احلام جميلة اتولدت وكبرت فى قلبى
احلام مش عارف احققها
محتاجة قلب يكون زى قلبى يصدقها
محتاجة حضن دافى محتاجة قلب صافى
محتاج حد من قلبى يسرقها
احلام جميلة حلمت بيها مع نفسى
ونفسى ليه جاية النهاردة عايزة تحرقها
احلام عايزة تصرخ وتطير فى الفضا
تهرب من قلب عمره انفض وانقضى
قلبى خلاص بقى زى الجماد
بياكل فيه الصدأ
بيصرخ مهما يصرخ مفيش لصوته صدى
احلام الحب كله سكنت فى قلبى انا
وقلبى ما حس بيها
ولا داق طعم الهنا
ولا داق طعم الهنا
يخرج من جرح يدخل فى جرح
ما يلاقى غير الدموع والضنا
احلام بريئة محتاجة حد يصونها
محتاجة لمسة رقيقة
ملكة تسكن عيونها
محتاجة قلب غيرى
خايف فى يوم اخونها
احلامى خلاص ماتت
اسودت كمان جفونها
+copy88.jpg)
+of+0100.jpg)
47 التعليقات:
ايه دا اول تعليق ولا ايه
احمدك يا رب اخيرااااااااا هحتل مدونتك
وناخد بقى تانى تعليق
وناخد التاااالت كمان
دى فرصه مش بتتكرر كتير بردو
اروح بقى اقرا البوست وارجع على طووووووووووول
بوست جميل جدا جدا طبعا
برغم الحزن اللى فيه
خلى عندك دايما امل
وتاكد انك طالما لسه حى وبتتنفس يبقى اكيد فى امل لاحلامك
تحياتى
احم احم
تانى تعليق
وحشتنى يا احمد
اخبارك اية
ربنا ما يحرمنيش منك يا احن اخ بالدنيا كلها
انت ونعمة الاخ بجد
ممكن انضم
للاحتلال دا
حجزززززززززز
ماما الفراغ
يويو وحشتينى
ايوشتى
رانيا ليس فقيرآ من يحب
حنين
فكرة من الزمن دا
فراشة
ميمايا
ثندر
جارة القمر علياء
نوارة هانم
وردشان smilyrose
وحشتنى
منورة الدنيا كلها ياقلبى بالحضضضضضضضضضن
Pink Dreams
منورة أول تعليق ياقمررررررررررررررر
مبرررررررررررررروك
لولولولولوىىىىىى
طب انا هناااااااااااااااااااااااا
سلامو عليكم
يا عينى
احلام وردية
وايناس
حد يبلغ البوليس بتاع جوجل يا جدعان
انوسه النوسه كونوسه
متحرمش منك يا جميل
يارب تكونى بخير
تالت تعليق
كنت هنا قبلهم وربنا يااحمد
ماليش دعوه
انا هضربهم الاتنين الاحزان والاحلام البمبى كمان
يعنى كدا احنا متحيرين اسم حبيبتك رجاء ولااحلام
ارسالك على قاره
ههههههههههه
لسه يااحمد موش قادره افصل بينهم
محتاج حد من قلبى يسرقها
عجبتنى اوى دى
تسلم ايديك
طبعآ انا جيت يا احمد
ومعلهش متأخرة عليك اووووووووووووووى
بس بجد امى كانت تعبانة اووووووووووى
والحمد لله بقت كويسه
ربنا يشفيها يارب
رانيا
وحششششتنى اووووووووووووووووى
بالحضضضضضضضضضضضضضضن يا بت
زى الفل كملت يا جدعان
ليس فقيرا يا عينى
وحشنى يابنات
عاملين ايه يا عيال
انتشروا بس بالراحه لتزعجوا القطط
ازيك يا وردشان
عامله ايه يا حبيبتى
صديقى العزيز
السلام عليكم
لقد حاولت كثيراً أن أعرف رقم تليفون
العم فشكوووول ولكنى أفشلت
وأريد أن أسألك سؤال العم فشكوووول
إسمه صلاح أبو زيد فما هو الإسم الأوسط
حتى أستطيع الحصول على رقم تليفونه من
الدليل
خالص تقديرى
صديقى العزيز
السلام عليكم
لقد حاولت كثيراً أن أعرف رقم تليفون
العم فشكوووول ولكنى أفشلت
وأريد أن أسألك سؤال العم فشكوووول
إسمه صلاح أبو زيد فما هو الإسم الأوسط
حتى أستطيع الحصول على رقم تليفونه من
الدليل
خالص تقديرى
انوسه الف سلامه على ماما يا جميل
ربنا يشفيها ويعافيها يارب
ياسلام يا سلام
هعتبر نفسى داخل الاحتلال واقولك تسلم ايدك
وانوستى حبيبتى حجزالى اهى هييييييييييييييه
يارب متجمعين هنا دايمآ عند اخوكم احمد
7annen
منورة يا قلبى
رانيا
الهى ربنا يسعدك يارب ويبارك فيكى
دعواتك لماما بجد
ماشاء الله يا احمد كلماتك جميله جدا
انت موهوب ربنا يباركلك يارب
ويسعدك
ربنا يشفيها شفاء لا يغادر سقما ولا الما يا انوسه ويطمنك عليها
معلهش هرجع تانى على روقان
سلام دلوقتى
ههههههههههههههههههه
ايون جواسيس غير مرئيين
عشان تعرف بس ان احنا مش اى حد
ولو مش مصدقنى اسال قططك
