..

مفيش عزومة يعني ؟

mimi يقول...

الشريرة نزلت بوست جديد

نيااااااهااااااااا

فكرة من الزمن ده يقول...

ايه اللي بالك في شر دفين لا اعلمه ولا ايه ياميمايتي
كده برضو
انا قلت لك على سر الاعفاء قولي بقى

فكرة من الزمن ده يقول...

احمد شكلك فرحان بالاعفاء
ومش بتقرى التعليقات كويس
ولا اخدت بالك لما ابونابرت جي يسلم عليك
وروحت على بوست قديم

فراشة يقول...

حمد الله على السلامه يا احمد
ايوه كده عالم التدوين بجد نور تانى
البوست طبعا تحفه
بس ليه الحزن ده
ده الواحد عايز اللى يخرجه منه
لكن انت مبدع فى كل حالاتك طبعا

sookra يقول...

مبروك الاعفاء
بس ليه
وش خبيث
هههههههههههههه
رائع ومبدع زى العاده
مساك شيكولاته بلون قلبك

adel يقول...

حلو بس كنت اوصف لرعد و البرق و النوة و الليالي المطيرة دي :):)

بس لا تمام ... و ياعم ليه تعيط و تروي الارض
ماية النيل تمام و ملوثة :)

فكرة من الزمن ده يقول...

والله انا ماروحتش لحد اقول
انا قلت سرك في بير
كل الناس نطت في البير عشان تعرف السر

اقصوصه يقول...

وهل نستطيع ان نواجه قسوة الحياه

بغير الالم والاحلام ؟

saragebaly يقول...

إنهارت أعمدة قصرى فوق رأسى
ومازال بداخلى حلم البقاء



وكأن هذا الحلم هو النبضة التى تدق بداخلنا .. تحيينا

نرجوها بألا تتوقف

فعندها نتوقف نحن .. معها


غريبة

أن تتعلق أنفاسنا .. بحلم

لا نعلم تحققه ام انه بعيد المنال


سارة

إبتسامة ملاك يقول...

ازيك يا احمد

حمدالله على سلامتك

هرجع تانى

ايوشة يقول...

انا جيت اهو :)
انا بقى هقول رايى بصراحة البوست حزين جدا وانا اتعودت اشوف البوستات فيها امل كده اتمنى ترجع تكتب تانى بتفائل
البوست جميل تسلم ايديك بس احنا عايزين امل وتفائل

الفراغ يقول...

بقا كنت هاتغيب علشان الاعفا من الجيش
هو دا غياب ده
ياراجل افتكرتك هاتغيب شهر ولا اتنين
وقلت رايح تعملك عمره ولا تزرع القراطين بتوع عم ابو احمد الله يرحمه

الف مبروك الاعفا من الخدمه العسكريه
خليك فى الخدمه الثقافيه والعلميه البلوجريه الهادفه
وعايزين بقا(( امــــــــل ))يكبر ويرعرع ويملانا فرح...ويملا البيت كتاكيت صغيرين

فدا الاسلام. يقول...

الف مبرووووك الاعفاء

ساره يقول...

احمد الغائب المبدع
لحظاتك حزينه
واختك بتخاف من الرعد والبرق :(
بس احب المطر :)

الحمدلله على السلامه

'' حطام (ك) بقايا '' يقول...

اصبحت احس اني في كل مرة اكرر نفس الكلمات
كلمات حقا حقا حقا راااااائعة جدااا و حزينة قويييي

لا تياس يا احمد
فبادن الله الامل موجود
و ستتحقق الامنيات و لو تاخر \لك
لكنها لا محالة ستتحقق
و ستغمرالسعادة قلبك با\ن الله

اخبارك ايه يا حمد
عامل ايه
ربنا يوفقك يارب

سارة احمد يقول...

ربنا يخليك يااحمد علي تشجيعك ليا...شكرا بجد علي انك رجعتني تاني امسك القلم...الراتابة والملل والحزن كانوا خلوني مليش نفس اكتب حاجة...وقلة ثقتي علشان الاغطاء الاملائية الي عندي كمان خلوني مش ليا نفس لحد ماقولت لي واية يعني...دا بقي شكرا علني رسمي فهمي نظمي:)ادام الناس كلها...وتسلم ايدك علي البوست ياملك الرومانسية

nahed يقول...

ومازال بداخلى حلم البقاء
مازلت أحيا على أمل

أجمل حاجه فى الدنيا إننا لما تضيق بنا قوى بحس ان ربنا دايما جمبنا بيدنا الامل وحتى ولو الامل ده شبه مستحيل.بيتحقق لاننا توكلنا على ربنا

كتير بيعدى علينااوقات بنبقى ذى اللى بيستنجد وحتى ولو بقشه عشان بس الحياة تمشى لانها مش هتقف علينا.

بس انا مش هرجع للوراء لانى عندى امل ان بكرة ان شاء الله هيكون احسن.

الامل ذى الحلم ممكن تعيشه ثوانى وتحققه فى سنين بس فى الاخر بتعيشه وحتى ولو كان ثوانى.