هعهعهعهعهعهعع
احمد
انا كلمت عم صلاح وهو كويس الحمد لله وبقا احسن
مش تقلق علية
وانا هعمل بوست وهطمن كل الناس فيه
وبيسلم عليكو كلكم
انت اتحسدت ولا ايه بقى بعد التفاؤل ده كله والحب تعمل بوست حزين بالشكل ده اللى مش هتقدر تصون احلامك يبقى متفكرش فيها من الاول علشان انت قلبك محتاج قلب بجد يصونه ويحافظ عليه
احمد
أنا عملت بوست كده على السريع
انا شفت التعليق يا احمد
وهسيب ليك
رقم الفون على الاميل
ومش ناسية ولا مطنشة ولا حاجه
بس ياريت انت مش تتطنشنا
سلام
ع فكره انا رقمي في التعليقات 36
اه اتمسك بحقي بس جيت والتعليق مش كان راضي يفتح معايا
ده اولا
اما ثانيا بقي والاهم ان انا دايما اما حضرتك تحط موضوع بكون موجوده ع المدونه بس مش بيبقي ليا نصيب اعلق الاول
وديه ماثره فيا
ههههههههههههههه
ثالثا بقي انا ليسا مش قرات اروح اقرا وارجع
هههههههههههههه
كالعاده
جميل ماشاء الله
وكله عاجبني
ماشاء الله
وبعدين شوف حل انا عايزه رايك في البوست بتاعي ده انا اللي كاتباه
وانا بكتبه كنت مستنيه ردك ع الموضوع
شوفت بقي
هههههههههههههههه
عموما خير ممكن لو كتبت بوست تاني يظهر عندك الاتنين وتبقي تقول لي رايك فيه
تحياتي لموهبتك
كلمات اكثر من رائعه وسعيد بمرورى ع مدونتك
جميله يا احمد
وكلنا عندنا هذا ا لامل:::
أحلام جميلة اتولدت وكبرت فى قلبى..........احلام مش عارف احققها.....
محتاجة قلب يكون زى قلبى يصدقها
نروح احنا فين بس جنب الكلام التحفه ده
مش قولتلك نروح احنا نعتزل
بس عارف ممكن ناس يقولوا ان اللى يحس الكلام ده سهل يلاقى من يحبه او بصيغة تانيه يلاقى كتير محتاجين لمثل هذا الاحساسوبكده الحب والحبيب يكون عنده سهل
لكن انا بقى حاسه ان اللى يحس مثل هذه الاحساسات الرائعة مايستهلش اى حد كده وخلاص لازم فعلا حد يصونه ويكون بقدر عالى من نفس الاحساس
ربنا يسعدك يا احمد وتلاقى الملكة التى تسكن عيونها
اخبار النملة ايه سلملى عليها
وقلبى ما حس بيها
ولا داق طعم الهنا يخرج من جرح يدخل فى جرح ما يلاقى غير الدموع.
نصيبنا كده اننا نعطى وما نلاقيش اللى يقدر ولا يحس.
الطيب فى الزمن ده مالوش مكان.
هل مش بنلاقى قد ما بندى ده اختيارنا واللى قدرنا.
ربنا يعوض عليك ويسعدك.
خالص تحياتى
نهر الحب
ازيك يا احمد
مينفعش ابدا ادخل المدونة من غير ما ادخل اسلم عليك
اي نعم بقالي كتير اوووي معلقتش بس بحاول اكون متابعة
وكل كلامك سواء حزين او رومانسي
تخطي مرحلة ان ممكن حد يعلق عليه
ولو علقتنا بيكون كلام مكرر بس بجد انت شئ جميل
انسان بس مش زينا من لحم ودم
لاءانسان مكون من مشاعر واحاسيس جميلة فقط تترجم الي كلمات
ده مش مدح ولا رياء ولا مجاملة علي فكرة
ده تلخيص بسيط لتعليقات كتير موجودة عندك ولقصايد كتير اوووي انت نزلتها
مش حعرف اديك حقك سواء الادبي او الانساني
لاني حكون بظلمك
بس بتمنالك التوفيق ان شاء الله الخير والسعادة في كل حياتك
وانك تعيش الحب زي ما بتكتبه وبتتمناه
ويبعد عنك الحزن والهم اللي انت ابرع من عبر عنه بكلام
حستني اكيد ابدعاتك الجاية
مش عاوزة اشكرك علي الحجز عند فراشة او اي حد من اخواتنا
لاني عارفة ان ده حيزعلك
بس مش عاوزة اقولك فرحت به اد ايه
وسلامي طبعا لكا اخواتنا اللي بيدخلو عندك ولسه بيفتكروني
معلش يعزروني علشان مش بدخل عندهم بس ان شاء الله احاول قريب
ربنا يوفيك ويكرمك بكل خير
سلام
شكلى حسدتك وللا ايه ؟
لا يا عم ماليش فيه والله
بس بجد رغم انها حزينه بس
جميله وبسيطه وعايزه اقولك انه
بيفضل جوانا حلم ما بنحلمش
غيره وكلنا رجاء انه يتحقق
لكن ساعات او غالبا بيفضل
طول عمره حلم
ربنا يحقق لك كل احلامك
تحياتى
مساء الخير
ايوه جبت المفيد
لازم القلبين يكون عندهم نفس الاحلام
نفس المشاعر
اخبار مريم نور معاك ايه
تحياتي
إرسال تعليق